مما حدث معي,’=لاتزيدوا المريض مرضا= 2024.

فتحتي موضوع عميق يابصمة والمشكل ان لوحة مفاتيحي الحالية ليس بها حروف عربية
كبداية اقول لك زياراتنا بشكلها الحالي تزيد كثر ماتنحي وتقلق كثر ماتواسي…………..وعنذي نماذج …………كما قلتي ماتعرفي تبكي ولاتضحكي……………………… ولاتطفي الضو؟؟؟؟ ولاتدفني روحك وتتهناي؟؟؟؟؟؟؟؟؟؟؟
لي عودة باذن الله.
اللهم اشفي كل مريض

والله يا اختي تقولي طليتي على قلبي الاب ديالي عندو يومين مللي دار عمليه على قلبو و كيما راكي تقولي الحركه اللي ديريها تتفهم ضدك حتى الزيارات غير اللي يقعد 2سوايع
صح يعطيهم الصحه زياره المريض لازمه بصح لوكان يخففو شويه حتى تتحسن حالته مع العلم انو حنا دار الضياف كيما يقولو دائما عندنا زيارات و عمري ما تقلقت
بصح كيما قلت كي يمرض واحد من الدار الكل يعيا و ربي يشافي كل مرضى المسلمين

بارك اللهُ فيك..إن كانت الزيارة تزيد المريض مرضا و هما و غما فليحتفظوا بقوفريطهم و مادلانهم و موزهم و برتقالهم و لا للزيارة.

فعلا هو موضوع بالغ الأهمية فعوض أن تخفف الزيارة الألم عن المريض و أهله فتتحول إل معاناة خاصة إذا طالت مدة الزيارة ، فزيارة المريض لها آداب على الجميع احترامها ،عن حال المريض ونغادر لماذا الجلوس والخوض في أحاديث طويلة لا الزمن ولا الوقت مناسبين لذلك.
لابد من تعلم آداب زيارة المريض

للاسف الشديد ليس عندنل ثقافة كافية في هاد المجال ليروح يزور مريض يقعد يحكي ويجبد في المواضيع
ما حصل معي شخصيا عندي مدة درت حادث سيارة صرا فيا العجب تكسرت من رجلي ويدي وفي الحوض دارولي بلاتر والرقبة يعني وليت كائن فضائي كي خرجت مالسبيطار لقيت في دارنا عرس الحومة قاع كانت تسقاهوا هههههه و ماقالوش نخليوها تريح زادو قعدو وكاينييين ليقعدو تعشاو
وكينقولهم نريح شوية في شمبرتي وحدي يقولو جينا نزوروها تزيد تشنف
للاسف الشديد مازال ماقاستناش ثقافة زيارة المريض

مشكلتنا كمجتمع نعني من ادب ( الحديث ، الزيارة ، الجلوس، الاكل، الشرب، التعامل مع الصغير ، المريض ، الكبير…………………………..) وكثير من هذه الامور قد تصدف شخص يحمل من الشهادة والمظهر ما تنبهر بها لكن لا يحمل من الادب العامة شيء ، لهذا اعتقد ان على كل واحد منا ان يرجع دوما تصرفاته ويقارنها بما يلقي في كل موقف وليس من منظور البريستج الحفلات و التجمعات الرسيمة بل من منظور ترثنا وديننا الذي لم يترك صغيرة و لا كبيرة إلا أشار لها في هذا المجال ، يحكى ان أحد العلماء تعلم 18 سنة في مختلف العلوم ثم سنتين في الادب بعدها ندم على 18 سنة وتمنى انه لو قضها في تعلم الادب حيث يقال إجعل علمك ملح وأدبك دقيق

السلام عليكم
للاسف تلك هي الحقيقة ,,,,,,لاثقافة في زيارة المريض
ربي يشفي والدك
سلالام

و الله عندك الحق في كلمة قلتيها، انا أمي مرضت عندها مدة بمرض خطير و الحمد لله شفيت ، لكن كاين ناس صراحة بل احساس ، مثلا كانت أمي تدير في العلاج الكيميائي ، وحدة من الجيران علابالكم واش سألتها ، قالتلها وريلي نشوف شعرك اذا انسل ولا مازال ، و كاين لي يجو يحكيولها ، فلانة ماتت بنفس مرضك ، فلانة مسكينة ،،،،،،،،، الحمد لله لي أمي كانت قوية

و عمتي مرضت بسرطان الثدي و نفسيتها تأثرت بزاف ، حبينا نروحو نزوروها قالتلنا ماجيوش ماني حابة نشوف حتى واحد و تقبلنا الامر عادي ، و كي شفيت رحنا و زرناها ، يعني لازم نحترمو الحالة النفسية تاع المريض و أهلوا ، هذه من شيم المسلمين