فوت العيد الكبير بلا مرتو 2024.

صح عيدكم و كل عام و نتوما بالف الف خير ينعاد عليكم ان شاء الله بالخير في حياة الناس الي تبغوهم ان شاء الله.بمناسبة العيد راح نحكي على وحد الظاهرة كاين في بعض المناطق عندنا في الشلف والي هي الكنة يجو ماليها يدوها تفوت العيد الكبير عندهم معنتها نهار الوقفة يجو يدوها و تخلي راجلها يفوت العيد وحدو مع ماليه. عندكم هاذا الشي و لا لالا .اختي تقدري تروحي و تخلي راجلك يفوت العيد وحدو.و انت خويا كيفاه راح يكون الموقف تاعك كون تقلك مرتك راني رايحة نفوت العيد عند ماليا و راهم جايين يدوني ماليا.الي فهم هذا الشي يفهمني لانو انا هذا الشي ماقدرتش نفهمو.اليكم الخط

مستحيل نعيد انا في الدار و هي في بلاصة اخرى حتى كون تكون دار باباها و ادا راحت تبقا ثم ما نحتاجهاش ترجع

رانا من ولاية وحدة ,,,,,,,,,,صح عيدك و كل عام و انت بخير

كيما قلت هاد العادة كاينة بزاف و مازالوا لحد الآن يديروها و انا من رأيي الزوجة تقعد تعيد مع راجلها خاصة انو عيدها الاول في دار راجلها و من بعد العيد تروح لدارهم تغافرهم ,,,,,,,,ماهيش جاية تخلي راجلها وحدو و يلا هي قاتلوا مانروحش على جالك أكيد راح يفرح : و زيد هي متعودة تفوت العيد مع دارهم و هاد المرة لازم تبقى مع راجلها ,,,,,,,هذا يلا كانت تفهم طبعا,,,,,

هذه ليست خاصة بالشلف او غيرها هذه خاصة برجال ما عندهمش النيف في كل مكان وزمان .

السلام عليكم صحا عيدكم اختي سيرين

ولكن العيد ضروري تكون زوجتي معي
=====================

هذا اذا تزوجنا اصلا

اقتباس:

المشاركة الأصلية كتبت بواسطة السي محمد السلام عليكم صحا عيدكم اختي سيرين خويا البارح عيطلو نسيبو( اخو زوجته يعني) من اجل ان ياخذها للعيد اخي رفض رفضا قاطعا انا في عايلتنا ما شفتهاش هاذي الظاهرة ربما هي موجودة ولكن ان شاء الله لن اقبل بهذا ابدا على الاقل تروح اليوم الثالث تبات ليلة او اثنين و ترجع ولكن العيد ضروري تكون زوجتي معي ===================== هذا اذا تزوجنا اصلا

بنات مران تقريبا كامل عيدهم الأول في دارهم و ماعندها حتى مشكل كي تخلي راجلها يعيد وحدو كي العادة قبل ما يتزوج,,,بصح لي تفهم تعيد مع راجلها لانو عيدهم الأول مع بعض و من بعد تروح لدارهم ,,,,,,

اقتباس:

المشاركة الأصلية كتبت بواسطة السي محمد السلام عليكم صحا عيدكم اختي سيرين على الاقل تروح اليوم الثالث تبات ليلة او اثنين و ترجع

لماذا المبيت ؟
تمضي اليوم عندهم وترجع ليلا ، أيام عيد تنام في بيتها

اقتباس:

المشاركة الأصلية كتبت بواسطة ما فهمت والو مستحيل نعيد انا في الدار و هي في بلاصة اخرى حتى كون تكون دار باباها و ادا راحت تبقا ثم ما نحتاجهاش ترجع

صح عيدك خويا مي والله كاين شي رجال يخلو نساهم يروحو لالا ماتخليهاش تروح برك ماتخليها تروح ماتقوللها اقعدي نيشان

اقتباس:

المشاركة الأصلية كتبت بواسطة وردة أمل رانا من ولاية وحدة ,,,,,,,,,,صح عيدك و كل عام و انت بخير كيما قلت هاد العادة كاينة بزاف و مازالوا لحد الآن يديروها و انا من رأيي الزوجة تقعد تعيد مع راجلها خاصة انو عيدها الاول في دار راجلها و من بعد العيد تروح لدارهم تغافرهم ,,,,,,,,ماهيش جاية تخلي راجلها وحدو و يلا هي قاتلوا مانروحش على جالك أكيد راح يفرح : و زيد هي متعودة تفوت العيد مع دارهم و هاد المرة لازم تبقى مع راجلها ,,,,,,,هذا يلا كانت تفهم طبعا,,,,,

واش راكي يا الشلفية الله يسلمك و صح عيدك انتي تاني .انا الحاجة الي راني مخلوعة فيها كيفاش ماكرهتش من العيد تاع دارهم و زيد علاه الكبش تاع دارهم جايبينو من السعودية و لا الكعبة راهي تم .الي تفهم كون هو يقلها روحي تقولو لالا .العيد الاول و لا العاشر تريح في دارها منبعد تروح تضيف هي و ياه هذا هو الصح.هي تحسبها شطارة و كون جات تفهم كون هو يقلها روحي دير فيه حالة امالا باغي يتهنى منها مي كاين شي نسا الله غالب يحسبو المحبة كي يخليها تروح

اقتباس:

المشاركة الأصلية كتبت بواسطة j.p.sarter هذه ليست خاصة بالشلف او غيرها هذه خاصة برجال ما عندهمش النيف في كل مكان وزمان .

والله ماعلابالي يا خويا كيفاش يشوفوها الرجال و كاين الي عندهم عادة معنتها الكنة تروح و بنت الدار تجي .يحس روحو مازال عازب و هو متزوج

اقتباس:

المشاركة الأصلية كتبت بواسطة شيء من رجاء ! يالطيف .. البنت لما تتزوج يصبح زوجها أولا ، وإلا لو بقينا نتبع تخاريفهم ، البنت تعيد في بيت والدها ، لكن بلا والدتها ، التي ستقضي العيد مع أهلها ،، لا توجد عندنا هذه العادة الغريبة الكنة تزور بيت أهلها في عشية العيد ، أو ثاني أيام العيد . لو كنت رجلا وتركتني زوجتي في العيد لأجل أهلها اقول لها ابق عندهم .. عيدك مبارك عزيزتي وكل عام وأنت بخير

الله يسلمك رجاء و صح عيدك حنونة و كل عام و انتي بالف الف خيروالله يا رجاء يروحو و تجيهم عادي انا باغية نفهم كيفاش جايتها تروح و تخلي راجلها و مع الصباح تعيطلو و تقلو صح عيدك ههههههههههههههههه الله يهديهم

واش راكي يا الشلفية الله يسلمك و صح عيدك انتي تاني .انا الحاجة الي راني مخلوعة فيها كيفاش ماكرهتش من العيد تاع دارهم و زيد علاه الكبش تاع دارهم جايبينو من السعودية و لا الكعبة راهي تم .الي تفهم كون هو يقلها روحي تقولو لالا .العيد الاول و لا العاشر تريح في دارها منبعد تروح تضيف هي و ياه هذا هو الصح.هي تحسبها شطارة و كون جات تفهم كون هو يقلها روحي دير فيه حالة امالا باغي يتهنى منها مي كاين شي نسا الله غالب يحسبو المحبة كي يخليها تروح

الحمد الله أختي السوالة عليكم

عندك الحق في واش قلتي المفروض هاذي حاجة بديهية العيد تعيد في دار راجلها و دارهم عندها الوقت و تروح ليهم بصح كاين لي حاسبة روحها شاطرة تقولك لازم نعيد في دارنا و ماعندوش الحق يمنعني

نحن عندنا من العيب ان نذكر ذلك …………والزوجة لاتذهب لاهلها الا في اليوم الثناني او بعد الذبيحة

اقتباس:

المشاركة الأصلية كتبت بواسطة شيء من رجاء ! لماذا المبيت ؟ تمضي اليوم عندهم وترجع ليلا ، أيام عيد تنام في بيتها

بالاك توحشت امها و خاوتها

نستفرد بامي و خياتي

اقتباس:

المشاركة الأصلية كتبت بواسطة السي محمد السلام عليكم صحا عيدكم اختي سيرين خويا البارح عيطلو نسيبو( اخو زوجته يعني) من اجل ان ياخذها للعيد اخي رفض رفضا قاطعا انا في عايلتنا ما شفتهاش هاذي الظاهرة ربما هي موجودة ولكن ان شاء الله لن اقبل بهذا ابدا على الاقل تروح اليوم الثالث تبات ليلة او اثنين و ترجع ولكن العيد ضروري تكون زوجتي معي ===================== هذا اذا تزوجنا اصلا

الله يسلمك و صح عيدك انت تاني.الصح الصح يا السي محمد هاذا الشي كاين عندكم في عين مران حنا عندنا كنة ماشي بعيدة على مران اليوم ديجا كنا نهدرو على هاذي العادة السيئة قتلها كيفاش عندكم يروحو و يخلو رجالهم قاتلي حنا عندنا راهي عادة مي ماشي كامل مطبقينا الاكثرية برك هههههههههههه . كي اليوم ان شاء الله تتزوج خويا ماشي صعيبة على ربي سبحانو .مي خوك نستعرف بيه والله مليحة المرة في دارها يجو يدوها هكا كون ريحت عندهم خير