مامدى تأثير اختلاف المستوى التعلمي للزوجين واثره على الزواج خاصة اذا الزوجة متحصلة على شهادات عليا والزوج يكون مستواه اقل ام العكس شكرا
السلام عليكم
شكرا ليك على الطرح الجميل ….
انا عن رأيي لا توجد مشكله فأنا متحصلة على شهادة جامعية وبشرف …ورفيق دربي معندو اي شهادة ..
أنا بالذات منخليهش يحس بلي كاين فرق بيناتنا ونجرحو في شخصيتو ….
لكن الشهادة تجي في عقلو ….مدامو عقلو رافد زمان كامل….نتكل عليه
بصح الراجل المتعلم منظنش يتقبل المرأة اذا كانت ماشي متعلمة ومثقفة باسكو غادي تغبنو …
مي ادا كانت متعلمة وهو لالا هي تتنازل على حظوظها على جال اسعاد راجلها ….
وشكرا ليك اخي
هي راجعة لشخصية كل وحد مرات تلقى ناس ماعندهمش شهادات مي كي تريح معاهم والله عقليتهم فور تلقاهم مثقفين تاع الصح و مرات تلقاه ديبلومي و هو فارغ من راسو . تلقى عندها اثر سلبي و ممكن تاثر على الحياة الزوجية لانو راح يحس الشخص هذا بالنقص و مع الوقت ينقص الحوار لانو مواضيع النقاش ماتكونش مشتركة و اذا كانت المراة هي الي عندها شهادة عالية ممكن كي تولي تهدر ديما يحس بلي راهي تزوخ عليه و ممكن منبعد كل ماتجي تهدر يا اما مايسمعهاش يا اما يقولها نيشان اسكتي و حتى و تكون العكس يولي الراجل كي يهدر في شي حاجة ممكن هي ماتستوعبوش امالا يولو يتفاداو بعضاهم و هنا ينعدم الحوار و مع الوقت بلاك تحس انو كل واحد عايش بجيه هي ماشي دايمن لانو في شي حالات و كي تصرا زيجات من هاذا النوع تلقى الطرف الي مستواه العلمي عالي يعاون في لاخر وبلا مايحس باه مايجرحوش و هو الي يخليه يقرى و يشوف حوايج هو مكانش علابالو بيهم معنتها اذا كانو متفاهمين راح تلقى كل واحد يدعم و يعاون في لاخر و مايحسسوش بلي كاين حاجة ناقصة.معنتها الحب و الود الي بيناتهم هو الي راح يبني جسر التفاهم و يخلي كل واحد يكمل لاخر لانو مرات شي حوايج تلقاهم عند الي ماقراش و ماتلقاهمش عند القاري
حظ سععععععععععععععععععععيد..
لا ياثر كثيرا هذا على الحياة بينهما فمثلا انا لي استاذ دكتور بدرجة بروفيسور ومع ذالك زوجته مستوى سنة 6 ابتدائي يعني الشهادة ليست معيار للحياة الزوجة وتيقى وجهات نظر كل شخص وكيف يفكر وما يطمح ان يجده في شريك حياته.
هدا يتوقف على شخصية الزوجين
ادا كان الزوج له شخصية قوية فلا يهم ان كانت زوجته تفوقه في المستوى – الثقافى – الاجتماعي – المادي او حتى في السن
لان قوة شخصيته ستعوض كل هدا النقص
مع انه من الاحسن ان يتفوق عليها في جميع المستويات لانه حتى في لحضة شجار بينهما لا يجرؤ على معايرتها بانها اقل منه ..لكنها تجرؤ على دلك و لو حرصت على ان لا تفعل
و حتى لو احست بهدا النقص فلن يضرها في شيء فكلنا نعرف دكر و انثى بانهن ناقصات عقل ودين
فالرجل يحتاج ضعف و حنان المراة
و المراة تحتاج قوة الرجل