السلام عليكم ورحمة الله وبركاته، يارب تكونوا في احسن الأحوال، راني باغية نشري غسالة الاواني او كيمايسموها جلاية الصحون..لكن ما عنديش معلومات كثيرة، يا ريت اللي عندها وحدة تحكيلي على محاسنها و عيوبها..خاصة من ناحية استهلاك الماء و التعقيم و السعة..الخ..الله يجازي كل من ترد بالجنة و الذرية الصالحة..بصراحة عييت من الخدمة البرا و الداخل و مع الأولاد ربي يحفظهم و مع جاي شهر رمضان المبارك.. ربي يبلغنا إن شاء الله و نصوموه بالصحة..علابيها راني حابة وحدة.تعاوني..نقصد الغسالة اكيد..
غسالة الاواني مهمة كتير لمساعدة ربة البيت وخاصة اللي ماعندهاش المعاونة في الدار نقصد البنات الكبار انا عندي وحدة فاكتني نتاع الصح وخاصة للمرة الخدامة بحالي
|
المشاركة الأصلية كتبت بواسطة ام انيس 05
 غسالة الاواني مهمة كتير لمساعدة ربة البيت وخاصة اللي ماعندهاش المعاونة في الدار نقصد البنات الكبار انا عندي وحدة فاكتني نتاع الصح وخاصة للمرة الخدامة بحالي
|
السلام عليكم ورحمة الله وبركاته
بارك الله فيك اختي ياريت تشرحلنا بالتفصيل الممل
طريقة عملها
انا شريت وحدة ومازال ماستعملتهاش
شكرا مسبقا
|
المشاركة الأصلية كتبت بواسطة ام انيس 05
غسالة الاواني مهمة كتير لمساعدة ربة البيت وخاصة اللي ماعندهاش المعاونة في الدار نقصد البنات الكبار انا عندي وحدة فاكتني نتاع الصح وخاصة للمرة الخدامة بحالي
|
بارك الله فيك اختي ام انيس على الرد..لو تكرمت احكيلي شوي على الغسالة نتاعك..الماركة و الوظائف اللي ديرهم و السعر.. وهل كل الغسالات تعقم و الا كاين انواع..بوركت و ربي يجازيك
اختي غسالة الاواني كاين بزاف ماركات مثل werpool ariston lg samsung لكن احسن وحدة هي lg خاصة من ناحية الجودة و الصيانة
لانها ضمان 10 سنوات و القطع تاعها متوفرة في الجزائر لكن اشريلها من عند la maison lg كاينة تاع 6ملاين و حاجة و كاين تاع 8 ملاين على حسب عدد الرفوف ، كي تشري شوفي لي مكتوب فيها A++++ معناها هذي اقتصادية من ناحية الكهرباء و الماء
و الف مبروك مسبقا
|
المشاركة الأصلية كتبت بواسطة زينب 83
اختي غسالة الاواني كاين بزاف ماركات مثل werpool ariston lg samsung لكن احسن وحدة هي lg خاصة من ناحية الجودة و الصيانة
لانها ضمان 10 سنوات و القطع تاعها متوفرة في الجزائر لكن اشريلها من عند la maison lg كاينة تاع 6ملاين و حاجة و كاين تاع 8 ملاين على حسب عدد الرفوف ، كي تشري شوفي لي مكتوب فيها A++++ معناها هذي اقتصادية من ناحية الكهرباء و الماء و الف مبروك مسبقا |
بارك الله فيكي اختي زينب على التوضيح..قوليلي ماكانش اللي اقل من 6ملاين..بانولي غالين و الا هذه السومة نتاعهم..شوفت اللي شاريينهم occasion ب 2 ملاين و ماركات المانية و ايطالية..بصح نخاف تخسر لها بياسة ماتلقيش اختها في الجزائر.
السلام عليكم شكرا على المعلومة
شكرا على المعاومة ربي يقدرنا كامل ونشروها
السلام عليكم
اختي مافهمتش واش بيه النت هدا الايام قد مانكتبلك الرد قد مانلقاهش مافهمتش وين يروح
المهم الغسالة اللي عندي arturmartin
صابون الغسيل اللي نستعملو finish او sun وايضا تحتاج الى لماع والملح الخاص بها لضمان ازالة الدهون ولمعان جيد للاواني وخاصة الزجاجية
اضن اني جاوبتك اختي ياربي يوصلك الرد هدا المرة
بالتوفيق
انا عندي lg اشتريتها ب6ملايين و 200 و الحق ما نندمش عليها ومريحتني بالقوة فيها تعقيم انا استعمل اقصر مدة يعني نصف ساعة يوميا اجمع كل اواني اليوم وانحطهم كلهم حتى الطناجر و القدور و استعمل المواد مثل ما قالت الاخت فينش و الملمع والملح يشد معي مدة طويلة اتوكلي على الله وبصحتك مسبقا و نسيت فيها ضمان
أنا مريحتني رغم أنني مانستعملهاش بزاف غير في رمضان ولا مين يجوا عندي ضياف لأن عائلتي صغيرة أنا و زوجي وبنتي و مانيش ندمانة اللي شريتها
حبيت نسقسي لأخوات اا نتاعي تقعد 2 سوايع في غسل فهل هدا طبيعي ولا أنامانيش مريقلتها مليح
أنا شريت منذ 3 سنوات غسالة الصحون lg عجبتني و لحد الآن ليس لدي أي مشكل معها ..لكن ما يجب أن تعرفيه هو أن غسالة الصحون لاتضعي فيها الأواني المصنوعة من الألمنيوم.
يا لبنات انا حابة نشري غسالة اواني لكن كوزينتي ضيقة بزاف. قالولي لازملها انستالاسيون. وقالولي الصابون نتاعها غالي. جاوبوني الله يبارك فيكم