مرحبا
هذه الطريقة انا جربتها شخصيا ومفيدة وفعالة جدا جدا
الرخام الاسود من افخم انواع الرخام ………لكن المحافظة على لمعانه ورونقه يحتاج متابعة منكي لذا فهو اصعب انواع الرخام في التنظيف لانه كل فترة قد تمتد لشهر تجدين الرخام اصبح فوقه طبقة بيضاء كي تشمخيها يرجع اسود وكي تنشف ترجع شهبه
انا عندي رخام اسود في المطبخ وفي الحمام المطبخ ماعنديش معاه مشكل اما الحمام مغلبني كل مرة يشهاب
الفايدة طولت عليكم الطريقة هي امسحيه مليح من الغبار او الاوساخ ونشفيه ومن بعد غلي كوب خل احمر والبسي كمامة على انفك لانو ريحة الخل مغلي تكتم النفس كما روح الملح …….وفرغي كوب الخل على الرخام ومشييه بحبيلة مواعين وخليه فوقه حتى يفتر وحكي مليح بالحبيلة وشللي بكمية وفيرة من الماء ونشفي وشوفي النتيجة
وماتنسوش تدعولي كي تجربوها وتنجحلكم
وكما قلتلكم انا مجربتها ماشي سمعتها ولا جبتها من كاش موقع
وكنت حابة نصورلكم التجربة لكن للاسف ماعنديش كيفاش نصورلكم هاتفي راحلي..
بارك الله فيك
بارك الله فيك
رائع بارك الله فيك