اهلا وسهلا بكن وشكرا على تلبية الدعوة راني عارف بنات بلادي شاطرات وكل صبع بصنع حبيت نستفيد من خبر لعند كل واخت هذا موضوع ليس بالجديد لكنه قديم متجدد كل اخت تدخل تفيدنا بحكمة او عفس هههه او طريق لتسهيل عمل ما مثل التنظيف الطبخ في تحضير الحلوياة 
تبانلها عادية لكن الكثيرات يجهلنها 
وانا شخصيا استفدت من مثل هذه المواضيع
ولكن دعاء خير من كل مستفيدة وانا اولهن وشكرا ارجو التفاعل
انا اول الشاطرات هههه اذا كان عندك ابريق شاي او قهوة وتغير لونه من كثرة الاستعمال ضعي فيه قليل من جافال مع ازيس و ضعيه يغلي على نار من بعد اغسليه عادي وسوف تلاحضين الفرق حبيت نكون اول مستفيد من الدعاء ههههههههه
شكرا على الموضوع
واش قلت بنات بلادى شاطرات دخلت 80 وحدة ماكانش لفادتنا بكلمة هههههه
|
المشاركة الأصلية كتبت بواسطة *ملاك الليل*
 شكرا على الموضوع
|
شكرا لكي على تعطير الصفحة بمرورك الكريم
موضوووووووع راااااائع
عندي نصيحة مفيدة جدا
ماتعبيش روحك تحكي في بلا ولا كسرونة تاع حليب ولا اي قدرة لاصق فيها الطياب غير شمخيها برك وبداي ببوشون تاع قرعة حطيه متلا فالبلا وبداي حركي فيه كانو حكاكة الماعن وناكدلك انك تكملي تنظيف البلا بلخف جربوها
وادا حابة تغلي اي خضر فوريهم احسن بعد ماتقفلي مليح الخط الي بين الكسكاس والقدرة باش البخار يطلع كامل للفوق مايخرجش من الجوانب وماتنسايش تغطي الكسكاس وان شاء الله تتحصلي على خضر طايبة اسرع من انك تغليها و بنينة تاني ومافيهاش ما خاصة ادا حابة تغلي اي خضرة باش ترحيها قشريها وحطيها تفور وماعليك غير ترحيها خير ماتحصلي فالتقشير وفايدتها كامل تروح فالما .
انا عندي نصيحة الي حابة تغسل مواعين الطيفال تحكهم بالسينيال لي يلعبو بيه الاولاد في الاعياد ان شاء الله تعرفوه ديروه في صابون لافيرج الحجرة وبعد اغسلو مواعينكم تتحصلو على لمعان ومواعين جديدة المواعين هي البرمة كسكاس الطاوة الى اخره
نصيحتي اديتها من المنتدى كي تكملي التسياق ديري ما فيه خل وانا نزيد الارض ندير فيها الصانيبون و امسحي بالجفافة و ذاك الما و الخل تخرج تبرق و ريحتها مليحه
ادا فاض الحليب فوق الفرن و تحرق رشــي ملـــح و خليه من يكون عندك
وقت نظفيه راه ميتعبكش
ادا معندكش روبو يفرم اللحم ساهل دخلي هبرة تاع اللحم في كونجلتور من تجمد شوية رابي في لراب تاع جزر أو بطاطا
الماعن نتاع النحاس حكيهم بالرمل والنتيجة ولا اروع
|
المشاركة الأصلية كتبت بواسطة صابرة2015
ادا فاض الحليب فوق الفرن و تحرق رشــي ملـــح و خليه من يكون عندك
وقت نظفيه راه ميتعبكش ادا معندكش روبو يفرم اللحم ساهل دخلي هبرة تاع اللحم في كونجلتور من تجمد شوية رابي في لراب تاع جزر أو بطاطا
أيا ادعلي ربي ينجح ولدي و يحفظه
|
الله ينجح وليدك واولاد جميع المسلمين امين
الله يحفظ كل اخت فادتنا ويحققلها ما تتمنى قولواميييييييييييييييييييييييييييين مازلنا ننتظر في الشاطرات
(الشاطرُ من أعيا أهله خُبثاً) أي أتعبهم !
"القاموس المحيط للفيروز آبادي"
قال أبو إسحاق: وشطر عن أهله شطرواً وشطورة وشطارة
إذا نزح عنهم وتركهم مرغماً أو مخالفاُ وأعياهم خُبثاً والشاطرُ مأخوذ منه
وأراه مولداً وقد شطر شطوراً وشطارة وهو الذي أعيا أهله ومؤدبه خُبثاً
قال أبو إسحاق
قول الناس فلانٌ شاطرٌ معناهأنه أخذ في نحوٍ غير الإستواء ولذلك قيل له
شاطر لأنه تباعد عن الإستواء) !
(الشاطر : الخبيث الفاجر) !
"المعجم الوسيط"
أرأيتم معي إلى رداءة معناها وفظاعة مرماها !
أنرضى بعد ذلك أن ننعت أحداً أونُنعت بكلمة (شاطر) !
ولا بدّ أن يدفعنا ما سلف بيانه إلى تركها واستبدالها بكلمات صحيحة
المعاني وعباراتٍ سليمة المرامي كأن نقول
فلانٌ (ذكيّ) ، (نبيهٌ) ، (ماهرٌ) ، (عبقريٌ)
منقول للفائدة
elah ijazikoum kamel ya el fahlet