الإعلان عن إفتتاح الدورة الثالثة
"نعم موظفة و ربة منزل أقدر و مستحيل أن أفشل"
سوف تفتتح الدورة الثالثة لدورة
"موظفة و ربة منزل أقدر و مستحيل أن أفشل"
و ذلك بتاريخ
السبت
25/02/2016
بإذن الله
فمن كانت ترغب بالمشاركة في الدورة القادمة
يرجى التسجيل في هذه الصفحة
شكرا لكن حبيباتي
السلام عليكم أنا مريم حابة نشارك معاك حبيبة نتمنى تتقبلوني
السلام عليكم اختي حبيبة اود ان اشارك في هذي الدورة لكن لست عاملة انا ربة بيت وادرس الخياطة في التكوين هل يمكنني المشاركة بما ان نصف نهاري اقضيه خارج بيتي
..…نعممممممممم اقدر بااااذن الله……..
انا ايضا اريد الانظمام للاخوات واتمنى انكم تقبلوني
سيدتي حبيبة من فضلك انا لم افهم الاعلان انها افتتحت نمنذ اسبوع لكن انا لا اجد الموضوع
اتمنى تفيدوني
انا تاني حابة نشارك كيفاش ندير!!
أهلا و مئة مرحبا بكن حبيبااااتي
يسعدنا انضمامكم لنا
خلاص رانا افتتحنا الدورة الثالثة للموظفات
يمكنكم ابتداءا من الآن
المشاركة فيها
أعتذر عن سهوي عن تغيير تاريخ افتتاح
الدورة الثالثة بعدما قررنا تأخيره لمدة أسبوع
أي بدلا من الاسبوع الماضي
إلى هذا الاسبوع
فسببت لكم الحيرة
و اختلطت عليكم الامور
أعتذر مرة أخرى
نعم اريد الإنظمام لقائمة المشاركات
je veux participer mé comment
واش فيها الدورة؟
راني حابة نشارك
مرحبا بيكم لبنات في الدورة هذا هو الرابط
https://www.djelfa.info/vb/showthread…=884827&page=1
تنورونا باذن الله
دخلت فقط لاقول لكن مبروك لن اشارك لانني ربة بيت فا شلة بالتوفيق لكن
|
المشاركة الأصلية كتبت بواسطة انوارالحق
 دخلت فقط لاقول لكن مبروك لن اشارك لانني ربة بيت فا شلة بالتوفيق لكن
|
يا قلبي علاش راكي تقولي على روحك هاكذا؟؟
واش هو الشيء العظييييم جدا اللي حبيتي اديريه و فشلتي فيه و من بعدها حسيتي أنك فاشلة؟؟
ما كان حتى حاجة تستاهل أنك تسمي روحك فاشلة حبيبتي
رايحة نعاود نقولها
اديسون لوكان سمى روحه فاشل من أول أو ثاني أو عاشر محاولة و تجربة
لوكان مارانيش تعرفت عليك حبيتي
و تمتعت بوجودك
ولا لالا؟؟
ما نحبش نزيد نسمعك تسمي روحك بمثل هاذ الألقاب
في هاذ الدنيا حتى حد ماراهوا فاشل
ممكن ما تنجحلهش كاش محاولة أو يخدم و النتيجة تكون ماشي مرضياته
ولا يتردد بزاااف
ولا يتراجع بالخف و يستسلم
بصح لوكان يرجع شريط حياته للوراء
راني متأكدة أن كل وحدة فينا راهم فايتين عليها امتحانات من الله قد شعر راسها
وين خرجت مرا و نص
و هي قااااع ماشي رادتلها البال
لأن الحياة تتسارع أحداثها وين ننسوا ارواحنا في خضمها
شوفي حبيبتي راكي دخلتي قلبي من اللي قريت اسمك
أنواااار
لما قريته دخل لقلبي النور
ونورتيلي خاطري ربي يخليك ليا حبيبتي أنواااار
ربي يحفظك و يعطيك الخير
راه فيك الخير حبيبتي ما تزيديش تنقصي من قيمة نفسك راها قيمتك أكبر بكثير
ماللي راكي شايفة روحك
كوني متأكدة من ذلك و خلي ثقتك بالله أكبر من هاذ المقدار
لأنه خلقك في احسن تقويم و نعمك بنعم ما نعمش بيها أحدا غيرك
اذا راكي امراة لا يعلى عليها تباريك الله عليك
ردي عليا حبيبتي
و خبريني واش هي المشكلة و العائق اللي لقيتيه في طريقة
و عييتي باش تنحيه ولا تتغلبي عليه
و ما قدرتيش
و عليها حسيتي نفسك ماشي في المستوى
الخطأ ماراهوش فيك الخطأ ربما في الطريقة اللي واجهتي و جاهدتي بيها هاذيك المشكلة ولا العائق
يلا ردي عليا و خبريني واش هو العائق
باش نلقوله حل باذن الله
و نحاولوا نلقوله طرق ثانية باش نزيحوه من طريقنا و نتفسوا الهوا..
|
المشاركة الأصلية كتبت بواسطة انوارالحق
دخلت فقط لاقول لكن مبروك لن اشارك لانني ربة بيت فا شلة بالتوفيق لكن
|
له له له عزيزتي
مكانش حاجة اسمها فشل
لما يغمض الانسان عينيه ويموت هنا حياتوا انتهت
لكن مدامنا فلحياة لازم نتمتعوا بكل ما فيها
حتى اللحظات الصعبة ليها متعتها وذوقها
وبدونها لا نستطيع أن نتمتع بحلاوة الحياة
معايا ومع حبوبة أمحي هذي الكلمة من قاموسك
وما نزيد نسمعها الا كان شئ صعب عليك
علاه رانا هنا
يلا حابة نسمع يومياتك وباذن الله نتعاونوا كيف كيف
كيف رانا مسلمين واحنا نضيعوا امام أي صعوبة
الصعوبات خلقت لنحلها ونستمتع بها
ونتعلم منها ونأخذ العبر
تقبلي تحياتي