يا خاوتي عندي 21 يوم ماقدرتش نهز الكراس و تقرا مع أني كنت في البداية
نقرى و نحفظ بشكل عادي
خاصة أني مترشح حر و لما اكتشفت أن توجيهي الى مركز امتحان بعيد جدا عن مقر سكني
و الله يا خاوتي راني في حالة نفسية mort
عاونوني ربي يخليكم
ربي يعاونك خويا
وما الفرق ان كان بعيد ولا قريب
المهم تربح الباك
انسى المسافة
بعد ما تربح راح تنسى كل المصاعب
تحدى الصعاب في خاطر الباك واصلا ايامات وخلاص والله تتعب بصح نبعد تنجح تنسى التعب اصلا والمسافة مش مشكلة مالا انا واش نقول صدقني راني نقرا والمسافة بعيدة وفي وادي سوفالسخانة بصح واش نديرو لازام ربي معاك
و الله عندكم الحق خاوتي
اللي يشوف هم الأخرين ينسى همو
راني بديت نحكم روحي شوية
يعطيكم الصحة
هاكة راك فووووووووووووووووووووووووووووووووور ربي يوفقك ويوفقنا
اذا كنت انت رجل وحصلك هاك ….شوف لحال البنات لي بعثوهم ابعد منك
حتى انا مثلك اخي مترشح حرّ ومثلك كذلك في البداية كنت ادرس ماشاء الله والآن تكاسلت والله المستعان
اكثر الدعاء واستعن بالله…واكثر من الإستغفار
ربي يوفقكم يا جماعة
ان شااااااااااااااء الله ربي يوفقناااااااااااااااا المهم التعب يجيب نتيجة باذن الله تعالى
|
المشاركة الأصلية كتبت بواسطة hamida dz
 اذا كنت انت رجل وحصلك هاك ….شوف لحال البنات لي بعثوهم ابعد منك
|
و الله هاذو الكلمات يزيدو النص و يمدو الكوراج
عندك الحق
ان شاء الله ديما تكون فورررررررررررر يا اخي والله كان تشوف اختك راهي تعاني
ان شاء الله ربي يوفقنا جميعا
و الله يسهل علينا الطريق
و ان شاء الله فرحة النجاح تنسينا هذا التعب
و نعقبو الصيف مريحين
|
المشاركة الأصلية كتبت بواسطة سفيان04
يا خاوتي عندي 21 يوم ماقدرتش نهز الكراس و تقرا مع أني كنت في البداية
نقرى و نحفظ بشكل عادي خاصة أني مترشح حر و لما اكتشفت أن توجيهي الى مركز امتحان بعيد جدا عن مقر سكني و الله يا خاوتي راني في حالة نفسية mort عاونوني ربي يخليكم |
يا اخي انشاء الله تدي الباك و بمعدل كبير
يا اخي هدا ابتلاء من عند ربي سبحانه و هذا الشيطان بدا يطيحلك في المورال على خاطر علابالو بلي راك انسان قوي صبور على الابتلاء احمد ربي صباح و عشيا
وانا نعرف ناس ياناس اداو الباك و هو بعيد على دارو
الباك انشاء الله راك جايبو الحج لي مقلقتني برك هي
هذي
21ismail
راهي واجدة ان شاء الله
لا تنسى ان الطائرة تقلع دائما عكس الريح
الله يسهل