السلام عليكم
سؤالي كم يبلغ ثمن كراء منزل متكون من غرفة و مطبخ +حمام في ولاية الوادي
و ايضا هل اناسها طيبون و يمكن معاشرتهم و هل كما نسمع بأن المرأة لا تخرج إلا مع زوجها و انها لا تعمل.
ارجوكم المساعدة
اين عليك يا راك من سلك الجيش ولا الشرطة اذا كان في الولاية فالكراء السوافة كمبدا عام يكريو ب مليون وكي يلقاوك براني يخليك تسكن 3 اشهر ولا اربعة و يقولك تزيدني ولا تخرج اما على الخرجة تاع المراة ماكانش منها
مشكورة زوجي من سلك الشرطة
بالنسبة للمعاشرة فحنا السوافة الحمد لله طيبين ونتهلو في البرانية وسقسي ثمة ناس عنابة يعرفونا مليح أما بالنسبة لخروج المرأة فهي من عادات وتقاليد المنطقة ولكن كل واحد وكيفاه
أما العمل هذي مكاش منها انت حرة …في واد سوف تعيشي الحرية بالتزام ونعطيك مثال عندنا دكتورة من باتنة كي تولي جاية للواد تقلهم راني رايحة لبلد السلام………والمعاينة خير دليل كي تجي تعرفي ومرحبا بيك هنا
الوادي مدينة كسائر مدن الجنوب الشرقي فيها المراة تعمل مثل الرجل
المهم هو الكراء الكراء في وادي سوف ب مليون ونص و مليون وثلاثمئة في وسط المدينة اما خارجها بمليون او اقل.حسب المكان
الدفع مسبق لعام او 6 اشهر .الاقبال على الولاية كثير لذا الطلب على السكن زاد ثمنه.كان سابقا مليون .
فيه سكنات جديدة يبنيها رجل اعمال في مكان جيد في الرمال السكن بمليون ونصف لمدة عام . السكنات هي لكساب وراء المحلات التجارية.
اذا اردت مسكنا فاكتبي طلبا في مجموعة اخبار شوف سوف في الفايسبوك ستجدين سكنا بحول الله.
اختي مرحبا بيك في بلادك الثانية الوادي
السوافة في عنابة معمرين وراكي تسقسي على السوافة لدرك ؟؟؟؟؟؟؟؟؟؟؟ ههههههههههههههههههههه
انا والد ومتربي في عنابة واصلي سوفي
المهم للاجابة على اسئلتك بالنسبة للعمل والخرجة في الوادي راهي نورمال وولت حاجة عادية لان البلاد اطورت ياسر ومابقاوش متشددين كيما بكري.
بالنسبة للكراء تتراوح من 5000 يعني سكن جبس الى 15000 يعمي حاجة مليحة… كيما انا كاري لواحد بمليون 2 بيوت وصالة وكوزينة كبيرة حمام ومخدومة مليح زادة
المهم مرحبا بيك اختي مرة ثانية وربي يصلح حالك
مشكور اخي على الرد
بصح انا حابة حاجة خفيفة ما نيش حنقعد ثمة حابين نكريو غرفة +مطبخ+حمام،احنا عائلة صغيرة يعني هكذا تكفي
انا حابة نسقسي على الكراء في امية و نسة بالتمام
مساء الخير اختي واش اداك للميه ونسة راهي بعيدة على السونتر وزيد تما اكيد ناسها معقدين شوي
|
المشاركة الأصلية كتبت بواسطة منيرة 09
 مشكور اخي على الرد
بصح انا حابة حاجة خفيفة ما نيش حنقعد ثمة حابين نكريو غرفة +مطبخ+حمام،احنا عائلة صغيرة يعني هكذا تكفي انا حابة نسقسي على الكراء في امية و نسة بالتمام |
صباح الخير اختي
نسقسي على اخبارك واش لقيتي واش تسحقي ولالا ؟؟؟؟؟؟؟؟ وجيتينا للوادي خلاص ولا مازال ؟؟؟؟؟؟؟؟؟؟؟؟؟
صباح الخير انا حابة نسقسي علي الكراء في بلدية القمار واشرايكم فيها ياناس الوادي
|
المشاركة الأصلية كتبت بواسطة meryouma28
صباح الخير انا حابة نسقسي علي الكراء في بلدية القمار واشرايكم فيها ياناس الوادي
|
صباح النور اختي
واش نقولك واش نخلي قمار ربي يبارك وناسها طيبين بزاف وهدرتم شحال حلوة عسل ويرحبو بالضيف وكي يلقاوه ناس ملاح يحطوه فوق راسهم
وادي سوف كباقي ولايات الجزائر فلماذا الحيرة .