الى الاعضاء والاساتذة عاونوني راني في ازمة 2024.

آلسلآآآآم عَليكــ ـمْ
ربي يجازيكم عاونوني ودبرو عليا الباك قرب math & scince لابآآس راني جايبة روحي فيهم مي الفيزياء الله يستر راني مازال فالوحدة الاولى ~~~
اما مواد الحفاظة راني عاد فالتربية الاسلامية عاد فالدروس الاولى :'(
والله مانيش باغيا نخسر الباك نتاعي حابة نفرح والديا ونفرح انا تاني والله كلما نجي نقرا نكره نبلع الكراس ونروح نرقد مانيش نسهر ومانيش نوض بكري باه نحفظ
عــــــــــــاونونــ ــي تعيشواا
مع العلم معدلي فالليسي كان لا يتجاوز ولا يكون تحت 15 وفالسيام الشهادة جبتهاا 17
الخوف والقلق اثروا عليا وكلما نتفكر الباك نبداا نبكي راني حاسة صح كانش مادارولي والله ماكنتش هاكداا
ربي يوفقكم كامل ويجازيكم وسمحولي لكنت ثقيلة عليكم :'(

السلآلآم عليكم ،، أختي
والله حآلتك كيمآ حآلتي ،،
كنت 14 ندي في السنوات الاولى تع الثانوية ، و 15 في سنوآت تع المتوسطة
لكن كي جيت في البآك رآني نجيب غير 11 & 12
و عمري ما ديتهآ ،، رآني كيفك تمامًا ،
انآ تآني رآني خآيفة بزآف @@
و إلي عآودو البآك ، قالولي كنآ نجيبو 13 فالعآم و مَ دينآهش :/ !!
الله يجيب الخير و خلآص ،
شويآ نصآئح @@"

اني كيفك لكن زيدي الفيزيا هههههه
شوفي الاسبوع هذا حاولي تكملي الحفاظة و الفيزيا
بمعنى من هنا للجمعة توصلي منتصف افريل
يبقالك سمانتين
سمانة علوم و سمانة رياضيات
ماتفهميش حاجا روحي للشيخة

اقتباس:

المشاركة الأصلية كتبت بواسطة Daizy السلآلآم عليكم ،، أختي والله حآلتك كيمآ حآلتي ،، كنت 14 ندي في السنوات الاولى تع الثانوية ، و 15 في سنوآت تع المتوسطة لكن كي جيت في البآك رآني نجيب غير 11 & 12 و عمري ما ديتهآ ،، رآني كيفك تمامًا ، انآ تآني رآني خآيفة بزآف @@ و إلي عآودو البآك ، قالولي كنآ نجيبو 13 فالعآم و مَ دينآهش :/ !! الله يجيب الخير و خلآص ، شويآ نصآئح @@"

ربي يعينا ان شاء الله لازم courage برك :'( سينون يروح الحلم نتاعناا

اقتباس:

المشاركة الأصلية كتبت بواسطة ~~نهال~~ اني كيفك لكن زيدي الفيزيا هههههه شوفي الاسبوع هذا حاولي تكملي الحفاظة و الفيزيا بمعنى من هنا للجمعة توصلي منتصف افريل يبقالك سمانتين سمانة علوم و سمانة رياضيات ماتفهميش حاجا روحي للشيخة

وي ان شاء االه لازم نزير روحي برك ربي يكون معايا :'(

♥~ Never Give Up , Cuz µ Can If µ Want ~♥

just bleve your self and your dream

you must be strong

اقتباس:

المشاركة الأصلية كتبت بواسطة miss manar ما تقلقيش روحك انا تاني راني حــاصلة ومع ذلك نقولو الحمد لله على كل حال مازال الوقت طويل عريض غيري تفكيرك يتغير كل شي كيفاش حبيتي تقراي وتتفوقي بهذا التفكير بهادي الهدرة لي راكي تقولي فيها دوكا هدا كامل وساويس الشيطان ابداي من اليوم توكلي على ربي و اقراي وديري لي عليكي وكل ما تفشلي نوضي توضاي صلي ركعتين تروحلك الغمة ان شاء الله جربي تشوفي فيديوهات تحفيزية و اهم شيء تفائلي وفكري بإيجابية وانتِ الوحيدة القادرة على إحباطك وانتِ الوحيدة القادرة على تغيير حالك ادعيلي ربي يفرج عليا ~~

mrc bcp wlah tala3tili lmoral wrabii yfar7ak kima fara7tinii wrabii yfarajha 3lik nchllh :*

و الله يا أختي اني في نفس حالتك لكن أملي في الله كبير جدا * أتعلمين لما لأن لنا حلم نسعى لتحقيقة لأن ربنا كريم فوق ما نتصور ادعي الله — هاذ النصائح أعجبتني

رسالة للجماعة اللي فقدوا الأمل و قالو فات الوقت و راح و ما يكفينيش للمراجعة للباك و التحضير و يغير من صحابو اللي من بداية العام و هوما يقراو … نقولك حاجة .. و الله غير مازال الحال و تقدر تحكم كلش و تراجع كامل و تعوض كامل النقائص اللي عندك نظم وقتك مليح و قرا غير بالشوية و ما تقلقش روحك بزاف كي تكره ريح شويا و عاود بدا بصح ما تحبسش و نوصيكم أخدموا بالتمارين تاع البكالوريات في كل مادة و ركزو عليهم لأن الباك راح يجي منهم كيما كل عام و نعاودها و الله مازال الحال و تقدر تسترجع كلش فاتك … و الباك ماشي حاجة واعرة و راني نقولكم مازال الحال … المهم كيما قلتلكم ما تستسلموش راه كاين الوقت بشرط أنك تستغلو مليح و عليكم بتمارين البكالوريات و ربي ينجحنا إن شاء الله و نفرحوا … تفكرونا بالدعااااء برك
أدعيلي معاك أختي

اقتباس:

المشاركة الأصلية كتبت بواسطة ai*cha و الله يا أختي اني في نفس حالتك لكن أملي في الله كبير جدا * أتعلمين لما لأن لنا حلم نسعى لتحقيقة لأن ربنا كريم فوق ما نتصور ادعي الله — هاذ النصائح أعجبتني رسالة للجماعة اللي فقدوا الأمل و قالو فات الوقت و راح و ما يكفينيش للمراجعة للباك و التحضير و يغير من صحابو اللي من بداية العام و هوما يقراو … نقولك حاجة .. و الله غير مازال الحال و تقدر تحكم كلش و تراجع كامل و تعوض كامل النقائص اللي عندك نظم وقتك مليح و قرا غير بالشوية و ما تقلقش روحك بزاف كي تكره ريح شويا و عاود بدا بصح ما تحبسش و نوصيكم أخدموا بالتمارين تاع البكالوريات في كل مادة و ركزو عليهم لأن الباك راح يجي منهم كيما كل عام و نعاودها و الله مازال الحال و تقدر تسترجع كلش فاتك … و الباك ماشي حاجة واعرة و راني نقولكم مازال الحال … المهم كيما قلتلكم ما تستسلموش راه كاين الوقت بشرط أنك تستغلو مليح و عليكم بتمارين البكالوريات و ربي ينجحنا إن شاء الله و نفرحوا … تفكرونا بالدعااااء برك أدعيلي معاك أختي

ربي يجازيــــــــ ــك اختي وربي ينجحناا كامل لنا عودة بعد 2 جويلية بنتائج مبهرة بمشيــئة الله عزو جل