هل البطاقة الوطنية ضروية لاجل البكالوريا ومتى يتوجب علي اخراجها هل احتاجها عند التسجيل او يمكن اخراجها في اي وقت قبل الامتحان ولماذا هي ضرورية الى هذا الحد ارجو الرد رجاءا 
ليس لدي معلومة كافية وأكيدة لا أعلم شيئاً للأسف
لازملمك بطاقة وطنية
انا للدرك مادرتهاش
لكن لازم ديريها في الوقت هذا مادام تع باك اللي فات كملوا اوراقهم
قولي للابوك يستخرجلك الاوراق
لانها تأخذ اشهر باش تخرج
ديريها من درك احسن
لازم أختي … وماتلقيش روحك … انا خرجتها في شهر جوان في اسبوعين فقط …
بكل سهوله …
لازمك تجري معاها على خاطر فيها ورق سامطين
يعني من بداية العام اخدميها وتهناي
وراكي تحتاجيها للباك لاااااازم
وطول شوية عالاقل شهر ولا شهرين
بلا التوجاد تاع الاوراق يطول
ولماذا هي ضرورية الى هذا الحد ؟
لانه في مركز الامتحان يجب التاكد من مطابقة المعلومات في الاتدعاء لبطاقة التعريف يعني لازميتاكدو انك انت ماشي غيرك جا يفوت في بلاصتك هه
تحتاجيها باه تدخلي لقاعة الامتحان مع الاستدعاء
كيما في البيام
كاين اللي فوت ببطاقة التعريف المدرسية
ضرك رانا كبار و كاين اللي لحق لل18 و ال19 يعني راهو بلغ السن القانونية مالا بطاقة التعريف الوطنية لازم سواء الباك ولا غيرو
منديرهاش مانيش جزائرى
kyzer إذا لم تكن جزائري لا بأس ، لكن إذا كنت مسلماً بين الجزائريين ، فأنصحك أن تكون جزائري فإنما المؤمنون إخوة ، بربريأو عربي أو شاوي.
اختي البطاقة لازمة تحتاجيها نهار الباك راه عندك عام كامل باش تخرجيها لكن لا تهمليها خدميها في الوسع احسن
kyzer مــــاديرهــاش وهاهو وجهي … كان دخلت للقاعه الاختبارات هههه،،
نعم اختيي تحتاجينهاااااا فيي اجتياز بكالوريا لديك متسع من الوقت يمكنكي كاقصى حد في 15 يوم فقط لاستخراج وتائق لازمة اما هي فتستخرج في نفسس اليوم ساءا متلا
جد ضرورية اختي بلا بيها متقدريش تعقبي الباك
و دورها انهم يتاكدوا من معلومات الموجودة في استدعاء و معلومات لراح تكتبيها في
ورقة الاجابة احسن تخرجيها من بداية عام و تريحي خيرلك من امباعد تولي ديما تخمي فيها
و تقلقك و تزيدلك سترس
رايحة تطول خاصك تزربي
نعم اختاه فهي مهمة ولازمة انا عندي من العام لي فات من سبتمبر اخذ الامر مني يومين لاستخراج الاوراق ويومين انتظار فقط الامر لم يصل حتى الى اسبوع الحمد لله دائرتها ماشي ثقيلة في الخدمة هه