انا خلاص راحت عليا هكذا قالولي كي جبت المعدل ماشي مليح في الباك مالقيتش اللي يواسيني ويشجعني الكل هبطولي المورال وعايروني وزاخو عليا ومعذروش واحدة طول العام وهي تقرا ومبعد ربي مكتبلهاش معدل امليح
المهم استعدت ثقتي بفضل الله وبفضل اعضاء المنتدى العظيم هذا ونقولها وبكل امل لاني لقيت اناس مانعرفهمش بصح ساعدوني باش انوظ ونستعيد ثقتي بنفسي وقررت نبلوكي العام في الجامعة ونعاود الباك ونتكل على ربي
بصح حبين نعرف اسكو اذا ماقبلوليش البلوكاج ونغيب صح يقصوني من الجامعة على المستوى الوطني
هذا هو سوالي ليكم راح نكلاطي من القلقة والوسواس بليز سلعدوني
اذا انت بلوكيتي العام لازم عليك تشمري على ذراعتيك و جيبي الباك بالمعدل الي راكي متمنياتو
ربي يوفقك
وانا ثاني راني كيفك بصح منيش حابة نبلوكي علا بيها راني باديا المراجعة من دروك بصح انا الاختيار الي اخترت هو العلوم الاسلامية وقالولي العام الاول ساهلة بزاف وخايفة لوكان نعاود ومنتحصلش على معدل الطب بها مانضيعش عامي ولنتي راكي دايرا حاجة شويا تبغي المراجعة كيف هندسة ولا رياضيات اعلام الي هادو باغين وقت وتوكلي على ربي الي عندو العزيمة ربي ينجحوا المهم منديرش عقلي غير فالقرلية
نصيحتي لك ماتبلوكيش
|
المشاركة الأصلية كتبت بواسطة sehamralin
 انا خلاص راحت عليا هكذا قالولي كي جبت المعدل ماشي مليح في الباك مالقيتش اللي يواسيني ويشجعني الكل هبطولي المورال وعايروني وزاخو عليا ومعذروش واحدة طول العام وهي تقرا ومبعد ربي مكتبلهاش معدل امليح
المهم استعدت ثقتي بفضل الله وبفضل اعضاء المنتدى العظيم هذا ونقولها وبكل امل لاني لقيت اناس مانعرفهمش بصح ساعدوني باش انوظ ونستعيد ثقتي بنفسي وقررت نبلوكي العام في الجامعة ونعاود الباك ونتكل على ربي بصح حبين نعرف اسكو اذا ماقبلوليش البلوكاج ونغيب صح يقصوني من الجامعة على المستوى الوطني... كااااين منها مئة بالمئة بصح أعلب الحالات يقبلو البلوكاج واللي نصحك ماتبلوكيش هذا هو سوالي ليكم راح نكلاطي من القلقة والوسواس بليز سلعدوني |
موفقة
انت لقد نجحت فقط المعدل لم يعجبك و ماذا نقول نحن الذين طوال العام و نحن نسهر و نشقى و في نهاية نجد كلمة راسب عليك بالفناعة هناك من هو احزن منك و لا تتبعي الناس ماذا يقولون لانهم افواه الناس دائما مفتوحة سواء بالمعدل المتوسط او الجيد لا تستمعي لكلام الناس افعلي فقط ما تحبينه انت و ترضين به انت فقط
selem
kima sa9site oukhty gatli kima haka oui ye9souk lakhtere meche zay bikri
بصح اقريت في القانون الداخلي انهم مايقصونيش برك حبيت نتاكد فقط علاخاطر كاين حالات يقصو فيهم ماشي الغياب مثل الشتم والضرب الخ
احمدي ربي اختاه كاين ناس عشر مرات وهوما يعاودو فيه ونتي جبتيه وعادوتيه برك ماشي نهاية العالم احمدي ربي انا كنت نقرا ليل ونهار وفي الاخير راسب
عاودت الباك و جبتها بمعدل مليح لحقني امنيتي و الحمد لله ..
ما عليك اختي سوى الصبر و الجد الجد رايحا تلحقي بربي ان شاء الله .
مي اذا كان راكي معولة على لقرايا في الجامعة و في الباك صعيبة ياااسر … 98/100 ميجيبوش مبتغاهم ..
المهم ربي يوفق ..