مرحبا بيكم في موضوعي يا صحاب باك 2024
عمبالي بلي راكم كارهين ومش قادرين حتا تكتبو معليش عادرتكم مالا خلونا نبدلو شوي جو قبل النتائج ان شاء الله تتوفقو كل
الموضوع عبارة عن اكتبلنا اطرف حاجا صراتلك في الليسي :في الكلاسا,في الساحة , مع مراقب ……….. المهم حاجا راح تبقالك دكرى تتضحك عليها كي تكبر ان شاء الله
ومن بعد وش تقول لليسي تاعكم
وادا حبيت اهداء هههههه
هيا ابداو
واش مزلتو حشمانين؟؟؟
ايا نبدا انا باه زعما ننشجكم هههههه
العام لي فات /يعني 1 ثانوي/كنت انا ولقايا منعرفوش بعضانا تعارفنا غير سنا طلعت ناس ملاح الله يبارك بصح تغدر هدا ديفو تاعها المهم كنت نقرا غير العلوم والباقي لا علاقة او مش نحب العلوم عديك قريتها قلب و رب خطراش الاستاد يعرف بابا هههههههههه
وكانت استادة تاع فرنسي تكرهني في الدم كي تجي ساعة تاعها كي تشوفني في الساحة ديرلي بوجها تاع مكلاه تتدخلي انا نفهم قدري ومندخلش تجيني من الجنة و الناس هههههه
المهم 1 ثانوي معدلات يتكركرو في الارض ولي يسقسيني علاه معدلاتي كيما هكاك نقولو نخبي في قدراتي للباك هههههههههه
سنا بدلت لليسي وين يخدم بابا خممت مع روح وقلت اللعب ولا بالخبزة مكلاه مالا نتمهبل ياسر ونعرف حدودي
امالا عولت نقرا من قلب ورب
وقريت والحمد الله لاول مرة متسحتش ههههههههههه بصح شي لي كليتو في الكلاسا ربي لي يعلم بيه رانا كلينا كلش كلش اي حاجا تجيك في بالك كليناها من مندرينا لشينا البريوش كل يوم شكولا صباح وعشيا كوكا بوب كورن لوز جوز فستق اي حاجا كليناها عمري مننسا كيفاه حنا نالو والجماعة لي من لورا غير تشم ههههههههههههههه
مالا بروف فاقت بينا مرة ناكلو في البوب كورن مالقيناش وش نديرو قلنالها استادة تاكلي معانا كاين بسكر وكاين بالملح ضحكت ومن بعد درات روحها تغشت
كي فضت الساعة عيطتلنا قاتلنا منين شريتوه هههههههههه
ايا اني تعبت وانا نحكي احكو شوي من بعد نكملكم مغامراتي هههههه
ايا بلا تفنين
رجاء من الادارة متحدفوش الموضوع خلي يبدلو شوي جو تلاميد هنا شوي برك بليييييييييييييييز 
ana 9rit f la classe ata3 mjanin mais mla7 sa7 des fois mantfahmouch mais ra7 natw7chhom
promo alwa7id ata3 math hak tafra wirathya
kayn des profs mannsahmch fi 7yati ata3 math ata3 chari3a 3olom kaaaaaaaaaaml
w lmora9bine tani
3abalkm ana w sa7bti fi 2 9ssar kif kif f tol dima ndoro m3a ba3dana kaml ya7sbon tawam hhhh
fowet yamat mla7 nchlh nanj7 w ra7 natwaaaaaa7chhhhhhh lycé ata3i
pppppppppffffff makalah na7ki psk ra7 nbki
انا كي كنت في 1 ثانوي واول مرة ادخل للقسم حبيت نكتب اسمي في القسم لي نقرى فيه باش يبقى ذكرى هههههههه
وبعدها وعلبليش دخل عليا المراقب العام ولقاني نكتب في الحيط تصورو كروشيت في بلاصتي ملقيت واش نقول ولا كلمة
مزيا في هداك الوقت كنت لسع جديد في الثانوية
موقف مننساهش طول عمري وتعلمت منو
نتمنى النجاح في الباكالوريا ونروح للجامعة واكيد منعاودهاش هههههههه