السلام عليكم و رحمة الله و بركاته
اخواني اخواتي
وشراكم
bonne rantréé
انا طالبة بالسنة التانية من التعليم التانوي
شعبة الرياضيات
بصراحة خوفوني شوي اصدقائي كون الرياضيات شوي صعبة بس هدي كانت رغبتي من البداية
قلت حابة اتكم تنصحوني
و تقدمولي بعض المعلومات
و حبذا بعض مواقع للرياضيات و الفيزياء
لان رغبتي الوحيدة هي التفوق و المراتب العيا في الشعبة باذن الله
انتظر اجاباتكم
تمنياتي لكم بالتوفيق
و دوام النجاح 
أهلين بك زهور الياسمين انا امينة انا تاني خيرت ماتيلام بيسك نحب هدي الشعبة ملي كنت صغيرة و كلام الناس غير مايشقاش تديري عليه لانو ادا كان عندك هدف ننصحك تعملي بيه و بالارادة ان شاء الله راح يتحقق و ربي يوفق كل الطلبة ان شاء الله و ميرسي عليك باي
مرسي امينه
oui bien sur
شاكرة لك الرد غاليتي
السلام عليك اخت زهور الياسمين انا كريمة
انا ايضا في شعبة الرياضيات و نفس الشئ في الاول خوفوني منها كثير و قالولي بلي ممكن ماتقدريش للرياضيات و لكن واحد ما يقدر يقرر مصيرك و انت الوحيدة اللي على بالك بمكتسباتك و بالعكس انا نشوف اذا رحنا علوم تجريبية ممكن ما نلقاوش رواحنا لان مهما كانت اجابتك منظمة في العلوم لازم يكون نقص على عكس الرياضيات الاجابة تكون بالمنطق و الرياضيات تساعد على توازن العقل
الكثير من الناس يقولو الرياضيات توجع الراس بصح اثبتت دراسات انه بالعكس الرياضيات تساعد على زيادة نسبة الذكاء و خاصة تريح المخ لان هذا الاخير يحتاج الى شئ يخدمو انا ننصحك تروحي رياضيات و ننصحك ما تسمعيش الناس حاولي تركزي على الرياضيات و الفيزياء هذا ما يعنيش انك تهملي باقي المواد لانهم يساعدو على رفع المعدل
ارجو اني مانكونش كثرت عليك الهدرة و نكون افدتك و انا حاضرة لاي سؤال
سلام انا تاني نقرا رياضيات بصح الصح ان في الأول مخوفتنيش بصح مين عطاوهاني قاع يقولولو لاغي رياضيات متقعديش ابا انا خفت ودرت طعن ومن حسن حضي مقبلوليش الطعن ودروك راني نقرا في شعبة رياضيات ولي عجبتني كاين15 تلميذ برك عكس الشعب الاخرى وراني نحمد في ربي لي راني نقرا رياضيات ونشاء الله نجتامعو قاع حنا لي نقراو رياضيات ونستفيد من بعضنا البعض نشاء الله ونتمنالكم التوفيق في شتى المجالات باااااااي
ماتخافيش كون تكوني تحبي هاذ الشعبة و خاصة الرياضيات و الفزياء انا تاني في هاذ الشعبة بصح ندير لي يقولي صاعبة نديرو يغير مني و رايحة تنجحي و نقولك روحي لمستشار التوجيه عندكو و هو يقولك
salut à tous moi aussi je suis mathélème et je suis ******* pour mon choix
à tous qui ne sont pas satisfaits pour leurs orientation vers cette branche je les conseille d’accepter leurs destin et de faire des efforts et nchallah ça sera mieux
أنا ثاني خيرت شعبة رياضيات و أي مساعدة أنا في الخدمة
بالتوفيق للجميع إن شاء الله
salem a tous , alrs moi aussi je suis matheleme ; au débu j’avais peur aussi parce que depuis toujours je me voyais scientifique , je ne l’est pas choisi c’est le lycée qui nous a forcé on va dire meme les lettre de recoure nn rien fais cété comme ça on est une class de 10 et il voulé pas nous changé alots je me suis di tompii alors je v l’étudié du moment qu’on a plus de choi apré le bac pour le moment je suis bien éh je me di que j’ai trouvé ma place c’est pas aussi dure que ça c’est vrai les gens te regarde comme si tété une tete ^^ lol mais normale moi je me di je suis comme les autre je pouré etre scientifique aussi ih elmaktub te3 allah alors bon courage pour les matheleme il faut juste étudié a son rytme
بصح مكاش نشاطات بزاف في هدا الموضوع ممكن نتوما لي ما تيلام ولا حتى لي حب الرياضيات نديرو اليد في اليد والله غي نوصلو بعيد يقلك المعاونة تغلب السبع لازو هنا الرياضيين مناش عيطة لازم موضوع كما هدا يلمنا ونقراو كيفكيف يعني في رحبا ونشا الله مراكمش ندما نين دروك مين درتو هي الشعبة وشكرا لكم
فعلت الصواب وانا متيقنة بانكي سوف تنجحين بادن الله لانني ايضا كنت اريد ان ادهب الى الرياضيات لكن اخوتي حدروني منها فوضعت علوم والان انا نادمة لانني لم اضع الشيء الدي كنت اريده لهدا لا ترتكبي خطئي
slt ça va ????????? maken walou li9olek hadi cho3ba wa3ra yrou7 ydfen ro7o ana bouchra ana fani dayra maths w n7abha bzef w man7alasch 3la cha3b . allah yber3k 7na ge3 for wnchllah njaaaaaaaaaaaaaaaaaa7 lljami3
slt à tous moi aussi mathélème w j’espère bien n3awnou ba3dana fi hal tamarin w 3ard el Afkar é nchallah nenj7hou tous
a bientot
اختي زهور هل تدرسين في ثانوية بوعزة ميلود
salut. ça va ???