السلام عليكم
كل واحد ايقولنا كيفاش كان حد الان قسمو
بالنسبة لي عددنا 15 وراهي الصماطا حتى للبلافون (للسقف) الكرهى بلا دراهم ونهار الثلاثاء نبداو الدراسة عن جد يعني غدا فاغتنمت الفرصة البارحة واليوم ولم اذهب في المساء الى المدرسة
وهل ضيقاتكم الفحوص التشخيصية بالنسبة لي نعم فلا فائدة منها فالكثير من الاساتذة لايصححونها على الاغلب
ونتمى لكم كل التوفيق
قبل ان انسى جوبيني على اسئلة باش انشوفو كل واحد كيفاش راهي الحالة عندو
حنا في القسم حوالي 30
قسمنا هادئ و التلاميذ في المستوى من حيث الاخلاق و الدراسة لحد الان
درنا تقويم تشخيصي واحد فقط و مازال الخير لقيت روحي فقدت الذاكرة و اعتمدت على الحظ في الاجابة 
و فقط
مرسي على الموضوع
حنا الحمد لله 26 في القسم شعبة علوم تجريبية
الحمد لله قسم هادىء ومن ناحية القراية يصنف كاحسن قسم يعني كل تلاميذو و الحمد لله ممتازين معدلاتهم ما بين 15 و 18
نتمنى ربي يوفقنا وينجحنا كااااااااااااااامل
اما التقويم التشخيصي لحد الآن وااااااااااااااااالو مدرناش في أي مادة
ونتمنى التوفيق للجمييييييييييييع وخاصة لكم اعضاء مدونة الجيريا
لحد الآن تعرفنا على استذين فقط ولم يشخصنا اي واحد منهما والدراسة حسب ما قال لنا احدهما بانها غدا تبدا
اما من ناحية القسم يعتبر قسم فاضل مشحون بالجو التنافسي
حنا 12 في شعبة الرياضيات الي في صفي كلهم ممتازين و عاقلين بحالي
اما الاساتدة جاو لينا غير زوج
غدا ان شاء الله عندنا فحص تشخيصي في الفيزيك
بالتوفيق للجميع
انا مزال مرحتش psq راني دايرة طعن ومزال مظهرتش النتائج راح papa سجلي وقلت منروحش حتى نعرف روحي وين راني وادا علابالكم وقتاش تظهر النتائج ديال الطعون مدابيكم تقولولي svp
السلام عليكم
احنا عدنا اكتظاااااااااااااااظ في قسمنا لحد الان جانا استاذ واحد
التلاميذ الحق ما علاباليش اذا كانو يعرفو يقراو و حابة نشوف اساتذة المواد الاساسية باه نحكم على قسمي
ادعو معايا انشاء الله يحكموني اساتذة ملاح
يلاااااااااااااااه قولو اااااامين
السلام عليكم
اما بالنسبة لينا انا اصلا مازال ما اتعرفتش على تلاميذ قسمي كامل 
لانو معظمهم ماحضروش الحصص يلي فاتوو 
و حتى بالنسبة للاساتذه واحد ماجانا غير نتاع العلوم الاسلامية 
تبان وحده ناس ملاح و استاذه مليحه 
ان شاء الله كامل الاساتذه يكونو هكذا 
شكرا ع الموضوع 
شكرا على ردودكم والتفاعل الذي اسعدني
حنا قسمنا علوم تجريبية فيه غير الممتازين وفيه 38بصح عجبني وعندنا أساتذة لاباس بيهم……….
حنا كلاستنا فيها غير الممتازين وفيها38تلميذ وأساتذتنا ما علاباليش حتى يقرونا ونشوفو………….
حنا ران نقراو في47 واش نحكيلكم
والله انا رحت سجلت برك
مادخلتش للكلاصة كل
مي طحت في قسم يرهج
رايحة نبدل
شكرا لكم احنا اليوم جات تاع الفيزياء لا باس بها اخواتي ارجوكم ادعولي من قلبكم باش رابي ايسهالي واش كاين في قلبي
نشالله ياربي وأنايا في قسمنا واحد ل26 واحد هادئين كامل بصح الأساتذة… نشالله نعقبو هذا العام على خير برك