السلام عليكم
ان شاء الله كامل تكونو بخير
حبيت نطرح مشكلتي في قسم مشكلتي بصح ماسمحوليش ……..وقلت نديرة هنايا بالاك نتوما تقدرو تعاونوني
مشكلتي هي …….عندي وحد السمانة نخمم في الموت بزاف وخصوصا بعد وفاة شاب يقرى معايا عمرو 20 سنة الله يرحمو
مفهمتش اذا هذا وسواس ولا وشنو وكيفاش نقدر نتخلص منو
دايم قاعدة ونخمم كي نموت كيفاش يصرالي و واش هو الاحساس لي يحسو الميت وكي يتوقف قلبو والوجع لي يحكمو يعني سكرات الموت
مع العلم اني البارحة كنت راقدة فليل ةجابتني الفطنة ولقيت روحي فشلانة ومشي قادرة نتحرك غمدت غينيا وبديت نستغفر و وليت نشوف في ضوء ابيض حسبت روحي رايحة نموت وليت نشهد في قلبي وقلت اكيد كي نفتح عينيا نشوف ملاك الموت
عاونوني واش ندير ماراني قادرة نقرى ماراني قادرة ندير والو نبقى غير نخمم ونقول ياخي الدنيا موت موت وعلاش نعيي روحي
مع العلم اني مشي محافظة على صلاتي بزاف يعني الفجر منصليهش في وقتو وندير منين ذاك روتارد ونعجزباش نصلي
وخطرات نوض نبكي ونطلب من ربي يسمحلي لاني علابالي راني غالطة وديما ندعي ربي يهديني
عاونوني ياو لوكان بكلمة واش ندير كيفاش نحي هذا الوسواس ونحافظ على صلاتي
نترجاكم عاونوني……..يا رب اهديني
الله يهديك ويهدينا : )
جدير بك أخي أو أختي بأن تعد نفسك من الموتى وتراها في أصحاب القبور،
فإن كل ما هو آت قريب والبعيد ما ليس بآت،
وقد قال رسول الله صلى الله عليه وسلم: "الكَيِّسُ من دانَ نفسه وعمل لما بعد الموت"
الإستغفار و قراءة القرآن، شفاء المؤمن.
فقط لسيطرة فكرة واحدة علي و هي خروج جني لي في طريقي إلى المرحاض,,, تخلصت من هذا المشكل بمجرد معرفتي أن الجن لن يمسوني بضر أبدا,,, فصرت أفتح باب المنزل ليلا و أخرج و أتفسح و من شدة ثقتي بنفسي كنت أسير في الظلام الدامس من دون توخي الحذر من الإصطدام بشيئ في الطريق,,, تعلمي كيف تتغلبي على وساوس نفسك بنفسك فأنت أعرف الناس بها بعد الله,,,,
إخدعيها فتستسلم لك ,,,, ولعلك وجدت وسيلة و لم تعرفي كيف تطبقيها جيدا وهي أنك ميتة ميتة اليوم أو غدا فلا تبالي بشيئ,, إعملي صالحا تجديه عند الله حاضرا في الدنيا و الأخرة,, أما الذنوب فلا يخلو منها بشر,,,,
سلام