كيف الحال صديقاتي انشاء الله بخير
اليوم جبتلكم ورشة خفيفة و ساهلة نتاع روبة للدار
تسحقي 2 متر كتان 70 سم شنطه اودونتيل كيما يسميوها
و قالون 70 سم
طبقي الكتان على 4 كيما تعودنا و تحطي عليه مقاساتك
ماتنسايش زجاف الرقبة من خلف
و تفصلي لي مونش
و تخدمي الدونتيل نتاعك فورم لي تحبي انا درتها V و تحطيها فوق الصدر من امام
انا الفتحة درتها 18 سم و من بعد طراسيت حواشي الدونتيل
و نركب القالون بعدما نقص الزوائد
و نخدم بابيون نحطو من خلف
نبدى نركب ليمونش
و نسرفلهم و نلصق الامام بالخلف
ما حبيتش ندير نقشات درت بلي كخو في النص
و نجملو لي كوتي و خلصنا
و انهينا باذن الله
هيا دمتم في رعاية المولى حبيباتي 
مشكورة اختي جميلة هذه الفكرة تاع الشنطه
تلبسيه بصحتك
يعطيك الصحة يامبدعة
فصلت قندورة وفسدت المونش جاني مضبوط مانقدرش نحرك ذراعي بحرية حطيتها مانيش نلبس فيها ياريت دبري عليا
444444444444444444444
الله يبارك خرجتلك روعة
كيما العادة راكي ديما في القمة
بارك الله فيك
يعطيك الصحة هايلة ومتحوفة تلبسيها بالصحة
روووعة كيما العادة سامبل وباهي يسلم يديك وراني دائما نتبع في الجديد تاعك
الله يسترك دنيا و اخرة
يعطيك الصحة
الله يسترك دنيا واخرة يا اختى انا عندى بناتى الله يبارك 2 فى الجامعة و حابتهم يتعلمو لشتا يخيطو روبهم برك يا ريت الى تقدرى تعلمهملى وبحقك انا رانى من سطيف وشكرا اختى ارجوك ما تردنيش والله يجازيك
برافووووو بدعية (قندورة) شابة وخفيفة الله يخليك سطافية les mesure تع المونش راني نخيط في بدعية وراني باغية المونش كما هدو…راكي عارفة باش نغسل الدوارة نهار العيد انشأ الله هاهاها مشكوووووووورة بزاف.
يا سطافية شفتي؟؟ عطاوني نجمة و سموني عضو مشارك كي غايا هههههههههه أنا دورك راني رايحة عند سهام مقراني نشوف يلا ريحت شوية اي مع السلامة و متنسينيش les mesure الله يسقملك السعد.
اكيد ورشة خفيفة وهايلة كيما مولاتها
يعطيك الصحة