اسلام عليكم جميعا
حبيت نسئل خيطات لي يستعملو الطرز بلمكرو شحال راه سعر الطرز عندكم ؟
انا عن نفسي سقسيت وقالي الخياط على حسب الطرزة قتلو حددلي السعر ما بين اي سعر يتراوح قال ما بين 6000 الى المليون
ونا حبيت نسقسيكم قولولي شحال راه يترواح سعر الطرز بلمكرو عندكم في كل منطقة
يعني هل معقولة الطرز بلمكرو يكون بهدا السعر وكم عندكم
مشكورين مسبقا
لا علم لي لم افهم الطرز بالميكرو
يا اختي انا منيش خياطة باش نقولك قد قد مي مالفة نخيط القندورة كي تكون شارجي ممكن توصل 6000 دج بصح ذرك راهم يديرو غير موتيفات برك يعني ماتجيكش غالية
راني نخيط في وحدة كلشي من عند الخياطة ب 3000دج حتى الكتان
ونقولك راه خرج طرز اللازار هو لي راهو غالي شوي الميكرو رخس على بكري
وان شاء الله يدخلو الخياطات ويزيدو يفيدوك
عندنا القندورة تسقام من 4000 حتى 6000 ممكن تكون قل شوي وممككن اكتر شوي على حسب الطرز شارجي ولا لا و كل خياط كيفاه
عندنا خياطة تحسب الطرزة وحدة ب 250 ، هي تخيط ب 1000 ولا 1200 و تحسبي لقماش بقداش و تزيدي عدد الطرزات اللي دارتهم درت عندها قندورة سقامت ب 3000 و القماش من عندي.
هدو قنادر الدار بصح بصح قفطان و لا كاركو يسقام اكثر عندها قفطان باهي مطروز بزاف خدماتو بمليون و 2024، يعني على حساب المودال و الخياط تاني كاين لي غاليو باطل.
نتمنا تكوني فهمتي عليا .
السلام عليكم و رحمته تعالى و بركاته:
أختي،المعروف أن لكل رشمة مدة زمنية لازمة لتطريزها بالمشينة الخاصة و أعرف عدة طرازات يقمن بحساب 1دقيقة بـ 10دج زائد قيمة خياطة القندورة حسب المودال.
صحيتي ندوش ولبنات لي تفضلو
تعيشو
عندنا من 3700 و روح على حساب الرشمة و لكان يدخل فيها الحرج ولا لالا
وش هو الحرج. سطايفية…..
معدرة ناقصة في مجال لخياطة
طرز الميكرو راهو يتحسب بالدقيقة دقيقة واحدة ب 10دينار