اخواتي اليوم حبيتكم تشاركوني فرحتي
بقصعتي الجديدة شراتهالي امي العزيزة
ربي يعيشهاوعلمتني كيفاش نطيبها
قصعة صغيرة وضريفة اليوم درت فيها الكسرة اول مرة
كنت ندير الكسرة في قصعة كبيرة وثقيلة
تاع العايلة
شوفوا قصعتي واش مليحة
اليوم درت فيها كسرة الرخسيس
قصعتي طيبتها بالحنة والدباغة
كاين اللي مايعرفوش يطيبو القصعة كي يشريوها يخدمو فيها هكاك خشب ابيض
اليكم الطريقة الي علمتهالي امي والي بيها
تبقى القصعة صحيحة ومليحة في الشكل ايضا
أولا
كي تشري القصعة تفرغي فيها 2بايط تاع
الحنة طبيعية بنت اليوم اوجميلةتاع بلادنا
وفنجان زيت وماء دافي تجريها بزاف بحيث تمر
في الانبوب تاع الحقنة وتدهنيها كاملة حتى
من التحت ومرة على مرة تحركي الحنة عليهاكاملة لمدة اسبوع حتى تشرب القصعة
الماء كامل وتيبس الحنة تنفضيها بيدك
وتغسليها ثم تهرسي الدباغة الي تتباع عند
العشابين
هذه صورة لها
وتسيريها في غربال تاع الدقاق وتحطيها في القصعة وتسقيها بماء دافي كيما درنا للحنة وتخليها حتى تنشف
ثم تغسليها مليح وتخليها تشيح ثم تدهنيها
بالزيت وتخليها تبات حتى تشرب ثم تغسليها
وتعاودي تغسلي ومن بعد تدهني حتى يعود الماء تاعها صافي وتبداي تخدمي فيها وكل ماتكملي ادهنيها واحفظيها
بهذا الشكل لانها ممكن تتعوجلك لو تحفظيها واقفةمثلا
واتمنى انني افدتكم ولو بالقليل
وتحياتي
يعطيك الصحة على المعلومات وربى يعيشلك امك وعندما نشرى قصعة واحد اخرى رايح نطبق المعلومات والف شكر
بصحتك القصعة هايلة
ربي يخليلك يماك
بصحتك والكسكسي وقتاش تحطيهولنا
شكرا جزيلا
على العمل الرائع و المفيد
بالبراكة عليك ربي يخليلك ماماك ان شاء الله
شكرا لك اختى على الطريقة احب قصعة اللوح
انا نستعمل حاليا قصعة فى نفس حجم قصعتك ولكن من طين وطيبتها ليا جارتى العزيزة ربى يحفظها .
|
المشاركة الأصلية كتبت بواسطة ام عبد الباسط
 يعطيك الصحة على المعلومات وربى يعيشلك امك وعندما نشرى قصعة واحد اخرى رايح نطبق المعلومات والف شكر
|
|
المشاركة الأصلية كتبت بواسطة kanzakoka
|
|
المشاركة الأصلية كتبت بواسطة جيجلية
بصحتك القصعة هايلة
ربي يخليلك يماك |
|
المشاركة الأصلية كتبت بواسطة ليل و سجون
بصحتك والكسكسي وقتاش تحطيهولنا
|
نحطهولكم
|
المشاركة الأصلية كتبت بواسطة azzouzia
شكرا جزيلا
على العمل الرائع و المفيد |
|
المشاركة الأصلية كتبت بواسطة هبة الكوثر
بالبراكة عليك ربي يخليلك ماماك ان شاء الله
|
|
المشاركة الأصلية كتبت بواسطة حواء الجزائر
شكرا لك اختى على الطريقة احب قصعة اللوح
انا نستعمل حاليا قصعة فى نفس حجم قصعتك ولكن من طين وطيبتها ليا جارتى العزيزة ربى يحفظها . |
شكرا على هذه المعلومات المفيدة
أفدتينا بالكثير .
شكرا لك أختى االغالية على هدا الموضوع القيم
بارك لله فيكي و في امك اختي كنت نحوس على معلومة كيما هاذي
بالصحة والهناء أختي وكيما نقولو لعقوبا لحاجة اخرى جزاك الله خير و امك على المعلومة
اييييييه فكرتيني بيما الله يرحمها نقصد أم أمي هي اللي خدمتلنا تاعنا الله يرحمها
مرسي على الطريقة وربي يحفظلك ماماك
شكرا على المعلومات القيمة