اختلاف مهر الفتاة من منطقة الى اخرى في الجزائر 2024.

السلام عليكم اخواتي موضوعي هدا هو موضوع فضولي فقط لا اكثر ولا اقل وباش نتعرفوا على الاختلافات الموجودة رغم اننا في بلاد وحدة

مالا كل وحدة فيكم تقوللنا المهر اللي يقدم للعروس في ولايتها او منطقتها
مثلا حنا هنا في ميلة المهر يكون مابين 10 و 15 الى 16 مليون

وفي الاخير يبقى الهنا هو كلش

ارجو التجاوب مع الموضوع
وشكرا لكم

الشرط كل واحد ومقدورو من 8 ملاين وطلع

10ملاين و مقياس للحنة و لوازم الجرية او التبق طبعا بلا ما ننساو هدايا العيد

sah hna 3ndna fi mila twsal l 15 milion mais ana 3ndi sahbti costantinoise mahr t3ha 22 milion meme khalti fi franca tmadat bkimat 25 milion DA malgré tzawjet bmarouki

في الغرب الجزائري المهر يكون ما بين 4 ملايين الى 6 ملايين….بصح العريس هو اللي يشري الدهب …..
و انتوما شكون يشري الدهب في ميلة وقسنطينة العروسة و لا العريس………..

حنا في بسكرة 8 _10 ملايين وذهب يشريه العريس ولكن المهم هو الهناء بين الزوجين

حنا عدنا 8 حتى 12 بصح العروسة تشري منو كلشي يعني الذهب الفراش كلشييييييييييييييييييييييي

حنا في الشلف عندنا المهر بين 10ملايين و20مليون مع الحنة وكل مناسبة جيبولها الحوايج
اما الذهب و الحوايج الباقيين تشريهم العروسه

صحيح انو المهر يختلف من منطقة لأخري باختلاف العادات والتقاليد
احنا في بلاصتنا كاين يمد العريس كل شئ للعروس يعني ***مقرقب**** يقولولو وهي تشري الذهب والصوف ومنهم المهر تاعها من 15 ل 18 مليون والا انو يمدو الشرط عادي من 4ل8 ملاين كل عايلة وكيفاه وصوف من قنطار ونص لزوج قناطر والذهب كاين لي يشرط مقياس وخاتم العقد وكاين لي يشرط على قد الجهد تاع العريس

ويبقي هذا اختلاف من بلاصة لبلاصة ومن عايلة وعايلة

salem kirakom çava labnet ana rajli dfa3 fiya 8mlayine mais ghi taw3i w howa nhar l 3arse yachri swalah al makla w ydirli esni w ydirli dheb 3ad rani ghalite 3lih bazef hna 3andna fi wahran achira yadaf3ou fiha ghi 4milion cè tout

شكرا لكم على الردود بالنسبة لينا المرا هي لي تشري الذهب من شرطها بصح عندها حاجة ذهب يحنيولها عليها من عندو وتاني في الاعياد يجيبولها الهدايا والا عندو يجيبلها الذهب فالعيد والا ماعنوش يجيب غير كسوة

اقتباس:

المشاركة الأصلية كتبت بواسطة maiar sah hna 3ndna fi mila twsal l 15 milion mais ana 3ndi sahbti costantinoise mahr t3ha 22 milion meme khalti fi franca tmadat bkimat 25 milion da malgré tzawjet bmarouki

هادو لي لاباس بيهم ..انا بنت عمي عطاوها 55 مليون هي منا من ميلة بصح تخطبت لتقرت

احنا في شلف مابين 10حتى 30 بنت عمي عندها عام ملي تزوجت اعطاوها ب 35 مليون