سلاااااام حبيباتي واش راكم
واخيرا جا اليوم الي نحط فيه مشاركتي البسيطة الي تعمدت تكون كذللك كيما انا بسيطة جداااا
وكان سبب مشاركتي هو اني نزرع الثقة في نفسي ونحي الخوف
وطبعا بعد تشجيع مشرفاتنا الكريمات تشجعت
صادفتني شوية مصاعب مالقيتش بواه نصور تيليفون فسد
بعض المراحل ماصورتهاش
بصح كي وجدت التورتة قعدت عساسة عليها وماخليت حتى واحد يلمسها
حتان دبرولي بواه نصور اوووووف وقلتلهم هجوووووم
نتمنى منكم التشجيع ولو ما عجبتكمش خاطر راني مبتدئة
وامشاء الله المرات القادمة تكون احسن بكثييييير
نبداو باسم الله
المقادير طبقت وصفة الاخت مونية وهذا الرابط
نحطو البيض مع فاني ونصف كمية السكر
ونطلعوهم حتان يولي كريمة بيضاء
ونزيدو نطلعو البياض مع قرصة ملح
حتان يولي ميرانق هكذا
ومبعد نغربلو الفرينة والخميرة والنشاء
ونحطوهم فوق الصفار تارة البياض وتارة الفرينة
ونخلطو برفق حتى نتحصلو على خليط متجانس
ندهنو المول دائري ونحطوها طيب في فرن مسخن مسبقا
كي نتاكدو بلي طابت نخليوها تبرد
ونقسموها ونسقيوها بالشاربات بلاعقل باه ماتتفتتش
خليتها تبات
طلعت كرام شونتي مع السكر وكمية مليحة من فلني نتاع الميزان
جات ريحتها :19:
طليتها بالكرام شونتي وستفت فوقها الموز مقطع شرائح رقيقة
وحطيت نصف الجينواز الي قصيتو
طليتها كامل بالشونتي وزينتها بالعنب والكيوي ولي سيقار
وهاهي الزينونة انتاعي
[
حبيبتي بالتوفيق ان شااء الله
الصور ما طلعو حاولي تعاودي التحميل
اختي الصور ماطاعوش عاودي تحميلهم
الصور ما ظهروش اختي نهااال حاولي من مركز اخر جربي العملاق ولا الخليج وبالتوفيق
وااااااع نهال واش صرى للصور يالتوفيق
للاسف ماطلعوش الصور عاودي غير بلعقل ما تتحيريش باه ما تتفرفشيش بالتوفيق
السلام عليكم
الصور غير ظاهرة
أنصحك باستعمال متصفح فير فوكس
حتى لا تتعبك الاكواااد
السلام عليكم
اه يا نهال خفي حبيبتي وحطي الصور راهي المنافسة قوية ومتاكدة بللي راكي خادمة حاجة هاايلة حطيهم ولو في رد او موضوع جديد ازربي حنونة
نهال حنونة ربي يوفقك أصلا كلش من عندك يهبل ننتظر الصور
بانتظار الصور والله شوقتينا حبيبتي
يا ريت تصلحي الصور و تعاودي تحمليهم
أكيد عملك جميل
كلكم اخواتي ونحبكم بزاف وكل يوم نكتشف انو معزتكم تزيد في قلبي 
تصوري من الصباح وانا نطل ونعاود 
وندعي ياربي تدخل وتعدل الصور ياربي ماتروحش عليها النت
الحمد لله الضوء الاخضر اووووووف 
يالله عدلي الصور اختي اكيد تعبتي في الموضوع ماتتقلقيش برك 
رانييييييييييييييييييي عدلتهم اجريو
الله يبارك أبدعتي و تلك عادتك أتمنى لك التوفيق فكعكتك تستحق أن تفوز بجدارة
نهال حنونة كيكة تهبل يعطيك الصحه حنونة