السلام عليكم اخواتي
وشراكم غالياتي نتمنى تكونو كامل بخير
غير اليوم وين قدرت نحضر الطبق الخاص بالمسابقة لان راني مريضة واخترت طبق رولي باللحم المرحي والدجاج حنا نسموه في منطقتنا طاجين الضرة 
وباذن الله ينال اعجابكم
المقادير:
كمية من اللحم المفروم،صدر دجاج مرحي،بيض، بصل ،ثوم،معدنوس،فلفل اسود، ملح،شابلير،فلفل اسود
اولا نقوم بتحضير مرق ابيض يمكن نستعمل العظام لبقاو من الصدر او نستعمل قطع دجاج+بصل مفروم+شوية ثوم+فلفل اسود+ملح+شوية فقط راس الحانوت+شوية مرقرين
نقليهم جيدا ثم نمرق بشوية ماء ونخليها تطيب على نار هادئة
من جهة نتبل اللحم المرحي :نضيفلو معدنوس+ثوم+بصل+ملح+فلفل اسود+م ك شابلير+ بيضة+شوية عصير ليمون
ونفس اللتتبيلة نعملها للدجاج المفروم
فوق ورق النيلون نمسحو بشوية فقط من الماء ونبسط اللحم المفروم باه يجينا ساهل
ونبسط الدجاج المفروم على ورق بلاستيكي اخر
نحط اللحم المفروم فوق الدجاج
ونلف ونستعين بالنيلون لتسهيل العملية
ونربط من الجانبين جيدا
ونعاود نغلفو بورق الالمنيوم جيدا ونربط دائما من الجانبين
نحط الرولي في ماء مغلي فوق النار يطيب
من جهة نبسط اللحم المرحي المتبقي والدجاج المفروم ونشكل هلالات بواسطة طابع ونرش شوية فرينة لتسهيل العملية
نحط الاشكال لي عملناها داخل المرقة البيضا ونخليهم يطيبو وفي الاخير نضيف للصلصة زيتون اخضر مغلي
بعد ما ينضج الرولي نحمرو في شوية زيت ونقطعه دوائر
في الاخير نحط الدوائر في طبق التقديم مع الكفتة لي عل شكل هلال ونسقيها بالصلصة ونزينها بالمعدنوس والليمون وهذا شكله
نتمنى يعجبكم الطبق وما تنساوش تدعيولي بالشفاء غالياتي
حظ موفق للجميع
في امان الله
rabi yechafik w yaetik al saha ala hadh al tabak mmmmmm abaetili chewiya
ماشاء الله طبق وعليه لكلام وانشاء الله ربي يشافيك ومرضى المسلمين
شكرا لك اختي لمرورورك العطر ربي يخليك
تفضلي الطبق كامل ليك
|
المشاركة الأصلية كتبت بواسطة omnadjem.10
 ماشاء الله طبق وعليه لكلام وانشاء الله ربي يشافيك ومرضى المسلمين
|
بارك الله فيك اختي الكريمة
مممممممممممممممم
ما شاء الله اختي العزيزة
طبق و عليه الكلام
ربي بوفقك و يشفيك
ان شاء الله
يعطيك الصحة طبق رائع
انتم تتنافسوا ونحن نستفيد
الله يوفقكم
ماشاء الله طبق شباب بزاف بالشفاء انشاء الله وموفقة
شكراااااااااااااااا
وان شاء الله يشفيك الله
طهورا ان شاء الله اختى
مشاااااااااااء الله روعة
باينة بلي الطبق بنيييييييييييييييييييييييييين يعطيك الصحة
و ثاني لابأس طهور إن شاء الله
ربي يشفيك
ربي يشافيك حنونة ويعافيك بارك الله فيك على هذا الطبق المميز ويعطيك الف صحة وعافية
بارك الله فيكن اخواتي على مروركن
يعطيك الصحة اختي الكريمة طبق يشهي
ربي يشفيك و المؤمنين اجمعين