اخترت طبقا جزائريا تقليديا وبسيطا أعشقه منذ صغري وهو طبق مكونه الأساسي العجين صحي اقتصادي ولذيذ اممممممممممم
العجين :
أحضرت حوالي كيلو سميد متوسط (نقدر نستعمل سميد القمح ) أضفت له كأس فرينة ملح وعجنته بالماء بيدي ( ممكن استعمال العجانة )العجينة تكون متوسطة لا طرية جدا ولا يابسة نقرصها قرص صغيرة جدا ونتركها ترتاح على الأقل ساعة
إذا كان عندك آلة البقلاوة رايحة تسهل عليك المهمة أنا استخدمت الرقم 4 ونكثر الفرينة باه ما تلصقش
كانت جدتي الله يرحمها تيبسها مثل الكسكس وتخبيها للعولة
أنهيت العجين ولله الحمد الآن نروح للمرق
المرق :
نضع في اناء الطهي استعملت كوكوط بصل وثوم مرحي ونصف دجاجة وملح راس فلفل حار اواثنين حسب الرغبة في الأصل تقدم حارة والأطباء ينصحون بها لمرضى الزكام
وقطعة صغيرة شحمة أنا نخبي تاع العيد في المجمد تبقى جديدة وتوابل متنوعة كصبر فلفل احمر حار راس الحانوت أنا استعملت توابل تونسية هايلة وورق رند و3 ملاعق زيت ونقلي مليح حتى تذبل البصل ونضيف 3حبات طماطم مرحية و3 ملاعق طماطم مصبرة (العجين يحب الطماطم )
ونزيد نقلي مليح ثم نمرق بماء ساخن (نكثر المرق لأن لمقطعة تشرب المرق )
ثم ننقص للغاز ونضع العجين داخل المرق حوالي صحن ماتكثريش لعجين لأنه يشرب المرق وانزعي قليلا من المرق خليه جانبا
نتركها علي نار هادئة تشرب المرق ونحرك من حين لاخر حتي تطهي حوالي نصف ساعة وتبدا الرائحة تصعد في المنزل امممممم
حطي الحليب في اناء مع ملح ملعقة زبدة البقر ( كثر خير خضاضتي ربي يحفظهالي )ونحط لعجين داخل الحليب حتي تطهي وتكون جارية انا رابيت عليها فرماج يحبوها الأطفال وحتى المسنين ربي يخليهم كانت جدتي الله يرحمها تحبها كثيرا بالحليب
انا قدمتها للمدلل الصغير
هاهو طبقه
جانبا دهنت الكوكوط الصغار بالزبدة مليح وحطيت شوية عجين ثم كرية اللحم المرحي ثم العجين وقطع الزبدة واسقيتها بالمرق اللي خيته جانبا وحطيتها في الفور حتى تطهى والتزيين اختياري
تقدم ساخنة مع سلاطة مشوية حارة وزينتها بالدبشة مقطعة
ما ألذها وهي ساخنة وحارة امممممممممم بالدجاج وكريات اللحم والخضر المتنوعة
هي فعلا صحية واقتصادية (يمكن الاستغناء عن اللحم ) ولذيذة جدا أكلة جداتنا ومن تقاليدنا لازم نحافظوا عليها ونطوروها
ابني العزيز ماجد اهداني هاذ الفيديو (ربي يبارك فيه ) نتمني اطلو عليه
https://www.safeshare.tv/w/OPsJKWGbuG
ملاحظة:
أنا طبقت شروط المسابقة 100% عجين
الحمد لله الحمد لله وأخيرا خرج الموضوع بعد إنقطاع المتكرر للكهرباء وثقل الأنتارنات
الله يبارك يعطيك الصحة انا أول وحدة واش تقوليلي
أرواحي نبوسك ألف بوسة بسيف باش قدرت نحط الموضوع نحيت عبىء كبير من ظهري
الله يبارك حبيبتي الغالية يا زينها اطباقنا التقليدية
موفقة يا غالية
يعطيك الصحة و راه يبان يشهي يم يم بالتوفيق
الحمد لله حبيبتي راكي سلكتي ههههه عجبني الطبق بزاف راهو يشهي يم يم يم يم نتمنالك الحظ السعيد في المسابقة
مممممممممم ام ماجد حيرتيني يعطيك الصحة اسلتي لعابي هههههههههه و اول مرة نشوف هاد الطبق التقليدي يعطيك الصحة و راه يبان يشهي يم يم بالتوفيق عزيزتي و ان شاء الله نجربو في اقرب فرصة
|
لله لا يجيب الحيرة طبق جداتنا وماننساهش جربيه وردي الخبر
الله يبارك حبيبتي الغالية يا زينها اطباقنا التقليدية
موفقة يا غالية |
وفيك بركة عزيزتي لن انسي اهتمامك هذه الصداقة فعلا
لبنات شوفو الفيديو لماجد
يعطيييييييييييييييييييك الصحة اختي فوووووووووور
ام ماجد بارك الله فيك على الطبق التقليدي والبنيييييييين
وتحيتي لابنك ماجد اللي عرف يدير مونتاج هايل لطبقك
بالتوفيق يالغالية
الله يسلمك نورت
الحمد لله حبيبتي راكي سلكتي ههههه عجبني الطبق بزاف راهو يشهي يم يم يم يم نتمنالك الحظ السعيد في المسابقة
|
الف شكر بسملة هدفنا واحد
شكرا ام ايمن كعادتك منورة صفحتي احبكم
الله يبارك يعطيك الصحة الحمد لله لي طلع الموضوع ههههههههه قريب ما كتبت الحمد لله مابقاش استعمار في بلادنا هههههه
واش نقولك حبيبتي مشكووووووووووووووورة وموفقة والله يجازيكم على كل شيء تقدموه ويااااااااارب يفرحكم ويجازيكم
عجبني الطبق والفيديو و التوقيع الانتخابات الجاية نترشح يديرلي مجججججججججججججوووود الاعلانات
ههههههههههههههه والله الف شكر بالتووووووووووووووووووووووووووووووفيق
ام ماجد بارك الله فيك على الطبق التقليدي والبنيييييييين
وتحيتي لابنك ماجد اللي عرف يدير مونتاج هايل لطبقك بالتوفيق يالغالية |
شكرا انوثة هذا من ذوقك
يا رب وفقنا جميعا لما ترضاه
امممممممممممممممممم فعلا يا ام ماجد اسلت لعابي يعطيك الصحة طبق رائع ولذيذ وصحي
نموت ع المقطعة وعندي وقيلا 10 سنين ما كليتهاش نطبقها هاذوا اليومين نوعدك
بالتوفيق حبيبتي
وعجبوني هاذوك الطواجين الصغيرة غيرتيني بيهم
بالصحة والناء