السلام عليكم و رحمة الله و بركاته
بسم الله
أول ملاحظة : أنا هنا حضرت أربع أنواع سلطات للبطاطا( إنطلاقا من نفس المكونات تقريبا) , حتى تكون الفائدة أكثر و تتعرفو على أكثر ما يمكن من سلطات البطاطا, هي الطريقة سهلة لكن لازمها شوية تركيز فقط!!! اللي تحس صعيب عليها تقدر تكتفي بنوع واحد في كل مرة.
قدمتها في كؤوس صنعتهم من أوراق الديول, اللي تحب تستغنى عن هذه الفكرة يمكنها التقديم في صحن كبير واحد, أو عدة صحون صغيرة.
بالنسبة لباقة الخضار أصارحكم أني لأول مرة أصنعها كاملة بهذا الشكل ههههههه يعني أي واحدة منكم أخواتي تقدر تعملها!! ما تخافوش 
الشيء الوحيد اللي خذا مني وقت كبير هو إبتكار الفكرة فقط هههههههه
أبدأ على بركة الله,
أول شيء سلقت بطاطا و جزر مقطعين و جلبانة في ماء و ملح, أول ما طابو صبيت عليهم ماء بارد حتى يبقاو في نفس شكلهم الحلو :
حضرت الصالصة اللي راح تكون معتمدة في 4 أنواع السلطة , و هي 4 م ك زيت زيتون عصير نصف ليمونة ملح و فلفل أسود (بعد قسمتها على أربعة) :
و أيضا هناك مكونين آخرين مشتركين في كل الأنواع و هم : 1 طماطم ونصف بصلة مقطعين رقيقين :
لإكتمال صلصة السلطات الأربعة (بيضاء, صفراء, حمراء, متعددة الألوان) :
بيضاء : شوية ثوم محكوك, 1 مك مايونيز , 1 م ك زبادي (ياغرت طبيعي) (يمكن الإستغناء عليه,
صفراء : شوية ثوم محكوك, 1 م ك مايونيز, 1 م ك زبادي, 1 م ص خردل يعني موتارد ( يمكن الإستغناء عنه) و ذرة صفراء , شوية نعناع شايح.
حمراء : بتراف مقطع رقيق , كرنب أحمر يمكن إستبداله بالكرنب الأخضر (سيتلون للأحمر ههههه) أو يمكن الإستغناء عنه .
ملونة : تن و زيتون أخضر و أسود.
الخطوة الأخيرة و تكون السلطات جاهزة :
البيضاء : حاولت إضافة بطاطا و جزر من غير جلبانة (لكن إذا جات معاهم حبات جلبانة مرحبا بيهم موش مشكل هههههههه)
الصفراء : نفس الشيء
الحمراء : بطاطا, جزر و جلبانة.( تلاحضو اللي هي خلطتها أول واحدة حتى لون البتراف يعطي تأثيره في بقية المكونات.
الملونة : نفس الشيء.
هنا حاضرين , يمكن تقديهم في صحن واحد و يكون شكلهم مزيان برشة:
بالنسبة لشكون ما قدرتشي تركز معايا هههههه و إلا فقط عجبها نوع واحد (مع أنهم كلهم حلوين : أعيد لكم تلخيص لكل سلطة وحدها : يعني اللي تحب على وصفة كل سلطة منفردة :
سلطة بيضاء: 1م ك زيت زيتون عصير نصف ليمونة ملح و فلفل أسود , طماطم و بصل مقطعين,شوية ثوم محكوك, 1 مك مايونيز , 1 م ك زبادي (ياغرت طبيعي) يمكن الإستغناء عليه ,مع بطاطا و جزر مسلوقين في ماء و ملح.
سلطة صفراء: 1م ك زيت زيتون عصير نصف ليمونة ملح و فلفل أسود ,طماطم و بصل مقطعين,شوية ثوم محكوك, 1 مك مايونيز , 1 م ك زبادي (ياغرت طبيعي) ,1 م ص خردل, ذرة صفراء و نعناع شايح, مع بطاطا و جزر مسلوقين في ماء و ملح.
سلطة حمراء : 1م ك زيت زيتون عصير نصف ليمونة ملح و فلفل أسود ,طماطم و بصل مقطعين , بتراف مقطع رقيق , كرنب أحمر أو أخضر, مع بطاطا و جزر و جلبانة مسلوقين في ماء و ملح.
سلطة ملونة : 1م ك زيت زيتون عصير نصف ليمونة ملح و فلفل أسود, طماطم و بصل مقطعين, تن و زيتون أخضر و أسود, مع بطاطا و جزرو جلبانة مسلوقين في ماء و ملح.
للتقديم : هنا كنت حضرت أكواب صغيرة من أوراق الديول , دهنت طبق الكاب كايك بزبدة ذايبة, في كل واحدة نحط ورقتين صغار و في قاعهم ورقة صغيييييييرة حتى يتماسك الشكل أكثر, مع دهنهم بشوية زبدة ذايبة.
دخلتهم للفرن 180 درجة حنى أصبحو مقرمشين يمممممممممي
باقة الخضار: حضرت الأشكال قبل بوقت و حطيتهم في الماء , لحين تشكيل الباقة , حطي أي ثمرة و قصيها من تحت , و اشتغلي بلإعتماد على أعواد الأسنان :
هنا في وسط الشغل ههههههه:
هنا لما اكتملت باقتي العزيزة : متكونة من : وردة لفت, وردة بقشور الطماطم, وردة بالبتراف. زهرات بالجزر, نجوم باللفت, ورقات و ressort من الخيار و بعض أوراق الخس من تحت :
سامحوني ما عنديش أدوات النقش على الخضروات , فاستعملت مواد بدائية ههههههه: سكينة منزلية عادية مذببة من قدام, و شوكة أكل ههههههه :
(صار انعكاس ليا في الشوكة فاضطريت لتعديل الصورة ههههه)
الجزر جرحته بالشوكة من فوق لتحت مرتين أو ثلاثة مرات, و بعد قصيت من ثلاثة جهات بهذا الشكل اللي تشوفوه في الصورة, و حاولو في كل مرة تدخلو طرف السكينة لذاخل و تضغطو شوية , ركزو هنا تشوفوها :
و بعد دوري الجزء اللي من تحت تخرجلك زهرة جزر طويلة, و اللي من بعدها يكونو زهرات قصار :
وردة الخيار كلاوها الصغار قبل ما توصل للباقة هههههههههه
هنا قصيت اللفت دوائر و قصيتهم بقطاعة حلويات لشكل نجوم, بقالي نصف لفتة نقشتة ….. خرجتلي وردة هههههه , ما تخيلتهاش تنجح معايا من أول مرة, و كانت آخر لفتة في المنزل 
أول ما يتوفر اللفت في البيت نصورلكم المراحل هههه: (على فكرة حطيتها هي و وردة البتراف في الماء مع بعضهم فصار لونها وردي .
هنا الخيار, شكلت الأوراق, و صنعت هذا الشكل الجميل ressort : و هذه الطريقة : تدخلي في الوسط عود أسنان (أو عود المشاوي يكون أفضل) و تحاولي تقصي بالسكينة بشكل دائري و تنزلي كل مرة شوية يعني ما تقصيش الدائرة لاااااااا خليكي دائما تقصي و تدوري و بعد اسحبي العود راح تتحصلي على ressort الصغار يفرحو بيه برشة هههههه:
و أخيرا هذه هي نتيجة شغلي , سلطات متنوعة الألوان و المذاقات مع باقة من الخضروات : (كل شيء فوق الطبق يمكن أكله)
هنا يمكن الفكرة تكون أوضح :
و كما قالت بنتي هههههه هذه أجمل أكلة أراها في حياتي ههههههه :
هذه مشاركتي و إن شاء الله تعجبكم و تصوتولي, 
حتى ما تصوتوليش نتمنى نكون وصلتلكم أي معلومة جديدة تفيدكم و تدعيولي :
لكن نأكدلكم السلطات ال4 كانو لذيذين و كل واحدة تنسيكم في الأخرى
مع الشكر الكبير للأخت فلة فود آر و الأخت أم رامي : ما تتصوروش قداش ساندوني في الفترة اللي لم أستطع فيها تصفح المنتدى. جازاكم الله كل خير!!!!!!
هنا طريقة تقديمها على السريع : هذه البقية شوفو تقديمها ببساطة :
الحمد لله كملت الموضوع
أي استفسار أنا جاهزة للرد إن شاء الله.
|
المشاركة الأصلية كتبت بواسطة أنا أمهم
 سامحوني حاليا لم أقدر على تعديل مشاركتي الأولى
سأحاول لاحقا
بالنسبة للسلطة مكونها الأساسي هو البطاطا المسلوقة مع اختلاف في المكونات المصاحبة و التتبيلة. وضعتها في أكواب من أوراق الديول المحمرين في الفرن و رافقتهم بباقة من الخضروات المشكلة |
وااااااااااو روعة
شفتي المنتدى راهو تقيل حتا انا مقدرتش نحط الصور مليح وين راه المشكل
oooooh ma chaa allaaaaaaaah ,,,,,,wacili okhti
جميل جدااا في انتظار المراحل المتبقية حتى تتضح الفكرة
والله يعينكم على التحميل والثقل الي راه صاير فالمنتدى
موفقة عزيزتي ♥♥
الله ايعينك اختي المنتدي صح ثقيل بزاف حاولي اتكملي
رايعة الفكرة ربي ايعاونك والمنتدي راهو ثقيل بزاااااااااااااااااااااااااااااااااااااااااف
ما شاء الله اختى انا امهم سلاطة تشهى ربي يخليك تصوتى راح يكون ليك حتى قبل ما نشوف البقية
يعطيك الصحة درتيها رايعةةةةةةةةةةةةةةةة حتى انا المنتدى محبش يمشي هدي الايام بالتوفيقققققق
يعطيك الصحة اختى انا امهم موفقة
الله يباك انا االمنتدى انقطع عنى اسبوع لا تياسي واصلى وبالتوفيق
يعطيك الصحة انا امهم
حاولي تكملي المراحل قبل غد نوضي الصباح بكري يكون المنتدى خفيف
بالتوفيق
|
المشاركة الأصلية كتبت بواسطة fella food art
وااااااااااو روعة
شفتي المنتدى راهو تقيل حتا انا مقدرتش نحط الصور مليح وين راه المشكل |
جازاك الله كل خير يا فلتي العزيزة
بالنسبة لثقل المنتدى, الحمد لله تبعت نصيحة أم رامي : قومي في الصباح بكري تلقاه خفييييييييييييييييف ما شاء الله 
|
المشاركة الأصلية كتبت بواسطة mamlakati
oooooh ma chaa allaaaaaaaah ,,,,,,wacili okhti
|
ربي يفضلك مملكتي, الحمد لله كمات الموضوع تقدري تشوفيه
|
المشاركة الأصلية كتبت بواسطة أم عبد الناصر
جميل جدااا في انتظار المراحل المتبقية حتى تتضح الفكرة
والله يعينكم على التحميل والثقل الي راه صاير فالمنتدى موفقة عزيزتي ♥♥ |
يعيشك يا أم عبد الناصر, شوفيه الموضوع كامل إن شاء الله تكون الفكرة واضحة
|
المشاركة الأصلية كتبت بواسطة zhor1970
الله ايعينك اختي المنتدي صح ثقيل بزاف حاولي اتكملي
|
|
المشاركة الأصلية كتبت بواسطة zhor1970
رايعة الفكرة ربي ايعاونك والمنتدي راهو ثقيل بزاااااااااااااااااااااااااااااااااااااااااف
|
يعطيك الصحة يا زهور, شوفيه الموضوع كمل
|
المشاركة الأصلية كتبت بواسطة 7anine 87
ما شاء الله اختى انا امهم سلاطة تشهى ربي يخليك تصوتى راح يكون ليك حتى قبل ما نشوف البقية
|
مشكورة يا حنين, و انتظري البقية يمكن يطيحوني بالضربة القاضية هههههههه
|
المشاركة الأصلية كتبت بواسطة ام ماريا هاجر
يعطيك الصحة درتيها رايعةةةةةةةةةةةةةةةة حتى انا المنتدى محبش يمشي هدي الايام بالتوفيقققققق
|
يعيشك أم ماريا, حتى انا انقطع لمدة اربعة ايام تقريبا , لكن الحمد لله رجع هو ثقيييييل لكن الحمد لله خير من بلاش هههه
|
المشاركة الأصلية كتبت بواسطة كوزينة هديل
يعطيك الصحة اختى انا امهم موفقة
|
ربي يفضلك هديل
|
المشاركة الأصلية كتبت بواسطة أم ماجد
الله يباك انا االمنتدى انقطع عنى اسبوع لا تياسي واصلى وبالتوفيق
|
نورتي يا أم ماجد, الحمد لله كملت الموضوع اليوم الصباح بكري إن شاء الله يعجبك