كيكة ام ايوب وقلب اللوز باللبن ليليا30 2024.

https://www.djelfa.info/vb/showthread.php?t=1253830

قلب اللوز باللبن كنت جربت من قبل تاع ام رامي حبيت وصفة سريييييعة حوست لقيت هذه تاع اللبن للاخت ليليا
وما كانش عندي اللبن درت بتي سويس الطبيعي والله غير روووووووعة الغاشي ما امنش بللي انا اللي خدمتو صراحة القلب اللوز عمرو ما نجحلي لان جميع الوصفاات اللي تعطاولي كانو غاااالطين حتى درت عليه كروا روووج ما نخدموش في حياتي
ونزيدكم جربت في سينية كبيرة والله ما صحتلي حتى حبة تصدقوووووو
مممممم راهي فكرة تدور في راسي لرمضان الجاااي ههههههههه ما تبيعونيش مع لي زامبوووووو ههههههه

اسمحولي حبيبات قلبي حتى انا صراتلي ما بغوش الصور يطلعولي ودرت بحث قوقل بنفس العنوان لكن اخترت ايقونة الصور والاخت ليليا كاتبة المقادير في الصور
وجات في خاطري نشرحلكم. بصح قلت. ممكن النت عندي انا برك ضعيفة والاخوات ممكن ما يطيحوش في نفس المشكل
المهم. نعطيكم طريقتي في اختيار المقادير
لاختيار مقدار التشيشة او سميد الاحرش تاع قلب اللوز فرشت في السينية بطريقة الغالبة ام رامي ربي يحفظها ومن بعد كيلت بالكاس لقيت 4 كيسان ونص يعني السكر اصبح 2كيان وربع واللبن والزيت. كل واحد كاس الا ربع
والاخت ليليا مقاديرها هي
6 كيسان سميد مع 3سكر ونخلطوهم مليح انا عن نفسي استعملت الباتور كانت عملية جدا سريعة
ومن بعد الاخت ليليا اظافت كاس زيت. وخلطت مليح ومن بعد كاس لبن. انا استعملت بتي سويس طبيعي وحليتهم بملعة ماء الزهر ولوا كيف اللبن
الاخت ليليا في وصفتها تقول من بعد نظيفو رشات ماء الزهر تقريب كاس تاي انا يارب ملعقة او اثنين
ونفرشوهم في السينية وهذه اظافة مني : نمسحو الوجه بملعقة ونغطسوها كل مرة في الماء من دون ان نضغط
ونخلوه 20 دقيقة يرتاح ومن بعد نطيبوه عااادي
الشاربات بنفس الكاس اللى كيلنا بيه السميد والزيت واللبن والسكر
نكيل بيه الماء والسكر 6. ماء 3 سكر ونطيبوهم. ربع ساعة فقط و
نسقي القلب اللوزوهو سخون على ثلاث مرات
انا عن نفسي سقيت المرة الاولى برك وفضلي ثلث الشاربات ممكن السبب يعود الى الشاربات او ممكن. ما اسحقيتش بزاف على خاطر طبقت طريقة ام رامي اني سقيتو وغطيتو بسينية اكبر ورجعتو الى الفرن طااافئ بصح خلوها يبرد مليح مليح والله غير روووعة وسريع الشئ اللى عجبني فيه. سرعتووووو في التحظير