هاذي تحلية خفيفة ان شاء الله تعجبكم
المقادير و التحضير مع بعض **
اولا نحضر الكريم شانتيي 80غ مع كاس حليب بارد جدا من الثلاجة نصب الحليب غير بالشوي ممكن نستعمل اقل
من كاس لاني نحبها تكون ثقيلة ومتماسكة ونضيف ليها 2 مغارف سكر ارتب ونحطها في الثلاجة لوقت الحاجة
نحضر جيلي البرتقال ب 4 كيلات عصير برتقال + 1 كيلة سكر عادي+ 1 كيلة نشاء نخلط كلشي في البارد
ثم نمرر في الصفاية بش نتخلص من اي كتل تاع النشاء
ونحط على النار ونخلط دون توقف حتى يخثار او يثقال الخليط نحي من النار ونضيف البرتقال المقطع ونخلط
ونخليه يبرد انا استعملت برتقالو واحدة خليت منها شوي لزينة والباقي قطعت ورميت في الخليط
ونحتاج 3 حبات قاطو اي نوع تحبي نضربهم بالحلال باش ندشدشهم شوي ماشي مرحي خلاص
نحضر الاكواب ونحط لاشنتيي ثم شوي قاطو مدشش ثم شوي جيلي البرتقالثم لاشنتيي ونزين بقطع البرتقال
او انت حرة تزيني كيما حبيتي اترككم مع الصور
وهذا العصير لي استعملت والفنجان لي كيلت بيه والقاطو لي استعملت
اول وحدة نرد عليك و نقولك ماشاء الله تبارك الله
بصحتكم اختى الكريمة
تحلية راااائعة
يعطيك الصحة
|
المشاركة الأصلية كتبت بواسطة سارة 84
 اول وحدة نرد عليك و نقولك ماشاء الله تبارك الله
بصحتكم اختى الكريمة |
الله يسلمك حبيبتي وجهك وجه الخير عليا
هذا اول موضوع يتثبتلي راني فرحانة وان شاء الله ربي يفرحك 
|
المشاركة الأصلية كتبت بواسطة *ام رامي*
تحلية راااائعة
يعطيك الصحة |
الله يسلمك اختي ام رامي وشكرا لتثبيت الموضوع
جزاك الله خيرا وربي يفرحك بوليداتك كيما فرحتيني شكرا
ماشاء الله هايلة يعطيك الصحة
|
المشاركة الأصلية كتبت بواسطة faizarbh
الله يبارك ام شاجد تحلية و عليها الكلام جاتك رووووووووووووعة انجربها بإذن الله
|
الله يخليك فيوزة شكرا جزيلا في انتظار التجريب
|
المشاركة الأصلية كتبت بواسطة linat
ماشاء الله هايلة يعطيك الصحة
|
الله يسلمك عزيزتي شكرا على المرور الكريم
الله يبارك ام ساجد تحلية رووووووووووووعة
ماشاء الله ..روعة يعطيك الصحة
شكرا جزيلا
امممممممممممممممممممم روعة يا ام ساجد روعة ماشاء الله يعطيك الصحة
نجربوها في اقرب وقت ان شاء الله
مشكورة على الوصفة
من فظلك كم برتقالة استعملت؟؟؟؟؟؟؟؟؟؟
و كم كاس صنعت
امممممممم تحلية هايلة يعطيك الصحة