السلام عليكن اخواتي
حبيت نقدملكم معجون نموت عليه ساهل ماهل وينفع ديسار احنا نديروه في سنيوة النافس يعني اللي تولد تحطو مع الحلويات والزرير يجي بريزونتابل
المهم كمية من الفراز زيديلها سكر حسب الرغبة ورشة فاني انا ندير السكر حتى يتغطى الفراز كيما الصورة
تغلفيه وتدخليه الثلاجة 3 ساعات تقريبا وادا كمية كبيرة خليه الليل كامل حتى يدوب كل السكر ويولي سائل
شوفي كمية الماء اللي خرجت منو علاهاذاك مالازمش نزيدو الماء
حطيه على نار متوسطةوكي يبدا يغلي احسبي 3 دقايق وطفي عليه حتى يبقى محافظ على شكلو ومايذوبش
كي يطيب نحي الرغوة اللي تجي لفوق بالملعقة حتى يبقالك مدة طويلة وكي يبرد تماما حطيه في علبة او بورت مونجي وحبيه في الثلاجة وممكن تحتفضي بيه في الكونجي لاتور حتى مدة سنة كاملة
شفتو اسهل منو مفيش
واذا تحبو تقدموه لاولادكم مع فطور الصباح خليوه على النار حتى يبدا يذوب وارحيوه
ايه حقا قدموه بارد جدا خاصة في الصيف يحسسكم بالانتعاش
مممممممممممم يسلمو عزيزتي غير هاد السمانة كانت عندي حتى ما صبت واش ندير بيها ما عليش نشريها و نديرها
|
المشاركة الأصلية كتبت بواسطة faizarbh
 مممممممممممم يسلمو عزيزتي غير هاد السمانة كانت عندي حتى ما صبت واش ندير بيها ما عليش نشريها و نديرها
|
خلاص حبيبتي كي تشري جربيه راح يعجبك ومانسايش توريلنا تطبيقك بحول الله
merciiiiiiiiiiiiiiiiiiiiiii c444444444444444444444444444444444
نموت عليه يعطيك الصحة
ماشاء الله هاااااايل حتى لونو رائع سخفتيني بالصحة والهناء
يعطيك الصحة حبيبتي
اممممممممم شهيتينا
فكرتيني فيه و هذا وقت الفريزة ان شاء الله نديرو
يعطيك الصحة
يعطيك الصحة يا الفحلة كي النحلة
وصفاتك كلها نموت عليها و كل ما تقديمينه جميل و رائع
شكرا لكي
بارك الله فيك على الوصفة
روعة بارك الله فيك
يعطيك الصحة اختي
شكرا على الوصفة
اثق بزاف في وصفاتك اي وصفة ليك نطبقها وانا مغمضة عينيا بارك الله فيك