اليوم جبتلكم عصير البدنجال ذوق لا يقاوم خصوصا للا طفال و محبي الشكلاط
المقادير
كما هو موضح في الصور عندنا 2 حبات دنجال جديد و متوسطين مقشرين و نقطعهم و نفورهم مليح و ندخلهم لثلاجة حتى يبردو مليح
نأخذ نصف لتر حليب زائد فاني زائد 2 مغارف كبار كاكاو و سكر حسب الذوق و الدنجال لي فورناه وبرد نخلط بالخلاط الكهربائي او بالبرا و راح تتحصلي على عصير لذيذ و اذا جاك ثقيل زيدي شوي حليب و هاهو جاهز
شكرا اختي مع انها وصفة غريبة لكن لا غرابة امام الابداع في الطبخ يعطيك الصحة اختي
وااله وصفة غريبة ولااتوقع انه يجي لذيذ لان البدنجان ذوقه مر شوية العلم لله انشاء الله نجربها ونردلك الخبر
ياتيك الصحه ام فاطمة وصفه جديدة وغريبه راني نتخيل في الذوق شكرا لك
يا اختي انا مليكلوهش اصلا ونزيد نديره عصير غريب شوي
شكرا على الوصفه
يعطيك الصحة عمري ما سمعت بعصير البادنجان شكراااااا على الوصفة المشوقة 
رووووووووووووووعـــة يعـــــــطيــــك الصــــحة
والله شوقتيني نجربها
نردلك الخبر في قرب وقت
هدي مليحة انا اللي مانحبوش بصح خلي ديريهولي ام ماجد وتمدهولي بلا ماتقلي ههههههههههههههه والله عجبتني الوصفة كاشي نهار نجربها يعطيك الصحة
شكرااااااااااااااااا
نعم اخواتي حتى انا استغربت لما سمعت الوصفة و من بعد قلت نجربها ما خاسرا والو
ماهيش مكلفة و الله اولادي لوكان شافو الدنجال ما يشربوهش بصح ما قلتلهمش
و كي شربوه عجبهم بزاف بزاف و انشاء الله انتظر تجربتكم و ترد عليا لخبر
يعطيك الصحة
merci beauvoup pour la recette a faire absolument
merci beaucoup desolee
شكرا على مروركن العطر