سبق و كتبت موضوع تجميع حلويات عيد الفطر المبارك من اجل اختيار انواع جديدة و مجربة
https://www.djelfa.info/vb/showthread.php?t=1046364
الان و نحن في الايام الاخيرة من رمضان و سنبدا في تحضير الحلويات اكيد ستواجهنا مشاكل كثيرة سواءا في التحضير او كيفية العمل او حتى اننا لا نعرف بعض المقادير ما هي مسمياتها او كيف نحضرها
قرات اكثر من موضوع بالمنتدى هناك من تسال عن كيفية عمل قلاصاج ناجح و يبقى طري و ماييبسش و هناك من تسال عن كيفية مزج لوننين من الملونات الغدائية للحصول على لون معين
و اخرى تسال عن عجينة اللوز كيف تلونها و كيف تجعلها لا تلتصق عند الاستعمال و ماذا تضيف لها
و اخرى تسال عن الفوندون ما هو و اخرى تسال ماهو الجيلاتين
و اخرى تسال هل كل الحلويات تتحمر من فوق كي تطيب او هناك قاطو يطيب من تحت فقط
و كل وحدة ومشكلتها مع القاطوا
و لهذا فكرت بالموضوع و هو كالتالي
هنا في هذا الموضوع اي عضوة عندها اي مشكل تكتبه لنا و نحن مع بعضنا و بخبرة كل وحدة نساعدها في حل مشكلتها و كل واحدة مرت بتجربة ناجحة تعطينا وصفتها الناجحة و طريقتها في معالجة المشكلة المقترحة
نحن في انتظار المشاكل 
و التي باذن الله سنجد لها معا حلول مجربة ناجحة و مضمونة
و نحن هنا بالمنتدى كلنا اخوات نساعد بعضنا و بارك الله فيكم
الرجاء كل من تستفيد من موضوعي لا تبخل عليا بدعوة خير
ملاحظة
انضمت لنا بالموضوع السيدة ام طيب طباخة و خبيرة حلويات متحصلة على ديبلوم في الحلويات تطوعت بتقديم المساعدة و الحلول لكل المشاكل المطروحة
و ايضا السيدة oum malouka متحصلة على دبلوم في باتيسري
و هما يعتبران من اصحاب الخبرة و الاختصاص في مجال الحلويات
شكرا على الموضوع
ماذابيك الفرينة المناسبة للحلويات الصابلي والباقلاوة
اعطيني الماركة اذا امكن
الزبدة مع الزيت نلقاوها في بعض الحلوياااااات لماذا هذا المزج خلى القاطو ديالي بعد الطياب مشلح
موضوع رائع غاليتي
ان شاء الله
الكل نستفيد ونفيد
ممكن كيفية تذويب شيكولا بيضاء جربت نفس الطريقة شيكولا سوداء و لكن لم تصلح ممكن طريق ناجحة
ممكن طريقة تذويب الشكلاطة السوداء لانها لاتنجح معي و ان امكن تقدميلي نوعية الشكولاطة الللي نستعملها
1انا نحوس على الفوندون وكيفاه يخدمو بيه وتاني الجلاتين كي نخدمو بيها ؟؟؟
2ثانيا انا كي ندير القلاصاج نتاع الشوكولاة يجيني باهت ماشيشباب كيما شفتو في الصور …اريد معرفة السر
3مرات نشوف وخاصة في المحلات بعض الحلويات المعسلة العسل قاعد وكانو جديد يلمع فوق الحلوة …اريد معرفة السر
اريد حشوة البقلاوة تاع المحلات
كيفاش نرجع لا كرام فراش الى كرام شانتي
ربي يوفقكم
اريد كيفية صنع قلاصاج تاع قاطو
ماشاء الله هلت علينا المشاكل و ان شاء الله نلقاولها حلول كلها
فقط احيطكن علما اني لست خبيرة في مجال الحلويات بما فيه الكفاية لكن ساحاول افادتكم حسب معلوماتي التي اكون متاكدة منها و خضت فيها تجربة و اللي مانعرفوش مانفتيش فيه ان شاء الله كل عضوات المنتدى تشارك معانا باي معلومة تعرفها و اي تجربة جربتها
يعني الموضوع مفتوح للجميع من و الى الجميع فلا تبخلوا علينا بردودكم المشجعة
و انا مثلكم عندي مشاكل حلواتية 
نشارك بيهامعاكم هههه
و ان شاء الله رايحة نجاوب على تسائلاتكم بالشيىء اللي نعرفو ا و متاكدة منه
|
المشاركة الأصلية كتبت بواسطة salima 1984
 شكرا على الموضوع
ماذابيك الفرينة المناسبة للحلويات الصابلي والباقلاوة اعطيني الماركة اذا امكن |
العفو مراحب اختي
انا نستعمل فرينة كنزة في الصابلي و غيره من الحلويات لكن الباقلاوة دائما نستعمل فرينة سفينة تجي الباقلاوة نتاعها هايلة و هذه عن تجربة شخصية
|
المشاركة الأصلية كتبت بواسطة salima 1984
الزبدة مع الزيت نلقاوها في بعض الحلوياااااات لماذا هذا المزج خلى القاطو ديالي بعد الطياب مشلح
|
نعم بعض الحلويات يخلطولهم الزيت و الزبدة من اجل التبساس دائما لما يكون مزج نفضل الزبدة على المزج و ان كان و لابد لازم الزبدة تغلب على الزيت يلة فقط من الزيت و الزبدة تغلب
|
المشاركة الأصلية كتبت بواسطة silina20163
ممكن كيفية تذويب شيكولا بيضاء جربت نفس الطريقة شيكولا سوداء و لكن لم تصلح ممكن طريق ناجحة
|
انا ندوب الشيكولا سواء البيضاء او السوداء بطريقة وحدة و هي على حمام مائي من دون اي اضافات و اذا كانت تصلحلك السوداء فربما الشيكولا البيضاء اللي دوبتيها نوعيتها ليست جيدة استعملي الشيكولا نتاع الميزان او نتاع لي مورصو
|
المشاركة الأصلية كتبت بواسطة amouna230
ممكن طريقة تذويب الشكلاطة السوداء لانها لاتنجح معي و ان امكن تقدميلي نوعية الشكولاطة الللي نستعملها
|
انا نستعمل الشيكولا نتاع الميزان نحط كاسرونة فيها الماء على نار حتى يغلى الماء و نحط فوقها غميقة و نحط فيها الشيكولا مقطعة و نخليها تذوب و ساعة على ساعة نحركها و مانحيهاش من على النار حتى تصبح خليط متجانس و نزلها للارض و نقلاصي بيها و هي ما زالها فوق الكاسرونة باش ماتجمدش
و ااحيانا لما تكون الشيكولا نتاعي قليلة نزيدلها شوية حليب و قطعة صغيرة من الزبدة و نذوبها مليح على الحمام المائي
في انتظار بقية العضوات للاجابة على بقية التساؤلات و انا ايضا ساجيب ان شاء الله بما اعلم
اضيف معكم مشاكلي
اولا اريد ان اسال عن حليب نيسلي اللي نستعملوه في القاطو اعلم انه يطيب في الكوكوط مدة ساعة و لكن انا حابة نطيبوا في قدرة عادية يعني نحط العلبة في قدر بها ماء على النار حابة نعرف كم ساعة نخليه يعني الوقت المطلوب كم يكون باش يطيب النيسلي
ثانيا عجينة اللوز ماذا افعل لها حتى ماتلصقش في يدي و نقدر نعمل منها وردات للتزيين بسهولة و ايضا كيفاش نلونها نضيفلها ملون عادي و ندلكها او نضيف الملون لماء زهز و نسقيها او ما العمل بالظبط
ثالثا معلومة شبه متاكدة منها و لكن ماعليش نتاكد المخبز و ايضا مقرود اللوز مايطيبش من فوق يعني يطيب فقط من تحت
هل يوجد ملون غدائي ازرق و اذا لا ماهما اللونين الدين امزجهما للحصول على لون ازرق و لون بنفسجي
اضن اني كثرث اكتفي بهدا و في انتظار ردودكم الله يبارك فيكم و يعطيكم ماتتمناو