السلام عليكن حبيباتي والله وحشتوني ووحشني منتدانا الغالي راني رجعت ونوعدكم بالجديد والمميز
اليوم حبيت نوريلكم طريقة عمل كعكة متكونة من عدة طبقات او pièce monteé بطريقتي
وحبيت نقلكم انها اسهل تارت ممكن تعملوها وراني عملتها خصوصا للمبتدئات تبعو معايا وراح تلقاي بلي معضم مكوناتها تتباع في المحلات وزيد ماشي كيكةاسفنجية واللي ماتنجحش مع الكثيرات يعني بالمختصر المفيد ماتتعبوش معاها لاني اختصرتلكم الوقت والمجهود نبداو على بركة الله
التحضير
لعمل الجينواز
في صحن حطي 4بيضات مع نصف كاس اينوكس زيت+نصف كاس سكر+نصف كاس حليب ونصف ملعقة فاني
خلطي بفرشيطة ولا الخلاط مليح حتى تتجانس المكونات
زيدي كاس ونصف فرينة مغربلة+قرصة ملح+1خميرة ونصف خميرة الحلوى ادمجي الكل بالفرشيطة تتحصلي على خليط متوسط الكثافة
وصبي الخليط في قالب مدهون بالزبدة ومرشوش بالفرينة ودخليها للفرن على 220 حتى تاخد اللون الدهبي
زيدي حضري كيكة تانية بنفس الطريقة وفي الوقت اللي تكون تطيب فيه حضري لاكرام باتيسيار انا استعملت علبة واحدة دوق فاني
وانتي ممكن تغيري الذوق راهي تتباع ب 30دج فرغيها في كاسرونة وزيديلها 3 ملاعق سكر ونصف لتر حليب خلطي مليح وحطيها على النار مع الخلط المتواصل حتى تعقد وخليها تبرد ثم زيدي ضربيها مليح بالباتور حتى تتنحى الكريات اللي تتشكل فيها
كي تكمل طلعي 200غ كرام شانتيي نتاع الميزان راهي تتباع 50دج لل100غ طلعيها مع كاس ونصف حليب ضروري يكون بارد جدا جدا حتى تولي كريمة متماسكة وثقيلة حطيها في الكونجي لاتور في الوقت اللي نبداو فيه التشكيل
وجدي فواكه حسب الموجود عندك ولا ممكن تشري حبة من كل فاكهة ماتكلفكش بزاف
وجدي لاجولي راهي تتباع العلبة هادي ب100دج وتبقالك في الثلاجة لعدة استعمالات وادا ماعندكش عوضيها بشوية مربى حسب الموجود اللي تسخنيه شوية وتستعمليه
التشكيل
لما يطيبو الجينوازات الزوج واحدة خليها كيما هي وحطيها فوق مول مقلوب فوقو ورق المنيوم لتسهيل العمل وادهنيها بطبقة من لاكرام باتيسيار وروحي للجينواز الثانية وقطعيها 2 او 3 دوائر متفاوتة الحجم يعني وحدة كبيرة والثانية اقل منها والثالثة صفيرة وممكن تستعيني ب3 صحون كبيرة ومتوسطة وصغيرة ادا ماعندكش القطاعة حطيهم فوق الجينواز ودوري عليهم بالسكين وراح تتحصلي على الشكل المطلوب
حطي الكيكات اللي تحصلنا عليها فوق الكيكة اللي دهناها بلاكرام باتيسيار وماتنسايش كل كرة تعاودي تحطي بينها لاكرام باتيسيار راح تتحصلي على هاد الشكل
الآن مرحلة التزيين
غلفي كل الكيكة بلاكرام شانتيي بواسطة الكيك الحلواني وادا ماعندكش ممكن تستعملي كيس او كيس الحليب اللي تنضفيه وتنشفيه مليح وحطي الفواكه وادهنيها بلاجولي بواسطة فرشات اللي تكوني سخنتيها شوية حسب الرغبة انا عملتلكم تزيين بسيط جدا جدا حتى تشوفو سهولتها
زووووووووووووووووووم
قدموها مباشرة ادا ماعندكش الوقت لكن من الاحسن تخلوها ترتاح 4 ساعات
وهدا شكلها من الوسط بعد التقطيع
وقت التقديم انقليها بلطف لصن كبير مانعملوش كيما انا قطعتها مباشرة لانو وقع الهجوم ههههههههههههههههههه
ملاحضة ادا ماعندكش كاس اينوكس ممكن تستعملي كاس عادي لكن زيدي زوج ملاعق من الزيت والسكر والحليب والفرينة لان كاس لينوكس شوية كبير
السنيوة او المول اللي عملت فيها واضح في الصورة وحجمو اقل من المول نتاع الفرن
ممكن تعمليها في مول مربع وكي توصلي المرحلة التشكيل خلي الجينواز الاولى كيما هي والثانية احسبي ثلاث ارباعها بالطول وقطعي بالسكين راح تتحصلي على جزتين جزء كبير اللي هو الثلاث ارباع حطيه فوق الكيكة وجزء صغير وطويل اللي هو الربع اللي بقالك وحطيه فوق اللي قبلو راح تتحصلي على كيكة مربعة او مستطيلة من ثلاث طبقات وكملي التزيين والحشو بنفس الطريقة
والآن دوركم راني نستنى رايكم وتقييما تكم وتطبيقاتكم
هااااااااااااااااااااااااااااااايلة شكرا اااااااااااااااااااااااااا
https://hanane2016.wordpress.com/روعة اختي افيدينا بابداعك
ممكن تشرفيني بزيارتك لمدونتي و تعطريها بتعليقاتك
هايلة اختي يعطيك الصحة
الجينواز متشربيهاش بالعسيلة و تجي هشة
|
المشاركة الأصلية كتبت بواسطة feuilleblanche17
 هايلة اختي يعطيك الصحة
الجينواز متشربيهاش بالعسيلة و تجي هشة |
الله يسلمك اختي ل
لالا ماتحتاجش تشربيها لاني عملت الحليب في العجينة وزيد عملت الصفار والبياض مع بعض جربيها وشوفي قدواه هشيشة
شكرا لكن اخواتي حنان ومونيا على المرور نورتوني
واووووووووووو شكلهاهايل يعطيك الصحة
واااااااااااااااااااااااااااااااااااااااااو روووووووووووووووووووووووووووووعة يعطيك الصحة
يعطيك الصحةروعة
lah yaber jatak hayla hadi ghiba tawalti alina bezaf nchalh tkouni mliha machkoura ala el wasfat taawaak moumayaza kel ada baraka lahou fik
اييييييييييييييييييي ربي يبارك روعة ،، يعطيك الصحة ختيتي
مشكورة اختي
.
هااااااااااااااااااااااااااااااايلة شكرا اااااااااااااااااااااااااا
هايلة اختي يعطيك الصحة
شكرا لكن اخواتي على المرور وعلى الردود الطيبة