عواشركم مباركة
بقروب عيد الفطر المبارك حبيت نشاركم هذه الحلوة الاقتصادية اللذيذة جداا
نالت اعجاب الكبير والصغير
وهي صوابع العروسة بالحنة
المقادير
200غ مارقرين
180غ سكر قلاص
50غ نواة كوكو مطحون
حبة بيض +صفار بيضة
نصف ملعقة صغيرة خميرة الحلوة
ملعقة صغيرة فاني
فرينة حسب الحاجة
شوكولا للتزيين
طريقة التحضير
نخلط المقاديرالسكر مع الزبدة حتى تصبح كريمة ثم نضيف البيض والنواة كوكو والخميرة والفاني ونلم بالفرينة
ندير العجينة في كيس ونتركها ترتاح 1ساعة
نحل العجينة طول20سم والسمك1سم
ونقطع العجينة الى اصابع طولها 7سم
نطيبهم في فرن مسخن 160درجة ولمدة 10دقائق لازم يقعد لونهم ابيض
كيبردو نغطس الاطراف في الشوكولا ونزينهم في الوسط بهذه الطريقة
نغسل شكارة حليب ونشفها مليح من الداخل وننقبها بالكردون ثقب صغير ونحط فيها شوكولا مذوبة مع شوية حليب وشوية زبدة ونزين بيها
وتقدميها فوق دونتال بيضاء روووووعة وبريسونتابل وبنييييينة بزاف
هذه الكمية قطعتلي 3صنيات كما الي راه في الصورة يعني تخرج كمية لاباس بيها
نتمنى اجربوها وتستمتعوابذوقها المميز راني نكتب في الموضوع والاولاد يقولولي ماما دريهالنا في العيد ههه
ماتنساونيش بدعاوتكم في هذه الايام المباركة
مع تحيات اختكم ام اسلام واية ويوسف 
ماشاء الله ام اسلام يبان بنين وخفيف واقتصادى ايضا يعطيك الصحة
الله يبعد عليك البلا ويحميك من الشيطان وشركه ويحفظك والعائلة من كل سوء
44444444444444444444444444444444444444444444444444 44444444444444444444444444444444444444444444444
اممممممممممممممممممممممممممممممممممممممممم هايلة يعطيك الصحة وتبان تقطع غايا
يعطيك الصحةدايماااااااا 444444444
ya3tik sahha
رووووووووووعة حلوة اقتصادية وبريزونتابل يعطيك الصحة.
يعطيك الصحة حبيبتي ام اسلام القاتو فيييييلم و فالصحن راه يبان صح كيما اليد المحننة هههههه ،، شكرا على الوصفة و ربي يخليلك اسلام وآية و يوسف
واووووووووووووووووو شكلها تحفة و البنة اكيد روعة هايل يعطيك الصحة
ربي يصلح ولادك حنونة
يعطيك الصحة ام اية روعة اسم على مسمى
روعة يعطيك الصحة ربي لحبيبه ربي يخليك لينا ويحفظ يوسف واسلام يارب
يعطيك الف عافيه اختي يبان خفيف وبنين اممممم
ربي يعطيك ما تتمناي و يجعل اولادك من الصالحين
ماشاء الله هايل
44444444444444444444444444444444