السلام عليكم
من العنوان راكو فهمتو ….. من مدة طويلة و انا نسيي لي غوسات
نتاع قلب اللوز و دايما ما تنجحش حتى حشمت قدام عايلتي
هاذ المرة درت هاذ لا غوسات حصيلة التجارب اللي فاتت
المقادير
500 غ دشيشة (دقيق حرش)
350 غ سكر (وزنتها عند الحانوت)
نص فنجان زبدة . شوي ملح
ماء +ماء الزهر
الحشو
كوكاو مطحون
شوي كاكاو و شوي قرفة
الشاربات
500 غ سكر
لتر ماء
نص ليمونة
فنجان صغير ماء الزهر
طريقة التحضير
في الليل طيبت الشاربات
درت الماء +السكر + نص الليمونة و منين بدا
يغلي حسبت ربع ساعة و طفيت وزدت ماء الزهر
من جهة اخرى
درت الدشيشة + الملح + السكر و حكيت مليح
و دوبت الزبدة و زدتها و حكيت مليح مليح
عبرت فنجان (نتاع القهوة بالحليب) نصو ماء و
نصو ماء الزهر و رشيت و حركت بصباعي
كيما نديرو الكسكس و غطيته و خليتو يبات
في الصباح شعلت الفور على 160 درجة
و عبرت فنجان اخر نصو ماء و نصو ماء الزهر
و رشيت الخليط و حركت بصباعي و قسمتو
دهنت المول و حطيت نص الخلطة بلا ما نضغط
و رشيت الحشو و زدت باقي الخليط و سويتو
غير بصباعي قطعتها و دخلتها طيب حوالي
45 د حتى حمارو الجناب مليح و حمرتها من الفوق
سقيتها بالشاربات البارد و رجعتها في الفور وهو
طافي و هاهي النتيجة
بارك الله فيك على كيفية قلب اللوز
انا نحب كثيرا قلب اللوز.
خرجت لك روعة
جاتك تشهي حبيبتي سمراء الدنيا بالهنا على قلبك غاليتي
الحمد لله تاكليه بالصحة
يعطيك الصحة
خرجلك رووووووووووووووعة
يعطيك الصحة,المهم النتيجة جاتك روعة
|
المشاركة الأصلية كتبت بواسطة saida08
 بارك الله فيك على كيفية قلب اللوز
انا نحب كثيرا قلب اللوز. خرجت لك روعة |
شكرا عزيزتي سعيدة على بالك رانا غير جوارين
انا اصلا من عين الصفراء و عندي زوج خواتات يسكنو
في بشار (خيار الناس)
|
المشاركة الأصلية كتبت بواسطة ام خديجة1
جاتك تشهي حبيبتي سمراء الدنيا بالهنا على قلبك غاليتي
|
الله يهنيك يا الغالية و يحفظك و يبارك فيك
|
المشاركة الأصلية كتبت بواسطة adrari
الحمد لله تاكليه بالصحة
|
اااه هاذي انت يا اختي و نا نقول منين جاني هاذ الادراري
بارك الله فيك على المرور
يعطيك الصحة
|
المشاركة الأصلية كتبت بواسطة *ام رامي*
يعطيك الصحة |
اهلا بيك يا ام رامي و الله رايك يهمني
يعطيك الصحة خرجلك هايل بصحتكم.
|
المشاركة الأصلية كتبت بواسطة mira27
يعطيك الصحة,المهم النتيجة جاتك روعة
|
بارك الله فيك اختي ميرا
|
المشاركة الأصلية كتبت بواسطة remadna
يعطيك الصحة
|
بارك الله فيك دايما قايمة بالواجب و تشجعي فينا
|
المشاركة الأصلية كتبت بواسطة ام انس5
يعطيك الصحة خرجلك هايل بصحتكم. |
الله يسلمك عزيزتي ام انس