السلام عليكم، والله ثقتي كبيرة في تلبية طلبي ومساعدتي بعد أن جربت كل وصفات السفنج أو الخفاف اللي نسمع بيه ونحاول نطبقها بالحرف الواحد لكن المشكلة تبقى هي هي يجيني بنين بصح معجن أنا نحبو فارغ من الداخل وخفيف ما عرفتش وينه الخلل جربت الخفاف تاع السميد وتاع الفرينة والنتيجة دائما محبطة حابة ينجحلي كيما حابة . أرجو منكن تنعتولي كل الأسرار الي تخلي الخفاف فارغ من الداخل وبنين . أنا أنتظر فهل من مجيب؟
كي تجي الحبة خشينة بزاف راح مطيبش من داخل وتجي معجنة
وعليكم السلام انا نديرو مثل عجينت المطلوع ونقطعو قروص صغار مثل تاع المحجب ونخليه يطلع ونحمي الزيت وكي يطلع نقرص بلاوحدة ونرميها فى الزيت ونفرغ فوقه بلاملعقة ريحة تتنفخ وجي فارغ من الداخل وربي يوفقك
يا اختي السفنج لازمو يتعجن مليح و يطلع مليح ادا ماخليتبهش يخمر مش راح يجي خفيف ولما تقرصيه اكرحيه شويةرقيق ولما تحطيه فالمقلة ارمي عليه بزاف الزيت وبسرعة باه يتنفخ
شكرا على الردود الطيبة والاهتمام ممكن تعطوني وصفة ناجحة ومضمونة ومجربة للسفنج ثم قاه قادر يخمر بالضبط؟
السفنج لازم تخمريه و تكسريلو التخمار عدة مرات حتى يجيك خفيف
شكرا خواتاتي معرف واش كنت حندير بلابيكم. ساخذ بنصائحكن حرفيا والله الموفق