اليوم حبيباتي جيتكم بصور لمقروط اللوز الحرار درتو جاني معسسسسسسل من الداخل وطري هااايل ودرت القريوش المشبك جا مقرمش وبنيييين درتهم في ختانة وليد خويا ديتهم معايا ….هادو السنيوات كيما ديتهم زدت غلفتهم برك بالسيلوفان….
نخليكم مع الصور
هادا مقروط اللوز
وهادا القريوش المشبك
نستنى اراءكم حبيباتي
صباح النور يسعدني أني أول من يرد أولا مبروك أليكم الختانة تاع وليد خوك و ثانيا الله يخليك الوصفات مع طريقة التحضير إن أمكن و يكون هذا في ميزان حسناتك
أممممم جاك هايل يعطيك الصحة والعافية ومبروك عليكم ختان ولد اخوك ،،،،
يعطيك الصحة خرجولك هايلين ممكن وصفة القريوش اذا سمحتي
يعطيك الصحة
رووووووووووووووووووووووووعة توووووووووووووووب والف مبااااااااااااااااااااارك
الله يسلمكم حبيباتي على المرور الطيب
والي طلبو مني الوصفات انشا الله غدوة نحطهم
مشكورين
مبروك على وليد خوك الختانة وربي يحفظو ليكم والحلوى جات وقيلة كيفو تهبل من فضلك حطيلنا الوصفات و الله يعطيك الصحة
الله يبارك والله متحوفين حطينا الوصفات من فضلك
ya3tik saha momkin wasfat griwach
جاوك فوووور الله يبارك مقروط اللوز تع الحرار يديروه بزااااف في منطقة بليدة و مدية
44444444444444444
يعطيك الصحة والعافية ومبروك عليكم ختان ولد اخوك
يعطيكم الصحة كااااامل على مروركم وردودكم الي تطلع المورال
ام مهدي راكي باينة بلي من جوايهنا ههههههه راكي عرفتي السر بلي المادنة والبليديين هوما الي يديروه….مشكورة حبيبتي
بالنسبة للي طلبو مني الوصفات
نبدا اولا بمقروط اللوز وهاد الوصفة مضمونة مية بالمية خاطر تعلمتو كيما كنت نتعلم الحلويات
– 3 كيلات لوز مرحي
– كيلة ناقصة شوي سكر عادي
– قشور القارص من الافضل يكون القارص اصفر مشي اخضر ويا حبذا لو تستعمليه من الحبة مباشرة…في كيلو لوز ديري مبشور حوالي ربعة حبات قارص
– ملعقة ونصف زبدة غامولي يعني زبدة طرية
– ملعقتين كبار عسل
– البيض حتى تتلملك العجينة
– لافاني اختياري
بالنسبة للطريقة
تحطي اللوز + السكر + قشور القارص + الزبدة وتحكيها مليح حتى تدخل كامل هاديك الزبدة في اللوز من بعد ضيفي العسل و دخليه مليح في الوز من بعد ابداي تضيفي في البيض من الاول ديري الصفار برك حوالي ربعة صفار بيض من بعد ضيفي حبة كاملة …ادا كان عندك الوقت غطيه ببلاستيك وخليه يبات هكداك ومن الغد تلقايه نشف شوي زيديلو صفار البيض برك حتى تشوفي العجينة ولات معسلة ما ديريهش ناشف باتش يجيك معسل من الداخل…اما ادا كنتي مزروبة معليش كملي لميه بالبيض وشكليه مباشرة بلا ما يبات…
اصنعي حرابش واقطعيهم مقروطات…هنا ادا كنتي رايحة ديريه مقروط لوز عادي يعني ترمديه في السكر الناعم اقطعيه حبات صغار وادا كنتي رايحة ديريه مقروط اللوز تع الحرار كيما انا اقطعيه شوي بالطول باش تلقاي المساحة وين تزيني من بعد….المهم اقطعيه وحطيه في سنية مرشوشة بكمية وفيييرة من الفرينة باش ما يلصقش ودخليه للفرن تكوني سخنتيه من قبل
بالنسبة للطياب
حطي السنية الفوق كامل واشعليها من تحت خاطر هو يطيب تمتم …حوالي ربعة حتى خمس دقايق برك على حسب الفرن ديالك ثم هبطيه للتحت واشعلي من فوق حتى تشوفيه بدا يكتسب لون وردي خفييييييف طفي عليه وخرجيه من الفرن وما تنحيهش من السنية حتى يبرد تماما
ملاحظة
كي تمسيه رايح تلقايه طري ما تتقلقيش راه طايب بصح يتماسك بعدما يبرد والطراوة هاديك هي السر في انو يجيك طري من الداخل ومعسل
بعدما يبرد تماما تحبي تطليه بالطلية تحبي ترمديه في السكر قلاسي رمديه مرتين باش يجيك شباب
وهاد الوصفة هي وصفة المخبز
بالنسبة للطلية
حطي السكر قلاسي المسير + عصير القارص حولي عصير تلات حبات + ملون ابيض + ونلم بالحليب وتشوفي القوام ديالها وهادي الطلية تع الحليب تقعد طرية لمدة طويلة
بعدما تطلي الحبات خليهم ينشفو مليح من بعد نحي هادوك الاطراف من تحت باش نعدلو الحبات ادهنيهم بالناكري او الملمع الابيض تم خودي شوي من الطلية واصنعي بيها خطوط متوازية وخليهم ينشفو بعدها ابداي تدهني المساحات الي بين الخطوط بالملمع الذهبي واحدة بواحدة يعني بالخلاف وراكي تحصلتي على مقروط اللوز الحرار
بصحتكم