السلام عليكم أخواتي و صح عيدكم جميعا
أنا كي نخدم مقروط العسل يجيني هايل ولكن لدي مشكلة تؤرقني هو أنو لوكان ما نحطوش في الثلاجة يصوفلي من داخل في مدة قصيرة يعني 4 إلى 5أيام
من فضلكن من لديها خبرة تجاوبني هل هذا عادي مع حرارة الجو أم هناك طريقة خاصة للحفظ يعني أين هو المشكل؟أنتظر رداودكن شكرا مسبقا يا حراير الجلفة
لاحظت مشكل هذا صرالي كي جربت وصفة فيها فرينة
بصح كي درت تاع سميد وحدو قعد كيما هو
و عليكم السلام و رحمة الله و بركاته
اهلا اختي
هناك احتمالين
الاول ربما ما طيبتيهش مليح اي قويتيله النار بزاف
لانه يطيب على درجة 180 الى 200 و مين يحمار من تحت شعلي الفور من فوق
الاحتمل الثاني انك حطيتيه في العلبة و هو ساخن و غلقتي عليه لان المقرود لازم يبرد تماما و ممبعد حطيه في علبة
نتمنى تكوني فهمتيني
المشكل فى الرطوبة l’humidité ممكن عندك الرطوبة بزاف فى الدار
أنا نستعمل السميد والفرينة لكن مايصوفليش
بلاك تكوني حطيتيه فى الكوزينة وكيما تعرفي الكوزينة فيها الطياب الحاجة راح تخسر فيها حتى وتكون فى بورت مونجي
ديريه فى بورت مونجي وحطيه فى مكان مهوي يعني فيه شوية هوا ماشي فى الكوزينة
هدا رأيي الخاص نتمنى يعطوك اجابات اخرى
|
المشاركة الأصلية كتبت بواسطة لينا11
 لاحظت مشكل هذا صرالي كي جربت وصفة فيها فرينة
بصح كي درت تاع سميد وحدو قعد كيما هو |
شكرا الأخت لينا على ردك و لفت إنتباهي للفرينة هي وصفتي ما فيهاش كمية كبيرة من الفرينة يعني درت ملعقتين فقط في 2كغ سميد يعني ممكن يأثرو كل هذا التأثير و الله أنا حائرة
|
المشاركة الأصلية كتبت بواسطة ام سامي15
و عليكم السلام و رحمة الله و بركاته
اهلا اختي هناك احتمالين الاول ربما ما طيبتيهش مليح اي قويتيله النار بزاف لانه يطيب على درجة 180 الى 200 و مين يحمار من تحت شعلي الفور من فوق الاحتمل الثاني انك حطيتيه في العلبة و هو ساخن و غلقتي عليه لان المقرود لازم يبرد تماما و ممبعد حطيه في علبة نتمنى تكوني فهمتيني |
شكرا الأخت أم سامي على ردك. بالنسبة بالنسبة للإحتمال الأول أنا المقروط قليتوعادي
وعسلتو مباشرة و هو سخون و لكن تركتو حتى برد أو خبيتو
أرجو من عندها إحتمال ٱخر تفيدني
|
المشاركة الأصلية كتبت بواسطة بشرى2017
المشكل فى الرطوبة l’humidité ممكن عندك الرطوبة بزاف فى الدار
أنا نستعمل السميد والفرينة لكن مايصوفليش بلاك تكوني حطيتيه فى الكوزينة وكيما تعرفي الكوزينة فيها الطياب الحاجة راح تخسر فيها حتى وتكون فى بورت مونجي ديريه فى بورت مونجي وحطيه فى مكان مهوي يعني فيه شوية هوا ماشي فى الكوزينة هدا رأيي الخاص نتمنى يعطوك اجابات اخرى |
شكرا الأخت بشرى على ردك. بالنسبة لإحتمالك أنا لم أحتفظ به في المطبخ بل في غرفة و لم أقفل عليه العلبة بل غطيتو بطرشون رقيق باش يتهوالي
أرجو منكن إفادتي إن أمكن
احتمالي هو انك كثرتي ماء الزهر في لعسل
لانو لما نحبو نحتفضو بالمقروط لمدة طويلة ما نعملوش ماء الزهر في لعسل
او ان لعسل انتاعك لما طيبتيه كان خفيف ما عقدش مليح ومازال فيه الماء
جربي بلعسل اللي نشريوه راح تلقاي ان المشكل باتعسال
ملاحضة اخرى المقروط و الحلويات عموما نحتفضو بيهم في علب حديدية لان علب لبلاستيك تعطي نكهة غير مستساغة للحلويات كما تجعلها ندية
و انا متاكدة انو المشكلة با لعسل وجربي عقدي لعسل انتاعك اكثر او جربيه بعسل السوق وستتاكدين من السبب و موفقة
اختي انا نعرف كي ما يطيبش يصوف او المشكل في العسل مايه ماشي عاقد و الله اعلم
|
المشاركة الأصلية كتبت بواسطة امازيغية وفتخر
احتمالي هو انك كثرتي ماء الزهر في لعسل
لانو لما نحبو نحتفضو بالمقروط لمدة طويلة ما نعملوش ماء الزهر في لعسل او ان لعسل انتاعك لما طيبتيه كان خفيف ما عقدش مليح ومازال فيه الماء جربي بلعسل اللي نشريوه راح تلقاي ان المشكل باتعسال ملاحضة اخرى المقروط و الحلويات عموما نحتفضو بيهم في علب حديدية لان علب لبلاستيك تعطي نكهة غير مستساغة للحلويات كما تجعلها ندية و انا متاكدة انو المشكلة با لعسل وجربي عقدي لعسل انتاعك اكثر او جربيه بعسل السوق وستتاكدين من السبب و موفقة |
بارك الله فيك أختي على هذا الرد أظن أنه هذا هو السبب لأنني في التعسيلة الأولى أستعمل عسل مخفف بماء الزهر و التعسيلة الثانية بعسل ثقيل
أشكرك
أختي السبب الرئيسيي هو العسل
خللي تعسيل المقروض الى قبل نهار أو نهارين من المناسبة اللي طيبتي على جالها
و اذا بقاتلك كميات حطيها في مكان فيه تهوية
السلام عليكم انا اضن ان المشكلة فى l’humidité انا من سطيف لا نعانى ابدا من هده المشكلة والحمد لله انا لاحضت اقاربنب من البويرة زمان صيف جابونا مقروط اقيناه مصوف
انا اضن ان المدن الساحلية تعانى من هدا المشكل انا لاحضت الفرق بين المدن الساحلية كدالك في التشياح تاع القش le linge داىما يبقى مندى بينما هنا فى سطيف تنشرى القش بسرعة يجف ما تبقاش فيه راءحة الماء انا نضن ومتاكدة بلي المشكل l’humidié والله اعلم
بالمناسبة عن الحديث عن المقروض شريت سميد متوسط سفينة بصح ظهرليرقيق شوية نقدر نستعمل النصف غليظ ولا لازم المتوسط اتمنى الرد فياقرب وقت وشكرا
نعم أختي النصف غليظ أيضا يجي مليح برك بسيه و خليه يبات