العجينة
1كلغ فرينة
علبة مارغارين نتاع250غ
1مغرف كبيرة خميرة الخبز
1خميرة نتاع القاطو ..كيميائية
مغرف كبيرة مليانة خل
1مغرفة فاني
1بيضة كاملة
مزيج من ماء الزهر والماء العادي يكونو دافيين حسب الحاجة
الزيت والعسل
طريقة التحضير
تذوبي كمية الزبدة وتصبيها فوق الفرينة وتخلطي مليح حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء وتلمي حتى تتحصلي على عجينة ماشي طرية بزاف
وتخليها ترتاح ساعة كاملة
قسميها لقطع متوسطة وحليها بالرلو 
ثم بالمشينة نتاع العجين رقم5 حتى تتحصلي هلى شريط قطعي منو حبات بطابع المارغوريت المتوسط والكبيروالصغير كي تكمليها حطي مارغوريت كبيرة وادهني الوسط بشوية بياض بيض وهدا هو السر في انها ماتتنحهاش الحبات من بعضها وقت القلي وزيدي فوقها حبة من نفس الحجم لكن حطيها بطريقة معاكسة وادهني الوسط بياض البيض ولصقي حبة المارغوريت المتوسطة وادهني الوسط بياض البيض وزيدي فوقها حبة صغيرة لكن حطيها معكوسة واخيرا اغطسي حبة لوز من الجهة الرقيقة في بياض البيض وارشقيها مليح
ولما تكملي جميع العجينة اقليها بلون ذهبي ثم عسليهاوديري فوقها البيستاش او الجلجلان
سلام انا جربتها وكانت النتيجة روووووووووووووعة
وصفة مضمونة.
شكرااااااااااااااااااااا لكم
شكرا على الوصفة بارك الله فيك
جزاك الله خيرا جات في وقتها كنت نحوس على الوصفة سؤالي ماهو السر باه متقعدش مشي طايبة من الداخل لان الطبقات كثيرة
بارك الله فيك على الوصفة ، كنت أبحث عنها
قريوش الوردة شكلو بزاف عجبني جرباتو أختي خرج هايل
لالا ماجيش معجنا من الداخل لأنو أتي دارت 4طبقات أيضا في القليان لازم تقليها على نارمهيلة
ارجو الصور ان امكن وشكرااااااااااا
الوصفتين مشي كيفكيف أقصد هذي و وصفة تاع أم أماني
هل جربتم هذه الوصفة و لا تاع أم أماني؟