صباح الخير عليكم كامل
شفت بزاف أخوات يشكيو من الخبز العربي و يقولو ماصلحش ، مالا دبر علي راسي قالي هاتي نجربو نلقاولهم الحل مادام راكي لاعبتها في المنتدى آينشتاين هههههه ، دخلت للمختبر بوه للمطبخ و جربت عدة مرات باش نتأكد من الحل اللي لقيتو .
كنت شفت أخت حطت وصفة الخبز العربي اللي يطيب في الفرن و قلت نجرب و لقيت طريقتها مضمونة أكثر خاصة للأخوات اللي ماعندهمش مقلاة تيفال .
شوفو هي نفس وصفة الأخت سمراء الدنيا ، هذا رابط الوصفة :
https://www.djelfa.info/vb/showthread.php?t=891320
و لكن شوفو ، أنا طيبتو في الفرن ، يعني ديري العجين نورمال و تطرحيها بشوية فرينة ( ما ترقيهاش بزاف بزاف راهي ما تتنفخش ) و تخلي القرصات يريحو 10 دقائق و تبداي الطيبي .
قبل ما تبداي طياب تكوني قبل بـ30دقيقة شعلت الفرن و سخنتيه ملييييح و تحطي كاش بلاطو أو صينية مقلبة على ظهرها و تدخليها للفرن تسخن و تبداي تحطي القرصة الأولى كي تخرج فقاقيع قلبيها و ممكن دوري القرصة باش الطيب مليح من كل النواحي و انتهى ، شوفو هنا راهي في الفرن بعد ما قلبتها انتفخت :
* ملاحظة : قرصوه رقيق بصح ماشي بزاف ، باش ينتفخ و يبقى طري .
* أضيف ملاحظة هامة قالتها الأخت وهي أنكم تعجنوه مليح باش يطلع
أرجو أن يكون هذا الحل النهائي لمشكلة الخبز العربي 
جبتيها يا انشتاين راني سخفانة على الشاورما وحبيتها بالخبز العربي. يسلم ربي يديك وجعلها في ميزان حسناتك راكي ساعدتي اخوات بزاف
|
المشاركة الأصلية كتبت بواسطة أنوثة شرقية
 جبتيها يا انشتاين راني سخفانة على الشاورما وحبيتها بالخبز العربي. يسلم ربي يديك وجعلها في ميزان حسناتك راكي ساعدتي اخوات بزاف
|
ههههه ، يسلمك أنوثة شرقية ، كي ديريها أبعثيلي سهمي 
اختي الهام بارك الله فيك حبيت نسقسيك السينية حطيتيها مباشرة فوق االنار تع الفرن او فوق بلاطو و تاني كي نطيبو نخلي باب الفرن مفتوح على حساب مافهمت و شكرا
|
المشاركة الأصلية كتبت بواسطة maiar
اختي الهام بارك الله فيك حبيت نسقسيك السينية حطيتيها مباشرة فوق االنار تع الفرن او فوق بلاطو و تاني كي نطيبو نخلي باب الفرن مفتوح على حساب مافهمت و شكرا
|
وفيك البركة أختي ، شوفي نجاوبك سؤال بسؤال :
* كل واحد أدرى بالفرن نتاعو ، انا لاكويزينيير نتاعي صغيرة و الفرن نتاعها ما يسخنش بزاف حطيت الصينية مباشرة في الأسفل و خاصة أن الصينية اللي طيبت فيها ثقيلة ماتسخنش بسرعة .
لكن أيضا جربت طيبتها في بلاطو خفيف شوية و في الوسط نتاع الفرن بعد ماسخنتو مليح ( قلبت البلاطو وحطيتو فوق الشباك في الطبقة الثانية نتاع الفرن ) و كانت نفس النتيجة .
* لالا ، ما خليتش باب الفرن مفتوح ، فتحتو باش نصورلكم برك .
أي استفسار راني هنا
بارك الله فيك اختي انا جربتو و طيبتو في مقلى تيفال و لكن من بعد ان شاء الله نجرب طريقتك بارك الله فيك
|
المشاركة الأصلية كتبت بواسطة oum ayyoub
بارك الله فيك اختي انا جربتو و طيبتو في مقلى تيفال و لكن من بعد ان شاء الله نجرب طريقتك بارك الله فيك
|
وفيك البركة ، قوليلي كي درتيه في المقلاة صلحلك ؟
و كي سقسيتك على الفرن اذا يبقى مفتوح او لالا يعني تعسي كي تدير الفقاعات تفتحيه و تقلبيه لانو الكوشة تاعي ماتبينش من برا لازم نفتحها و نخاف ماتتنفخش
و ثاني شعلتي الكوشة من فوق تاني او غير من تحت
يعطيك الصحة يا صاحبةالافكار راكي قريب تطيريها لانشتاين ؛)
الله الله عليك يا الهام ..راكي تبردي القلب كيما يقولو بالشرح الوافي والافكار الرائعة …شكرا لك ..
رائع
شكرا على الشرح الوافي
|
المشاركة الأصلية كتبت بواسطة maiar
بارك الله فيك الهام نجرب و لي تصلحلي هذيك هي
و كي سقسيتك على الفرن اذا يبقى مفتوح او لالا يعني تعسي كي تدير الفقاعات تفتحيه و تقلبيه لانو الكوشة تاعي ماتبينش من برا لازم نفتحها و نخاف ماتتنفخش و ثاني شعلتي الكوشة من فوق تاني او غير من تحت |
طبعا ممكن تفتحي الفرن طلي و سكري ، باش يبقى سخون ، و السؤال 2 : شعلت الكوشة غير من تحت .
|
المشاركة الأصلية كتبت بواسطة ام ولي
يعطيك الصحة يا صاحبةالافكار راكي قريب تطيريها لانشتاين ؛)
|
ههههه ، أنا وين وآينشتاين وين إإإإإإيييييه هههههه
|
المشاركة الأصلية كتبت بواسطة عطوفة
الله الله عليك يا الهام ..راكي تبردي القلب كيما يقولو بالشرح الوافي والافكار الرائعة …شكرا لك ..
|
هههه ، شكرا يالعمرية على الكلمات الرقيقة 
|
المشاركة الأصلية كتبت بواسطة جيجلية
رائع
شكرا على الشرح الوافي |
العفو يالجيجلية ، شكرا على مرورك
امممممممممممممممم ماشاء الله نشاط و حيوية وهذا ليس غريب عليك
|
المشاركة الأصلية كتبت بواسطة ouricia
امممممممممممممممم ماشاء الله نشاط و حيوية وهذا ليس غريب عليك
|
شكرا ouricia ، انت ثاني راكي ناشطة ومتابعة
جاك هايل يالفحلة اه اه انسيت يالمستكشفة هههههه …..وفكرة الصينية المقلوبة عجبتني وعلاه ماتحطيهاش عادي حتى تطيب ؟….بصحتكم