السلام عليكم 
اليوم جبتلكم بريوش امممم بشكل رائع ينفع تديه معاك كهدية كي تجي رايحة خير من تبقاي تشكلي بالحبة
و تان ان شاء الله كل مرة نجيبلكم لفة جديدة 
نبدا على بركة الله 
البريوش هو اي وصفة انتم معتامدينها انا استعملت تاع عازفة ربي يجازيها كل خير لكن نقصت في مقدار الزبدة استعملت فقط 60 غ
لانو راح نستعمل الزبدة في التوريق
و الرابط من هنا
https://www.djelfa.info/vb/showthread.php?t=1773066
شوفو بعدما نخمرو العجينة نقسموها على 4 انا ماصورتش هادي كنت مزروبة و قريب ما صورت والو 
و نحل كل كويرة الى دائرة رقيقة و ندوبو شوي زبدة و ندهن بين كل طبقة و اخرى
نستعمل المول الدائري تاع الكيك لي يتحل باش نخدمو دائرة مرتبة ندير الحواف فقط و كمل بقطاعة البيتزا
ثم نقسم الدائرة على 4 ثم على 8 كما هو كوضح في الصورة 
بعدها ناخد كل مثلث نديرولو فتحة في الوسط بدون لا نصل الى القمة او الى الاسفل
نلف قمة المثلث و نعاود نخرجها
نلم الاطراف و نقلب المثلث تاعنا
الصورة توضح و هي ساهلة كي تولو تجربو فيها تجي اسهل من الشرح
ثم نستف المثلثات في مول مدهون بالزبدة و الفرينة او فوق ورق الخبز انا هنا كنت مزروبة لانو كنت دايتها معايا لزيارة خالي
درتها في مول مدور هي تجي في سنيوة عادي مربعة باش الاطراف بعدما ينخبزو يبقة شكلهم انا راحلي 
المهم كيما قلت استعملو سنيوة عاااادي 
رصو المثلثات قدام بعضاها مع مراعاة الفراغات لانو راح تخمر و في الوسط شكلت
وردة ببقايا العجين و درتها في الوسط
نخلوها تخمر بعدها ندهنوها بالبيض كنت زدتلو قطرات من القهوة و نرشوها بالجلجلان او واش حبيتو
هنا بعد ما خمرت شوفو مسكينة الوردة دياقت في المول درتلها بينسيو
ندخلوها للفرن تطيب و نخلوها تحمار و بعدها النتيجة امممممممممممممممم مجمرة و محمرة و مقرمشة
ندهنوها بالمعجون او لا جولي او عسل
اممم روعة و من الداخل هشووووشة و خفيفة ريشة
مشكووورة عازفة على الوصفة
ان شاء الله تعجبكم اللفة
و الى الملتقى ان شاء الله مع لفات اخرى و شابة
تحياتي 
ماشاء الله يعطيك الصحة صورتو تشهي وينك يا مداقو امم تسلم الايادي
|
المشاركة الأصلية كتبت بواسطة ام رشدى
 ماشاء الله يعطيك الصحة صورتو تشهي وينك يا مداقو امم تسلم الايادي
|
الله يسلمك ام رشدي حبيبتي
جربيه و رديلي خبر
ما شاء الله خرجلك ررررررررررروعة تسلمي
هايلة يعطيك الصحة
ربي يبارك يعطيك الصحة خدمتك متقونة
الله يبارك44444444444
يعطيك الصحة هايل
االه يسلمكم كامل
مارسي على المرور الحلو
تحياتي لكن وحدة وحدة
^_"
ماشاء الله يعطيك الصحة
الله ايبارك شكل هايل و الخدمة متقونة يعطيك الصحة
اممممممم كملتي عليا بالسخفة
يلا لا ريجيم لا عمار بو الزور
نديرو وربي كبير
تسلم ايدك حبيبتي
الله يبارك يعطيك الصحة
|
المشاركة الأصلية كتبت بواسطة اسمهان79
اممممممم كملتي عليا بالسخفة
يلا لا ريجيم لا عمار بو الزور نديرو وربي كبير تسلم ايدك حبيبتي |
راكي تديري في الريجيم ماقلتليش :d
بصحتك حنونة
نورتي ^_"
|
المشاركة الأصلية كتبت بواسطة الصمت حكمة
الله يبارك يعطيك الصحة
|
الله يسلمك حبيبتي
نورتي
D