السلام عليكم
شوفو ندخل في الموضوع طول
اليوم عجنت شوي محاجب درت ثلاث كيلات سميد و كيلة ونص فارينة و عجنتهم مليح و كي ريحو شوي جاتني فكرة
نحيت شوي و زدتلو الماء و عجنتو مليح حتى ولا يتلاسق يجي شوي حاكم روحو على عجينة البغرير مش جاري بزاف كيما هي
ومنبعد ماقدرتش نكملو بيدي زدتلو شوي برك الماء و خلطتو مليح بالملعقة تاع السيليكون نحات منو كامل الحبيبات الي يجو كي نزيدولو الماء
حطيت مقلة سخنت مليح
وبديت نخدم بصح لازم تكوني سريعة بزاف المهم المرة الاولى كانت للتجريب لأني عمري ما درت ديول هاذي أول مرة في حياتي
نحط شوي نتاع العجين بواسطة الملعقة هي بالذات و هي مش حتفرد بزاف لأنها مبلاطيا
المهم غير حطيت شوي سقمتو على شكل دائري بالملعقة و ماتخافيش من الفراغات
زيدي ارفدي شوي عجينة و سقميهم المهم اجبدي مليح بش ماجيش خشينة
و تمتم تلقايها ترفدت وحدها من المقلة أقلبيها شوي و من بعد نحيها
وهنا شوفو في الصورة كيفاش ملعقة الحديد راهي تبان دليل بلي شفافين مش خشان كامل
والله انا استغربت كي جات رقيقة و متماسكة
عندك حاجة وحدة مع الممارسة باش تقدري اديريهم كبار انا بديت بيهم صغار ما يفوتوش 15 سنتيم بصح كي طيبتهم بالحشوة على شكل بوراك
جاو هايلين جربيهم و ما تتقلقيش اذا خسرولك اللولين لازم تتعلمي باش ينجحولك
وفقكم الله
وبلغنا و إياكم رمضان و رزقنا صيامه و قيامه و أجره و فرحت عيده
السلام عليكم
ya3tik saha nchallah njarabhoum
جزاك الله كل خير
يعطيك الصحة ..قليلنا مين تعمريهم ادا يجوك مشدودين و ملاح
merci ………………………………..
شكرا على مروركم بارك الله فيكم
شوفي المرة الاولى كي تجربيهم يجوك شوي خشان بصح كي تمشي يدك يخرجو بزاف شابين يعني انت و شطارتك ممكن تخسري ثلاث حبات و لا ربعة المهم منبعد تولي تعرفي كيفاش تسقميهم
وممكن كاين الي تساعدها و كاين بلاك الي جيها صعيبة
انا نجحولي و الله أعلم
ربي يوفق
يعطيييييييييك الصحة
|
المشاركة الأصلية كتبت بواسطة هدوء الصمت
 يعطيييييييييك الصحة
|
الله يهنيك حنونة
|
المشاركة الأصلية كتبت بواسطة اغادير
|
العفو حبيبتي