السلام عليكم اليوم جبتلم وصفة للكسرة الرخسيس جديدة وخفيفة تقول عليها قاطو
سمعتها في الإذاعة جربتها وحبيتكم ديروها لأنها ساهلة وبنينة تتكل من الطاجين (انا عدلت فيها شوي)
بسم الله نبداو المقادير :
3خبزات دقيق واللي تساوي كيلو دقيق بالتقريب
مغرفة صغيرة خميرة فورية تاع الكسرة يعني
ملح
كأس إلا ربع زيت
مغرفة أكل حليب غبرة
جلجلانية أو سينوج حسب الرغبة
مغرفة صغيرة عسل
باكي خميرة تاع القاطو
طريقة التحضير :
ضعي الدقيق في قصعة + حليب الغبرة + الملح + الزيت + الجلجلانية و الخميرة تاع الكسرة + ملعقة العسل
بلي بالماء الدافئ حتى تتحصلي على عجينة مليحة برك ماهيش جارية غطيها
حطي طاجينك يسخن وعاودي ارجعي للعجينة تاعك حطي فوقها الباكي تاع خميرة القاطو و دخليها مليح في بعضاها ولوزيها وابداي حلي
وطيبيها مباشرة على نار قوية ما تخليهاش تخمر
مباشرة طيبيها و شهية طيبة.
نتمنى تجربوها و كيما تقول عزيزتي حورية المطبخ اللي نحترمها بزاف هاد الكسرة
""صدقوني من أروع ما يكون""
الصور منقولة من الانترنت فقط لتتوضح لكم الرؤيا.
يعطيك الصحة اختى انشاء الله انجربها
شكرا جزيلا
شكرا لك و جزاك الله خيرا
ان شاء الله انجربها انا من هواة الكسور غير عسي في قسم التطبيقات و بارك الله فيك اختي
يعطيك الصحة
شكرااااااااااااااااااااااااااااااااااااااااا
نفس طريقة يمة الله يفتح عليها بصح تزيدلها جبة بيض تاكلي ما تشبعي تجي بنينه و خفيفه.شكرا أختي
توب هادي نجربها مشكورررررررررررررة
3خبزات دقيق واللي تساوي كيلو دقيق بالتقريب…………..معناه كل خبزة بكيلوا دقيق هكدا ولا لا + اختي كي ندير العسل ماجيش حلوة
ارجو الرد منك تحيااااااااااي
يعطيك الصحة اختى
الله يبارك
يعطيك الصحة
كل شيء هايل
ربي يعطيك قد قلبك
يا طيوبة
3خبزات دقيق واللي تساوي كيلو دقيق بالتقريب…………..معناه كل خبزة بكيلوا دقيق هكدا ولا لا + اختي كي ندير العسل ماجيش حلوة
ارجو الرد منك تحيااااااااااي
لي تستطيع تجاوبني تدخل لانوصاحبة الموضوع مدخلتش و حابة نجربها
السلام عليكم
أسفة اختي على التأخير هذا راجع لظروف خاصة راني نكون معاكم في المنتدى غير في العطلة الاسبوعية
ديري العسل وما تخافيش
ما تجيش حلوة خلاص
نتمنى تجربيها وتجيك مليحة
بنييييييييييييييييييييين