تختلف طريقة صنع البغرير من سيدة الى اخرى وقبل كان البغرير صعيب كاين الي يخرجلها وكاين الي تفشل فيه وعلى حساب نوعية السميد وبعض الخطوات الكثيرة لازم يخمر مليح لازم سميد مليح لازم يتصفى في كسكاس ولا زم وقت يرتاح لكن الان والحمد لله ودعنا هاد الامور كلها واصبحنا في وقت قصير نوجدو البغرير وبالنسبة للمبتدءات فيه اكثر حاجة تهمهم هي كمية الماء لانو البغرير معروف ادا زدت الماء يتعجن وادا نقصتي يلصق في المقلاة بالمختصر هو من الوصفات المدللة اليوم حبيبتي نقترح عليك هاد الطريقة الناجحة والمجربة والبسيطة وبالمقادير المضبوطة تابعي
المقادير تخرج ليك 12 حبة
الكاس الي نعبرو بيه هو قوطي عسل صغير
المقادير وطريقة التحضير
كاس سميد رقيق وكاس فرينة وواحدة خميرة حلوى وقرصة ملح
2 ملاعق صغار خميرة خبز
نضيفو 3كيسان ماء دافيء
نخلطو بالخلاط الكهربائي
نضيف الخميرة وكيس الخميرة
نستمر في الخلط حتى تتجاس المواد
يكون هكدا قبل التخمير
وهدا بعد التخمير
الان نسخنو مقلاة التيفال لانها ثقيلة ونرفدو بواسطة مفرف تسقية او الكابشة او المغرفة وتابعي الخطوات بالصور
طبعا دوبي العسل والزبدة واسقي الحبات وبالصحة والهناء
للامانة هاد البغرير دارته اختي وهادي هي الطريقة الي نعتمدوها في دارنا يجيك خفيف ومثقب
ملاحظة / نعرف ان الكثيرات يعرفو الطريقة ولكن هدا منتدى وفيه مبتدئات تحياتي
بارك الله فيك والله وصفاتك ناجحة فعلا
ربي يجزيك كل خير
انا اول وحدة ترد وديتهم كامل ههه
امم سخفتيني روووعة ..يعطيك الصحة خيتو
يعطيك الصحة ماقلتيش شحال نديرو خميرة الخبز مغرفة ولا نص
شكرااااااااااااااااااااااااااا على الوصفة
دائمااااااااااااااااا متالقة
|
المشاركة الأصلية كتبت بواسطة feuilleblanche17
 شكرااااااااااااااااااااااااااا على الوصفة
دائمااااااااااااااااا متالقة |
بوجودكن حبيباتي الغاليات تحياتي
|
المشاركة الأصلية كتبت بواسطة مونية ك
يعطيك الصحة ماقلتيش شحال نديرو خميرة الخبز مغرفة ولا نص
|
حبيبتي راني حاطة 2 ملاعق صغار وشكرا على الرد اختي مونية
|
المشاركة الأصلية كتبت بواسطة الملتزمة بالدين
يعطيك الصحة بغرير وعليه الكلام أنا نحبو بزاف وأنا الوحيدة في البيت لي يخرجلها البغرير شباب .وتلقايني غير نتقلش باه نديرولهم ههههههههههه.
|
من حقك تتقلشي عليهم بصح ماعليش علميهم ويريحوك ا ختي
|
المشاركة الأصلية كتبت بواسطة &عسل&
انا اول وحدة ترد وديتهم كامل ههه
امم سخفتيني روووعة ..يعطيك الصحة خيتو |
بصحتك يا عسل تحياتي ليك يا غالية
|
المشاركة الأصلية كتبت بواسطة بسمة تحدي
بارك الله فيك والله وصفاتك ناجحة فعلا
ربي يجزيك كل خير |
وفيك بركة وتحياتي ليك حبيبتي على المشاركة
الله الله عليك هذا مايحب بابا الحنون ربي يبارك في أيامك تقبلي مني
نفس طريقتي بصح انا ندير مفرف صغيرة خمارة ماشي زوج بصح يطول باه يخمر نجرب تاعك ربي بارك فيك ويعطيك ما تتمني
|
المشاركة الأصلية كتبت بواسطة miri_27
الله الله عليك هذا مايحب بابا الحنون ربي يبارك في أيامك تقبلي مني
 |
شكرا حبيبتي الغالية وتحياتي ليك
|
المشاركة الأصلية كتبت بواسطة أمال المستغانمية
نفس طريقتي بصح انا ندير مفرف صغيرة خمارة ماشي زوج بصح يطول باه يخمر نجرب تاعك ربي بارك فيك ويعطيك ما تتمني
|
حبيبتي امال انا بسرعة يخمرلي ويجي مثقب بزاااف تحياتي لناس مستغانم