لي تحب الكرواصون لي يتباع هاو ليك الوصفة
كيلو فرينة
20 جرام ملح
150 جرام سكر
كاس تاي زيت
زوج بيضات كاملتين
100 جرام حليب غبرة
30 جرام خميرة الخبز
1/2 لتر ماء دافي
500 جرام زبدة التوريق انا استعملت صالحة
3 tours simple
هذي لعجينة كيما العجينة الورقة يا بعد لاكن نديروا ثلاث ادوار فقط
اولا احكمي الخميرة ديريها مع ماء دافي و شوية سكر خليها تتخمر
من بعد روحي لزبدة التوريق حطي عليها ورق الطبخ و اضربيها بلالحلال ختى تولي طرية
بطرواة العجينة
نروحو دوكا للعجينة بعد ما تخمرت الخميرة نخلطو جميع المقادبر الجافة مع بعض من بعد نضيف الخميرة و البيض نخلطوهم و نلموها بالماء الدافي حتى نتحصلو على عجينة طرية جدا تلصق في اليد
ما تخافيش كي تلصق اعجنيها مليح لمدة عشر دقائق و مرة غلى مرة رشي شوية فرينة باه تساعدك على العجن كملتي عجنتيها عشر دقايق شكليها كرية و احكمي الموسو شكلي علامة زائد كيما موضح في الصورة و خليها ترتاح نص ساعة تضاعف حجمها في مكان دافيء
بعد ما تضاعف حجم العجينة نحكمو نحلوها غلى شكل مربع كل جهة وحدها
نحطو الزبدة لي كما ضربناها بالحلال حتي طرات نحطوها في النص من بعد نجبدوا نسكروا كل جهة و كانو ظرف بريدي
نحكموا الحلال نضربوا العجينة هذيك لي درنا فيها الزبدة و تبداو نحلوها على الطول
ما تنساوش كل مرة ترشي الفرينة على مكان العمل باه ما تلصقش و يخرب كلشي
من باعد احكمي جهة الشمال اجبديها للوسط و جهة اليمين الى الوسط و اضربيها اما بيدك او بالحلال باه ما يدخلش لهوا فيها و حطيعا في الثلاجة تريح من عشر الى ربع ساعة
كي تريح خرجيها من الثلاجة و اعيدي نفس الشي حليها على الطول و اطويها مع الحفاظ على جهة طي واحدة مالزمش تغلطي فيه والا ماتجيكش مورقة
كيما قلت نعودو نفس الشي ثلاث مرات يعني عجبنة الكرواصون فيها 3 tours
وكل مرة لازم تحطيها تريح في الثلاجة
من باعد كي تكملي تقسمي العجينة على زوج تلقايها مورقة يعني ورقات و رقات كلش او في الصور نوضح
نجيو نشكلو لي بوتيت بان
احكمي جه من لعجينة حليها مليح ادهنيها بالبيض و حطي فوقها الشيكولا اطويها على و جها و زيري مليح لعجينة بيدك و ادهنيها بالبيض تاني و زيدي طية اخرى و قطعي كيما موضح في الصور
الكرواصون نفس الشي لاكن نقطعوا مثلثات
كي تكملي اخبطي حبة بيض مع شوية خل و ادهني الحبات تاوعك و خليهم يرتاحو حتى يضاعفوا الحجم تاعهم
و طيبيهم و النتيجة و الله خيرمن لي يتباع
ان شاء الله تكونو فهمتوا عليا
ما تخرجوش بدون شكر و الله وصفة مصمونة و مجربة و تعبت و انا نير في الصور
الله يبارك ويعطيك الصحة يا اختي جربت نفس الغوسات و منجحتش و قالو لي المشكل في الفور
يعطيك الصحة وماجورة على التعب اختي في ميزان حسناتك وباذن الله نجربها
الله يبارك يهبل
بارك الله فيك
الله يعطيك الصحة
شكرا على الشرح حبيبة
شكرا على الوصفة يبان هشوش ويشهى يعطيك الصحة
ما شاء االله يعطيك الصحة يا ختي
44444444444444444444444444444444444
بارك الله فيك جعلها الله في ميزان حسناتك
الله يبارك ويعطيك الصحة يا اختي
|
المشاركة الأصلية كتبت بواسطة الناقة
 الله يبارك ويعطيك الصحة يا اختي جربت نفس الغوسات و منجحتش و قالو لي المشكل في الفور
|
شوفي اختي الا خرجلك مورق يسما المشل في الفور برك والا مخرجش موؤق المشكل في التوريق الا حابة تعاوي تحربييه حاولي تخليه يطيب بالشوية برك وان شاؤ الله ينجحلك
شكرا لكم جميعا ان شاؤ الله تكون عجبتكم و الله انا اول مرة جربتوا جاني كيما لي يتباع برا و ابن لانوا مكانش كيما حاجة الدار و اليد و ان شاء الله تجربوه
بارك الله فيك حبيبتي على الوصفة و على الشرح الكافي ،، في ميزان حسناتك