تفضلو غالياتي وصفة تقليدية لذييييذة جداااا وهي في الحقيقة اصلها من المغرب الشقيق،، و نحضروه أيضاً في مناطق الغرب الجزائري و انا قدمته بطريقة عصرية ،، و هذا الطبق نحضروه في المناسبات السعيدة او للضيوف
تفضلو المقادير و الطريقة مع الصور
اولا نحضر مرقة بيضا و نحتاج الى
قطع من اللحم الغنمي يفضل انهم يكونو من الفخذ حسب عدد الأشخاص انا درت تقريبا كيلو خاطرش عائلتنا الله يبارك ههههه
بصلة كبيرة او بصلتين صغيرتين
ثلاث حبات جزر متوسطين
حمص منفخ و مغسول
شوية زيت عادي
قطعة مارغرين
ملح، فلفل اسود، عود قرفة ، نصف م ص سكنجبير
ماء
Boudin او التعمير بالكفتة تلقوا رابط الوصفة هنا
https://www.djelfa.info/vb/showthread.php?t=1648229
و للكسكس نحتاج الى
كيلو كسكس
زيت الزيتون
زبدة او مارغرين
زبيب مغسول و منقوع في ماء سخوووووون
ماء
في كوكوطة نحط الزيت و المارغرين و قطع اللحم و البصل مقطع طوليا ما يهمش الحجم و نقلي على نار هادية مع التحريك و نضيف الملح حسب الذوق و الفلفل الأسود و القرفة و السكنجبير و نزيد نقلي ثم نمرق و نزيد الجزر و الحمص بعدما نكون درته في كيس صغيرو نقي طبعا ،، نحزمه مليح و نثقبه بالفرشيطة ،، و نخلي الكل يغلي و نغلق الكوكوطة
في هذاك الوقت نحط مقدار ست ملاعق ك زيت الزيتون على الكسكس بعد ما نكون حطيته في قصعة و نخلط مليح بيديا باش الزيت يدخل لكامل حبات الطعام ،، انا نستعمل عمر بن عمر متوسط كما هو موضح في الصورة
ثم نفرغ عليه مقدار من الماء انا لكل 1 كغ ندير لتر الا ربع من الماء و نخلط بيدي باش نشمخه مليح و مرة على مرة نحله بصباعاتي باش ما يلصقش مع بعضه حتى نشوفه شرب قاع الماء و كل حبة وحدها،، و نكون درت القدر فيه الماء يغلي على نار قاوية ثم نعمر الكسكاس بالطعام و نغطيه و نخليه يفور مليح و كل وحدة طبعا طريقتها ،، انا نفوره المرة الاولى و نعاوده مرة وحدة و نغطيه و نخليه يرتاح و نزيد نفوره مرة اخرى و ندهنه
شوفو كيفاش الطعام شرب الما كاااامل و نشف كل حبة وحدها
لما ينضج اللحم و الجزر نصفي المرق و ننحي اللحم و نحطه في صحن و نخليه يبرد شوية ثم ننقيه مالعظم لي فيه و الشحم و نفتته الى قطع متوسطة و نغطيه الى حين الاستعمال و أيضاً ننحي الكيس تاع الحمص و نخليه بجهة ،، و ما ننساش تاني البودان او التعمير باش نحيه كذلك
نأتي الان الى طريقة التقديم
في صحن التقديم نحط طبقة تاع كسكس طبعا مدهون و نسقيه بشوية مرق لي كنت صفيته
من بعد نغطيه باللحم لي فتته بطريقة منظمة
نزيد نغطي اللحم بطبقة تاع كسكس بعد ما خلطت معاه الزبيب و نسقيه أيضاً بشوية مرق
و نزين من فوق انا زينت باللوز ،، حمرته في مقلة مع شوية مارغرين،، و بيستاش او فستق حلبي في الوسط و جوز و كرز معلب او سوغيز كونفيت هههه و الحمص و البودان قطعته الى نصف دوائر كما هو موضح في الصور و كل وحدة و ذوقها في التزيين و طبعا حسب الموجود
مين تبدو تأكلوا تلقو قطع اللحم و هووووب مفاااااجاة للضيوف بعدما حسبوه مسفوووووف هههههه
و هذه صورة نهائية اخيرة مممممممم 
نتمنى تعجبكم الوصفة و طريقة الشرح حبيباتي راني كثرت الصور باش تفهمو ،، علابالي بلي كاين بزاف لي ما يعرفوهش و خاصة المبتدءات في المطبخ
و اخيراً نقوللكم دعوة خير بزاف عليا و السلاااام خير ختااااام و الحمد لله رب العالمين
اممممممممممممم يهبل انا الحاجة اللي نديرها نهرب بالغرفية واللي قافزة تحكمني هههههههههههه
بارك الله فيك ليزا
مممممممم هايل يعطيك الصحة والله شهيتيني
وبما لني اول رد الزلافة كلها لياههههههههه
هاااااايل يااختي تقريبا نفس طريقتنا
اممممممممممممممممممممممممممممممممممممممممم انا ناكل و نعاود…اني مازال ماشفتوش هههه نريزارفي من يديك اكيد روعة
رائع…يعطيك الصحة
يعطيك الصحة ليزابل انا هاتيلي هذاك التعمير لي هبلنيييييييييييييييييييييييييييييييييي …..انا نعرف السفة تاع الدويدة يعني فارميسال مع السمان امممم…..يعطيك الصحة فحلة تاع الصح ربي يبارك فيك…..نتي منين بالضبط معسكر ولا…ربي يبارك كلشي من عندك هبااال
|
المشاركة الأصلية كتبت بواسطة touta2016
 مممممممم هايل يعطيك الصحة والله شهيتيني
وبما لني اول رد الزلافة كلها لياههههههههه |
وين ليك يااااو انا هربت بيها قبلك ههههههههههههههههه
مبدعة الله يبارك
ههههههههههه حتى انا البارح ما فهمت فيها والوا زيب وبيستاش ولحم مرحي
اتاريه محشي باللحم ومسقي بمرقة بيضاء اممممممممممممممم
يعطيك الصحة
|
المشاركة الأصلية كتبت بواسطة ريتاج تيارتية
اممممممممممممم يهبل انا الحاجة اللي نديرها نهرب بالغرفية واللي قافزة تحكمني هههههههههههه
بارك الله فيك ليزا |
منين خرجتيلي انتي
تقول كنتي معاها هههههههههههه
كنتي حاكمتلها الزلافة هههههههه
روووووووووووووووووووووووووووعة طبق يشهي وبريزونتابل يحمر الوجه
شكرااااا جزيلا غالياتي بفضلك عرفت وشنو التعمير والمدفون وتعلمت طريقة التحضير
ربي يبارك لك في صحتك وزوجك ويبارك لك في اولادك ويحفظهم لك
|
المشاركة الأصلية كتبت بواسطة touta2016
منين خرجتيلي انتي
تقول كنتي معاها هههههههههههه كنتي حاكمتلها الزلافة هههههههه |
ههههههههههه كنت جيعانة بانتلي ليزا روحت نجري هههههههههههه
هايل شهيتيني راه الديكور روووووووووووووووووووووووووووووووووووووعة صح كيما يقولو العين تاكل قبل
الفم يعطيك الصحة راكي مدرسة نتعلمو منك
مشاء الله عليك اختى ليزابيل مزالنا مع التعمير زدتى كملتى علينا بالمدفون شكرا على الوصفة