السلام عليكم ورحمة الله و بركاته
جاو عندنا ضياف و هذا واش طيبت انا و امي الله يحفظها
السلطات و المقبلات و الديسير و البرقوق عليا
والحريرة و الطواجن على امي الله يحفظها
اول شيء لي هي حاجة اساسية في طاولتنا
الحريرة
المقبلات
فلفل + خبيزات بالكفة + ليشو بالطون و المايوينز و البيض + كورنيات بالكفتة الديك الرومي
السلطات
الطواجين
دجاج محمر بالشمبينيو و طاجين اللوبيا باللحم و الكفتة و برقوق بالانانس معسلة
نسيت مصورتش السمك مقلي و قدمتو بشرائح الليمون
الديسير
ديسر بالفراز و كريمة الليمون
صحن الفاكهة نسيت مصوتهش هو و المشروبات
أتمنى الأطباق تعجبكم
و اذا عجبتكم كاش حاجة نعيطكم الوصفات
فالعشية قدمنا القهوة و الاتاي و الحلويات
هذي الحلويات لي وجدنا
الفستقية
الصامصة
التشاراك
و الحمد لله على نعمه التي لا تعد و لا تحصى
اللهم أدمها علينا نعمة و احفظها من الزوال
ماشاء الله .كل شئ راااائع وخاصة الحريرة والمقبلات .وصراحة انا اريد الوصفات كلها لأنها عزومة مشرفة .شكرا لك
مممممم يشهيو سلمت يداك ولو ممكن تعطينا وصفة حلوة الفستقية ومزيدا من التالق
يعطيك الصحة اختي انت و ماماك و الف شكر
يعطيك الصحة يا احتي انت و ماماك ربي يحليهالك و يحفظها…لكن اريد الوصفة نتاع الكريم ديسار نتاع الفرولة
يعطيك الصحك يختي انتي ويماك ويخليهالك انشاء الله
لو تفضلتي يختي حطيلي الوصفات
انا نحب الكوزينا بزاف مزاني شوي جديدة فيها
وشكرا جزيلا اختي
يمممممممممممممممممممممم يم
يا اختي شهتينا الله يعطيك الصحة
اريد منك وصفة الديسير و الخبيزات بالكفتة والشو ومقادير تعميرة الكورنيات
وكيفاش درتي الدجاج مع الشومبينيو
واش كان قصدك الاناناس المعسل
تسلم يمناك اختي
ما شاء الله
عزومة تهبل
أدعوكي للمشاركة معنا في الفعالية الثانية لمعرض المواهب النسائية لتشاركي معنا بابداعاتك
من هنا
بالتوفيق لك
ما شاء الله اللهم ادمها نعمة و احفظها من الزوال
|
المشاركة الأصلية كتبت بواسطة سينم
 ماشاء الله .كل شئ راااائع وخاصة الحريرة والمقبلات .وصراحة انا اريد الوصفات كلها لأنها عزومة مشرفة .شكرا لك
|
الله يسلمك اختي بارك الله فكي هذا من ذوقكي
المقبلات
خبيزات بالكفة
المقادير :
300 غ فرينة
ملعقتين سكر
2 ملاعق كبار حليب غبرة استعملت حليب سائل
2 ملاعق صغار خميرة
حبة بيضة مضربة ندو النصف فقط ونخلو النصف الاخر
2 ملاعق كبار زبدة لينة
2 ملاعق صغار ملح
ماء دافىء حوالي 80-95 ملل باه نلمدو العجينة
طريقة التحضير:
نقوم بخلط جميع المقادير المدكورة الفرينة+سكر+لحظة+نصف الحبة بيض+زبدة+ملح+خميرة وماء يساعدنا باه نلمد العجينة حتى نتحصل على عجينة طرية نتركها ترتاح ومبعد نشكلها حربوش ثم نثنيه لنتحصل على شكل ثمانية ونتركها ترتاح والصورة توضح اكثر
بعد ماترتاح العجينة ندهنها بالبيض الباقي ثم نقم بوضع الحشوة والحشوة كيما تحبي
الحشو لي ستعملتو كان كفتة قليتها في شوية زيت مع بصل و ملح و فلفل اسود و قرفة و خليتها على نار قليلة متزيديش الماء حتى لي طيب
الحشو لي كان في النات
الحشوة متكونة من طون+زيت زيتون+فرماج مقطع قطع صغيرة+بيض مغلي مقطع+شوية ملح+مايوناز ثم نقوم برشه من فوق بالسانوج وندخله الفرن عند الاحمرار نخرجة وبالصحة
و الصراحة جات بنينة
*************
لي شو مالحين
هذا رابط للعجينة بالصور للاخت remadna الله يحفظها و يبارك فيها
https://www.djelfa.info/vb/showthread.php?t=559676
السر هو في طهييها لازم دخليهم في فرن مسخن من قبل على درجة 220 10د ثم تنقصي النار حتى 180 و تخليهم 20د او اكثر ملزمش تفتحي الفرن و كي طفي الفرن خليهم فيه حتى لي يبردو فتحي غير شوية الفرن و خليهم فيه
توجدي لي شو عاديني غير متزيديش السكر
العمارة
صفار بيض مغلي +مايوونيز+و طون تخلطيهم مليح تقدري تزيدي زيتون مقطع و ماييز نتاع السلطات
و تفتحي الشو في الوسط لازم تلقيها خاوية من داخل و تعمري بيها الشو
***************************
لي كورني بكفتة الديك الرومي
العجينة المورقة اذا حبيتي نعطيك طريقة صنعها صنعتها في البيت
هبرة الديك الرومي طحنتها غير شوية
و قليتها مع شوية زبدة و بصل و ملح + فلفل اسود+سكنجبير
حتى لي طاب + مغرف فرينة+ 2 مغارف حليب و خلطي مليح يعني تولي كيما البشاميل
زيدي حبة فرماج او 2 او فرماج رابي
و معدنوس مقطع رقيق خلطي و عمري بيهم لي كورني
هذي طريقة صنع الكورني اخدتها من النات
نقوم بطرح العجينة وتقطيعها مستطيل باجرارة نتاع القريوشة ونقوم بلفها على القالب ثم نقوم بدهنها بالبيض ورشها بالسانوج ونقوم بادخالها الفرن يكون ساخن مسبقا وعند احرارها نخرجها ونخليها تبرد ماتنحوش القالب حتى تبرد مليح ونحيها
انا بدلت الحشو و هي دايرة سانوج انا درت الجلجلان حتى نبدل في المعجانت الاخرى كنت درت السانوج
*************نكمل من بعد اي استفسار اطلبيه اختي
|
المشاركة الأصلية كتبت بواسطة بنت تيبازة
مممممم يشهيو سلمت يداك ولو ممكن تعطينا وصفة حلوة الفستقية ومزيدا من التالق
|
اهلا فيكي اختي تسلمي بارك الله فيكي نورتي الموضوع
هذي وصفة الفستقية
حلوة الفستقية
مصورتش الوصفات بصح اخدتهم من النات و هذي الطريقة
*المقادير*
للعجينة
250غ فرينة
75غ زبدة طرية
رشةملح
نكهة البيستاش
ملون غذائي اخضر
ملعقة صغيرة فانيليا
ماء عادي+ماء الزهر
للحشو
500 غ لوز مطحون انا استعمل الكوكاو
250غ سكر قلاصي اذا استعملتي الكوكاو نقصي من السكر 175 غ
1مغرف صغيرة فاني
2حبات بيض
ملعقة صغيرة ماء الزهر
الطريقة
للحشو
نخلط اللوز والسكر والفاني والماء الزهر و نجمع بالبيض ونشكلها كرات بحجم حبة جوز
للعجينة
نخلط الفرينة والزبدة والملح والفاني و نخلط جيدا
نرشها بماء الزهر ونضيف نكهة البيستاش والملون الغذائي
نجمع العجينة ونتركها ترتاح لمدة 10دقائق
نحل العجينة بواسطة الحلال ونقوم بتقطيعها مربعات كبار
نمررها في الة العجين في رقم 1 ثم 3 ثم 5 و في الاخير في رقم 7
نقطعها على شكل المول ومن الاحسن يكون الشكل مربع
نضع العجينة في المول ونضع في كل واحد كرة من الحشو وباليد نحاول نبسطها
نقوم بثقب السطح بواسطة عود ثقاب
العجينة الباقية نمررها في الالة في رقم 2 و4
نقصها شرائط ونحاول ندخلها في بعضها على شكل وردة ونضعها فوق الحلوى
انا قطعت دائر مشرشفة و طويتها على 2 و قعدت نستف فيها و من بعد برمتها من الاسفل و خرجتلي وردة
الجهة الاخرى نضع عليها بيستاش مجموع ببياض البيض
ندخلها الفرن لمدة 20دقيقة و عند خروجها نتركها تبرد ثم نعسلها في عسل ساخن ونتركها مدة ونزيد نعسلها من فوق للحصول على لمعة
|
المشاركة الأصلية كتبت بواسطة smilingghost
يعطيك الصحة اختي انت و ماماك و الف شكر
|
اللهم امين اختي بارك الله فيكي تشرفت بحضوركي الطيب
ما شاء الله على هدى العزومةالمشرفة ربي يحفضلك يماك ومن فضلك المقادير لكل الانواع ومشكورة والله سخفتينا.
|
المشاركة الأصلية كتبت بواسطة pierre pearl
يعطيك الصحة يا احتي انت و ماماك ربي يحليهالك و يحفظها…لكن اريد الوصفة نتاع الكريم ديسار نتاع الفرولة
|
اللهم امين حنونتي تشرفت بحضوركي الطيب
تفضل وصفة كريم ديسير
هذي المقادير جاتني تقريبا 12 كاس و بقاتلي الجينواز
اولا نحضر العجينة الجينواز
نضرب 4 بيضات و نضيف 150غرام من السكر و نضرب
و نضيف 150 غرام من الدقيق ( الفرينة
و1 خميرة الحلوى و القليل من الفانيلياو نخلط بالملعقة بحذر من فوق لتحت
و ندهن السنية بالزبدة و نرشها بالفرينة
و نفرغ العجينة بداخلها و ندخلها الى الفرن متوسط 160 درجة لمدة نصف ساعة
و عندما تبرد نقطعها إلى قطع صغيرة و سقيها بعصير كوكتيل الفواكه
أو أي عصير تفضلينه
انا أفضل العصير الموجود في الصورة يعطي نكهة راااائعة و لذيذة
ثانيا نحضر كريمة الليمون
غلي نصف لتر حليب
ضربي 2 بيضات مع 80 غ سكر حتى يولي الخليط ابيض ضيفيلو الحيب المغلي و ضربي ثم رجعيه في كسرونة و حطيف فوق نار هادية و بقي تخلطي حتى يثقال شوية ملزمش تنسيه
عصري 2 حبات ليمون و زازت نتاعهم كي تعقد الكيمة زيديهم ليها مع شوية فاني و رجعيها غير شوية فوق النار و خليها تبرد
3/ نحضر الكريم شانتيي
نضع في صحن عميق 50 غرام من بودرة الكريمة
+ 125 مليلتر حليب بارد و نخلط الباتور الكهربائي
حتى يتضاعف حجمها و نضعها جانبا .
قطعي الفراز الى قطع صغيرة و الانناس تاني او اي فاكهة و يمكنكي الاكتفاء بالفراز لوحدو
نأخذ الكأس نضع ملعقة كريمة الليمون نضيف الجينواز
ثم الكريم شانتييي ثم القليل من الفريز و الانانس
ثم الجينواز ثم كريم الليمون ثم الفريز المقطعة ثم الشانتييي
تم الفريز المقطعةممكن ضيفي الجولي و تزيني بالفراز
الوصفة تاني هذي اخدتها من النات بصح بدلت فيها شوية انا استغنيت على كريم باتسيير لضيق الوقت وزدت الانانس و بدلت كريمة الليمون
بصح كان طعمها رائع الوحيدة لي ما رجعتش من العزمة
هذطي لي كانت من النات
على هذا الرابطhttps://forum.sedty.com/t428247.html