هذه العرضة تع عجوزتي و سلافاتي الاسبوع لي فات
اولا اعتذر عن راداءة الصورة بسسب البورتابل و ثانيا كانو اهل زوجي فالدار و خفت تحكمني عجوزتي نصور تقول هذه مهبولة 
هذه الغراتان تع البطاطا و الفيوند اشي بلاصوص بيشاميل هذه فالفرن
هذا سكالوب تع الداند محشي بالزيتون و الفرماج غوج و قريار و الشامبينيون و المعدنوس و لفيتو و حمرتو فالمقلة وطيبتلو لا صوص تاعو و حطيتهم فالمول و كملو الطياب فالفرن
و هذه درتها من قبل و حطيت الوصفة هنا فالمنتدى
هذه بعثتها لعجوزتي
ادعولي بالهناء و الصلاح مع زوجي و بالذرية الصالحة
الله يباااااااااارك فيك و ان شاء الله يعطيك الذرية الصالحة
عرضة تحمر الوجه و عجبنى للسكالوب يهببببببببببببل
يعطيك الصحة عرضة هايلة وتحمر الوجه يا لفحلة ربي يهنيك ان شاءالله ممكن الوصفة الاولى تعيشي حنونة
يعطيك الصحة اختي باين عليك فحلة ونص لكن ادا ممكن المقادير سيرتو كفتة ملفوفة
|
المشاركة الأصلية كتبت بواسطة ام امجد14
 الله يباااااااااارك فيك و ان شاء الله يعطيك الذرية الصالحة
عرضة تحمر الوجه و عجبنى للسكالوب يهببببببببببببل |
الله يبارك في عمرك ان شاء الله والله السكالوب جا برك مش باين من الصورة بصح على الطبيعة احلى و البنة بلاما نقول والله ما بقى منو والو و زوجي على يومين قالي عاوديلنا لي درتيه هذاك النهار سيرتو درت فيه " انواع تع الفرماج و كثرت فيه
يعطيك الصحة يالفحلة والله غير تحمر الوجه
وربي يرزقك بالذرية الصالحة
بصحتكم وربي يتمملك انتي وزوجك ويرزقك الذرية الصالحة
مممممم يشهيو فحلة صح صح ربي يهنيك حنونة ويسعدك ويرزقك ذرية صالحة امييين يارب
يارب يهني الاخت ميار مع زوجها ويرزقها الدرية الصالحة يارب وادا ممكن الطريقة
|
المشاركة الأصلية كتبت بواسطة اشورة
يعطيك الصحة عرضة هايلة وتحمر الوجه يا لفحلة ربي يهنيك ان شاءالله ممكن الوصفة الاولى تعيشي حنونة
|
الله يسلمك اختي ان شاء الله ربي يهنيك انت تاني
الوصفة الاولى ساهلة خلاص
البطاطا غليها مع شوية ملح و من بعد ارحيها
و من جهة خلاف اللحم المرحية تطيبيها فالمقلة و من بعد تداويها عادي بالمعدنوس و الذواقة و الفلفل الاسود و الملح و اتلبصل و الثوم
في مول مدهون بالزبدة ديري طبقة من البطاطا المرحية المضاف اليها شوية فرماج مرحي و البيشاميل و ثم طبقة من الحشو ثم طبقة اخرى كيما الاولى و صبي البيشاميل و فالاخير الفروماج رابي و حطيها فالفرن
|
المشاركة الأصلية كتبت بواسطة omar_moubarki
يعطيك الصحة اختي باين عليك فحلة ونص لكن ادا ممكن المقادير سيرتو كفتة ملفوفة
|
الله يسلمك اختي نورتي الصفحة
ادخلي لهنا تلقاي المقادير
اطباق رائعة….اسال الله ان يسعدك مع زوجك ويرزقكما الذرية الطيبة المباركة…..
بصحتكم وربي يتمملك انتي وزوجك ويرزقك الذرية الصالحة
اممممممممممممممممم سخفتيني نمووووووووووووووووووووت على اللحم مرحي بصح المرة الجاية كيديري عرضى اتفكريني هههههههههههههههه ربي يكملك بالخير ويعطيك الذرية الصالحة
ربي يهنيك اختي ويرزقك الذرية الصالحة
شكرا على الوصفات تبارك الله عليك واش قالوا لك على طيابك ميار