السلام عليكم و رحمة الله و بركاته
اليوم مع وصفة لذيذة جدا و نديرها بزاف حتى كي يكونو عندي ضياف راهي présentable
نبداو بلا صوص :
نديرو صدر دجاج + طرف لحم في الفرينة ونحطوهم في طنيجرة مع الزيت و نقليهم بنار قوية
في هاذ الاثناء نرابي بصلة + 02 سنينات ثوم ونزيدوهم للطنيجرة و نقليو الكل مليح
ضيفي جمبو دجاج + ملح + فلفل أسود+ سكنجبير+ حبة طماطم تقطعيها على 02
قطعي حبة جزر مكعبات صغار و زيديها
غلي زيتون (كمية معتبرة) و قطعيه دوائر و ارميه
زيدي الفطر
مرقي وخلي الكل يطيب ثم نحي الدجاج و اللحم قطعيهم صغار ورجعيهم للمرقة
ملاحظة: اذا كانت لا صوص خفيفة زيديلها شوية فرينة تحليها في ماء بارد و خليها تغلي شويا.
بالنسبة اللي فولوفون راهم يتباعو في المخبزات او حتى لي سوبيرات كل واحدة تشري على حساب افراد العائلة
عمريهم في الوسط بلا صوص بيشاميل و نرفدو قليل من الخليط اللي طاب فلا صوص من لحم و دجاج و جزر و زيتون و فطر بواسطة فرشيطة و نحطوا فوق لا صوص بيشاميل (قليل للتزيين فقط)
قبل التقديم نسخن لي فولوفون في الفرن باش اولو يقرمشو .
عند التقديم حطي لي فولوفون في صحن و سقيها بلا صوص تاع اللحم (كل واحد اسقي وحدو مباشرة قبل الاكل)
نتمنى اني وفقت في الشرح و ان شاء الله تجربوها شكرا
يعطيك الصحة يا لفحلة باينة بنينة
ya3tik saha une tres bonne recette comme la miene merciiiiiiiiiii
بارك الله فيك وجعله في ميزان حسناتك
شركتي ووفيتي بارك الله فيكي حبيبتي
نورتي بالموضوع الرائع
سلاااااام حنونة
بارك الله فيك
يعطيك الصحة
بارك الله فيك وصفة لديدة
يعطيك الصحة
شكرا على المرور الله يستركم
تبان بنينة يعطيك الصحة
شكرا على الوصفة خاصة انها وصفة جديدة عليا انا كنت نديرهم بصح بطريقة اخرى بارك الله فيك
يعطيك الصحة ..