السلام عليكم ورحمة الله وبركاته
وصفتى اليوم هى رولي الدجاج بالمرقاز هاااااايلة
.jpg]
[/url]
المقادير بسيطة
نحتاج
صدر دجاج او 2 يكون مرحى
كمية من المرقاز حبات فقط ماشي بزاااف
كمية من الزيتون الاخضر منزوع النوى ومنزوع الملح
بياض بيضة
3 ملاعق كبار من الخبز اليابس مرحى لاشابليغ
حبة بصل
سنة ولا 2 توم
ملح +فلفل اسود ولا ابيض +زنجبيل +اوراق زعيترة جافة او خضراء اختيارية
اول شي نقطع البصل مربعات صغار ونحمسها في مقلة مع شوية زيت +ملح +فلفل اسود ونخليها تذبل
هاد القطاعة هاااااااااااااااااااااااااااااااااااايلة
الان الخدمة في الروبو
نحط صدر الدجاج +البصلة + التوم + بياض البيض +الشابليغ+التوابل +الهريسة ملعقة اللي يحب الحار انا بحكم عندى ولادى صغار مانقدرش ندير
ونخلط كلش مليح حتى يتجانس وتتداخل المكونات
في نفس المقلة اللي حمسنا فيها البصل نحط حبات المرقاز ونخليهم يتقلاو نص طياب فقط
فيحين حنا نحكمو ورق الزبدة او ورق الطبخ ندهنوه بشوية زيت ونفرش فيه الخليط ونسويوه مستطيل السمك تاعو حوالي نصف سم ونحط فوقو المرقاز والزيتون وبواسطة الورق نروليوه حتى نتحصل على حربوش
نغلفوه بورق الطبخ ونحطوه في الكوشة على نار متوسطة من 20 حتى ل 30د كل وحدة والفرن تاعها كى يطيب نحيه وخليه شوية من 5الى 7د باه تقطعيه وقدميه مع واش تحبي اما فريت او ارز او أي شيئ
نخليكم مع الصور للتوضيح اكتر
هدا المرقاز في المقلة ماتديرولوش الزيت
وهنا فرشنا الخليط وفوقو حبات المرقاز فقط كى نستفوهم نثبتوهم يعنى نضغطو عليهم شوية باه يتثبتو داخل الدجاج
كى نروليوه زيرو شوية وامسحو السطح باه شكلو يخرج مليح
في الاخير نقولكم اولا ان شاء الله تعجبكم الوصفة ونكون وفقت في الشرح
تانيا اردودكم تشجعنا وتعلمنا وتخلينا نزيدو في العطاء فلا تحرمونا لا من ردودكم ولا من دعائكم ولكم بالمثل
تحياتلى للجميع
بارك الله فيك اختي وصفة راءعة
يعطيك الصحه ����������
|
المشاركة الأصلية كتبت بواسطة أم إناس
 بارك الله فيك اختي وصفة راءعة
يعطيك الصحه 👏👏👏🌹🌹 |
والله مرورك الاروع بارك الله فيك
حقا انا من عشاق حلوياتك ووصفاتك وطريقة تقديمك ماشاء الله وربي يكملك بخير
طريقة هايلة يعطيك الصحة
شفتها من قبل في واش طيبتي اليوم وكان عندي فضول باش نعرف الطريقة
بارك الله فيك
بعطيك الصحة
|
المشاركة الأصلية كتبت بواسطة oum radja
طريقة هايلة يعطيك الصحة
شفتها من قبل في واش طيبتي اليوم وكان عندي فضول باش نعرف الطريقة بارك الله فيك |
ايا الحمد لله راح الفضول وزال الغموض
شرفنى مرورك
|
المشاركة الأصلية كتبت بواسطة ام سراج وملاك
بعطيك الصحة
|
شكرا تسلمى
وصفة هايلة يعطيك الصحة ختي وبصحتكم
ممممم وصفة تبان لذييييذة من مكوناتها ،، يعطيك الصحة و بارك الله فيك و جزاك خيرا حبيبتي 
يعطيك الصحه
شكرااااااااااااااااااااااااااااا منورين الموضوع بارك الله فيكن
يعطيك العافية
شكرا على الوصفة الله يعطيـك الصــحة حــــبيـبة
يعطيك الصحة حبيبتي وصف سهلة وبريزونتابل بارك الله فيك نعرفك فحلة
شكرا على الوصفة
ممممممممممممممممممم نموت على المرقاز يم يم يم
مشكورة على الوصفة عزيزتي راكي شهيتيني فيها
بصحتكم 
4444444444444444