سلام اختواتي بيت نسال على راس الحانوت انا عمري ماطيبت بيه ورها عندي كمية مليحة منو ممكن تقولولي وين نستعملوا اي في اي طبق هو والكروية تعيشو جاوبوني
راس الحانوت في الحريرة و شوربة فريك اما الكروية تقدري ديريها في الحريرة في الاخر خلاص تعطي نكه خلصة تقدري ديريه في كويرات اللحم مرحي و اخيرا انا نديرو لما نقلي البدنجال و نزيد صوص طماطم نزيد درسة فيها الثوم شوية ملح و كروية
راس الحانوت نديروه في الحريرة بعد ما نطحنو الخضر وفي البركوكس (ظروري) وفي العصبان والدولمة نتاع السردين
والكروية في الحريرة (اساس الحريرة) وبعد ما تطيبي الزيتون
ملاحظة الكروية ديما رميها قبل ماتطفي ب 5دقائق فقط باش البنة ما تروحش
سلاااااااااام
سلام اختي
احنا ناس باتنة راس الحانوت في الطعام، شرية فريك، بركوكس،شخشوخة،
الكروية في اللكبوكة
شكرا لكن جميعا لكن شفتو عدد المشاهدات شحال هههههه
راس الحانوت في الحريرة والكروية ثانيك كيما قالت الاخت مارينا في التالي كي تبغي طفي على الحريرة تضيفي الكروية تعطيها طعم هااااااااااايل
hna ndirouh fela3des yji raw3a
اهلا الماسة
* راس الحانوت نستعملو في الحريرة و شربة فريك
* والكروية كذلك في الاخير قبل مانطفي عليهم
* ونستعملها **الكروية** في الشرمولة تاع الكبدة اوشرمولة الزرودية
وفي البكبوكة والعصبان
في لي صوص مرقة حمرا وتتبيل اللحوم ولحوت وجاج وشوربة فريك متستعمليهش برك في لمرقة البيضة
راس الحانوت أستعمليه في كل المراقي البيضاء والحمراء يزيد في البنة ورااائع
الكروية أساس الحريرة تمدلها ذوق هايل
وثاني ديريها في شرمولة الزرودية والكبدة و في العصبان هذا الى نعرف مانطيبش بيها بزاف
|
المشاركة الأصلية كتبت بواسطة الماسة النادرة
 شكرا لكن جميعا لكن شفتو عدد المشاهدات شحال هههههه
|
مليح با ش الفائدة تكون للجميع
راس الحانوت نديروه في الحريرة و مرقة الطعام و البركوكس و تتبيل اللحم و الكروية نستعملها فقط في الحريرة مع الاخير……. لكني مع الوحم اصبحت نكره ريحتو هههه ماعلاباليش قاع وين طيشتو فالكوزينة ماوليتش نحمل ريحته
أختي حنا عندنا في بسكرة نستعملو راس الحانوت في كل أنواع المرق الأحمر و لي صوص غوج حوالي ملعقة صغيرة إذا كانت كمية تكفي ل 4 أشخاص
و الكروية نستعملها مع الفلفل الأسود و الكسبر اليابس المرحي في كل أنواع المرق الأبيض لكن تكون حوالي ريع ملعقة ص كروية و نصف ملعقة ص فلفل أسود و ملعقة ص كسبر يابس مرحي
شكرا لكن كل كلمة كتبتوها ربي يعطيكم الاف الحسنات