السلام عليكم
راني جبتلكم اليوم طبق كنت نديرو انا واختي كي كنا بنات وراجلي يموت على هذا الطبق وقالي ديريه انتهزت الفرصة وقلت نعتو لحباباتي نتاع داري الثانية اللي عدت مانقدرش نستغنى على القعدة فيها نبدا على بركت الله
نحتاجو اللحم المرحي وانا اليوم ماكانش عندي نسيت نشريه وبطاطا +زيتون مغلي ومقطع+بيض مشرشم وحبات مش طايبين+فرماج +كاشير +صدر نتاع الجاج طايب ومفتت+طماطم مقطعة كيما راهم في الصورة
ندهن البلاطو نتاع الفور بشوية زبدة ونفرش اولا اللحم المرحي تكوني داوتيه وطيبتيه في شوية زيت ونحط فوقو بطاطامقلية
ونزيد نفرش فوقهم الزيتون
ونزيدو اللحم الجاج المفتت
والكاشير والفرماج
ونزيدو من الفوق البيض المشرشم والطماطم لازم تكون نية باش تطري الطبق شوية ونختم بالبطاطا القلية نغطي بيها
ثم نخبط البيض بشوية فلفل الاسود والمعدنوس وشوية برك ملح ونخلطهم ونصبهم من الفوق وتحبي ترابي فرماج
ودخليه للفرن يطيب البيض وينشف مايديش وقت كلش طايب
وبصح والهنا قوقووووووووولي واش رايكم هو طبق بنين وزاكي ويحمر الوجه لضياف نطلب طلب صغير اللي يدخل لهذي الصفحة تدعيولي ربي ينجح ولادي ويصلحهم 
ربي يخليك و يهنيك و لكن الصور ما حبتش تطلع و مبعد نزيد نضرب دارة و نقلك
بارك الله فيك
وووووووووووواووووووووووو يسخف
مممم يعـــــــــــطيـــــــك الصــــــــحـــــــة
|
المشاركة الأصلية كتبت بواسطة maramelmess
 ربي يخليك و يهنيك و لكن الصور ما حبتش تطلع و مبعد نزيد نضرب دارة و نقلك
|
يعيشك خيتي راني نستنا في ردك
|
المشاركة الأصلية كتبت بواسطة ضوندرا
بارك الله فيك
|
ربي يبارك في عمرك حنونة شكرا
|
المشاركة الأصلية كتبت بواسطة سوسو95
وووووووووووواووووووووووو يسخف
|
اسعدني مرورك شكرا
|
المشاركة الأصلية كتبت بواسطة tong2
مممم يعـــــــــــطيـــــــك الصــــــــحـــــــة |
الله يسلمك خيتي شكرا
salimate yadaki
ممممممممممممممممممممم يشهي حنونة و ربي يحفظلك لوليدات و يصلحهملك ياااااااا رب
بارك الله فيك
فكرة هايلة يعطيك الصحة و ربي يخليلك السيارة
يعطيك الصحة بصح كن غير صورتيه كي طاب باش نشوفوه
ربي يخليلك وليداتك
يعطيك الصحة مرام باين بنين نجرب هذ الايام
بارك الله فيك وربي يصلح اولادك ويوفقهم يا رب
رائع جدا اختى شكرا على الوصفه ومكوناتها كامل تتماشى مع بعض وتمد بنه رائعه
الله يبارك