حبيت اليوم نجرب الحمص مرقة
خليتو يبات في الماء من البارح الصباح واليوم راني قاعدة نطيب بيه عندو ساعتين وهو يطيب ومازالو يابس لقيت ناس تقول بالكاربونات ولكن ماعنديش في الدار وش نديرلو
المرة الجاية إذا كنتي مزروبة و معندكش حمص مشمخ
ديري حمص جاف +ماء+فنجان خل يغلي +شلليه ثم طيبي بيه
طريقة أعطتهالي طباخة في لعراس
|
المشاركة الأصلية كتبت بواسطة midou.mimi
 المرة الجاية إذا كنتي مزروبة و معندكش حمص مشمخ
ديري حمص جاف +ماء+فنجان خل يغلي +شلليه ثم طيبي بيه طريقة أعطتهالي طباخة في لعراس |
ربي يحفظك اختي راني خرجتو وغاليتو بالخل ربع ساعة وشليتو كيما قلتلي ورجعتو للبرمة ربع ساعة طاب ربي يحفظك مع انو كان مرنخ من قبل
اختي دريلو خمارة نتاع القاطو يطيب بسيس
|
المشاركة الأصلية كتبت بواسطة tiaretia
اختي دريلو خمارة نتاع القاطو يطيب بسيس
|
ربي يحفظك اختي على النصيحة الجميلة
حنونة هدي المرة ديري ملعقة سكر لكل الحبوب الجافة لما ماتطيبش
Bella mezia
دعوة الخير في ظهر الغيب
في المرة الجاية ان شاء الله شمخي الحمص بعد ما تغسليه مليح أو أي نوع من الحبوب الجافة في ماء سخون+ ملح+ بيكاربونات و غطيه و في الغد طيبه عادي بالماء نتاعو اللي تشمخ فيه و يذا ما طيبتيهش خبيه في المجمد في علبة أو كيس غذائي هاذي هي طريقتي و قت ما نحتاج نطيب نجبد عدس أو حمص
و بالتوفيق دعوة خير في ظهر الغيب تكفي و ان شاء الله نكون أفدت الجميع.
السر باش يطيبولك الحبوب بعد ما تشمخيهم في الليل الصباح دوزنيه عادي والسر انك تغلي الماء مليح حتى يعود يتقالب ومن باعد مرقي بيه ،للامانة جربي وقوليلي
ربي يخليكم كلها معلومات رائعة راني ندعيلكم